#ثأر_الحب_9
#بقلمي #ميرو_الشريف #بنت_طرابلس
💛💛💛💛💛💛💛💛💛💛💛💛💛💛
أمير ايوا اسمع اخطم عليا معنديش خلوق نسوق
ليث غر صبح يافرخ😅
أمير مش رايق بكل ياليث اخطم تي كان معندناش اجتماع اليوم والله ما ماشي
ليث وتي روحك شويا ونخطم عليك
امير في انتضارك وسكر الخط
لوح امير النقال علي الفودرا بتعب وتافئف ولع السيارة
الزح خيرها متردش عليا طول ليل نتصل وبعدها مقفل والله شغلتلي بالي اوووف جهان وينك وخدي نقاب وتصل تاني وعطاه مقفل وستين فكرة تخطر على باله زعما ولولهم تاني فروخ الكلب هدوكة
تي لالا امتي بيولو وانت طول ليل بايت قدام الحوش يا أمير 😓
اي صح أمير بات قدام حوش جهان من خوفه عليها بعد روح ويتصل بيها متردش عاود جي للحوش تاني وكان الشارع هدوء وبالاخص حوشهم خطرت في باله كم من مرا ينزل ويطق الباب بس خاف يزيد يخوفهم وكان فتحو شن بيقلهم قعد طول ليل بايت في السيارة وعيونه على الحوش ومغمضلاش جفن لين صبح الصبح
.............
جمان مرقتيش بيسو
بيسان ماسكة ايد بوها وتفكر في بوها وفي وضعه وكيف بتكون حياتهم والله كسرة الظهر صعبة
بالاخص لم معندكش سند
جمان بيسو
بيسان اها نعم جمان
جمان وين مشيتي ليا ساعة نكلم فيك
بيسان اسفه مسمعتكش ممكن من تعب
جمان انادي الدكتور تحسي في شي
بيسان لالا اموري تمام بس ينوضلنا بابا بخير بس وباستلا ايده حطتها على سرير وناضت
جمان بكسرت خاطر وترجي لربي رفعت يديها ياررب معندناش غيرة ياربي
جهان صباحكم طيب ومتخافوش اكيد وحدا مننا تطابق معاه ونديرو العملية ويولي احسن ما يكون
بيسان وجمان ياررب
......
ليث اوووو أمير التاير نورتنا اول مرا اديرها وتلبسها كاملة
امير كان مافيش اجتماع ماراينها مني 😵
ليث تي خيرك يافرخ وجهك هكي شكلك مش راقد
أمير لالا مرقتش خلينا نمشو توا احسن ما نتأخرو بعدها نحكيلك
وركب السيارة وحكي أمير لليث يلي صار معاه لبارح ليث حسة مكبد جديات بس مباش يقولا شي ولا يوضحلا يبيه يعرف بروحه بالك ربي يهدية على ايديها
ليث مفضاك ياراجل
امير لو انت كنت في مكاني حدير نفس يلي درته
ليث روح ياتاعب روح
امير تخليهم يعتدو على حبيبتك
ليث لم نخلي حد يفكر تفكير غلط في بنت ماشية في شارع الا وقتلته وانت تقولي حبيبتك 😏
امير غر في من نسأل اني مالقيت غيرك يعني الاجرام في دمك
ليث هدا المتوفر عندنا 😅 انزل وصلنا
أمير أهو نزلنا
وفتح فونه وعاود اتصل بيها تاني مقفل
قرار يتصل بوسام يسأله على جهان لو تواصلت معاه
وسام أهلا اهلا وين مغيب
أمير في هالدنيا .
وسام طمني عليك وعلى ليث شن مدايرين
أمير امورنا مليحه وعلى الكيف اسمع بنسألك
كلماتك جمان
وهوا يدعي في داخله يقوله ايه بس الرد خيبلا امله
وسام لا والله ياريت 😓
أمير اووف تمام تسلم
وسام شن امورك مع جهان
أمير تمام بس امس متردش عليا
وسام شن صار بينكم
ليث هيا وقت يابلي عطلتنا
أمير نحكو يادكتر عندنا جتماع نطلع ونكامك سلام
وسام سلام
ليث ردت عليك شكلها
أمير لا والله هدا وسام
.......
الممرضة: صباح الخير
وسام : صباح النور
الممرضة : دكتور خش ارقد تعبت انت امس مع الحاله
وسام :والله تاعب هلبا وبنرقد واني واقف
الممرضة : يعطيك الصحة دكتور والله الحادت كان شنيع بقدرت ربي وبعدين انت كيف طلع منه وفرح بنوتاتة كانو بيموتو علية
وسام :هدا واجبي
الممرضة ربي يفرحك ويعطيك ماتتمنا
وسام: ياررب اسمعي اني ماشي بندير دورا على الحالات وبنخش نرقد في المكتب ماحد يقرب غادي قولي لتنظيف
الممرضة : حاظر دكتور
........
الدكتور السلام عليكم
البنات وعليكم السلام
الممرضة شافت للبنات بستحقار اوشوشت للممرضة تانيا شوفيهم كيف حلوات وميعرفوش يلبسو 😅😅
الممرضه تانيا جت عينها عليهم وقالت يعطي الحم للي معنداش سنون الله غالب
وجي كلامهم في ودن جمان وجعها الموقف .
شافت للب خواتها وروحها
كانو لابسين
بيسان عباية وشبشب
جهان لابسة لبسه كل حاجه من جيها
وجمان لابسة العباية مقلوبة وسبيدرو فردا بفردا واحد ابيض وتاني اسود 😓
الله غالب مكانش خاطر عليهم لبس وسطايل وقتها همهم في بوهم وسندهم في الدنيا يلي يشوفو فيه بيضيع منهم
كشف الدكتور عليه وقال ان حالته مستقرا
بيسان شن صار في تحليل يادكتور
الدكتور يبو شويت وقت مش يطلعو
بيسان كم يعني
الدكتور ساعة تانيا وشبح لشكلهم وتشردهم حس انهم معندهمش فلوس يسدو تكليف المصح فقلهم لازم تخلصي تحت مش نعطوك النتيجه وتخلصي مبدئي على علاج امس ومزال حق العمليه لو صار وتايقت احد العينات
بيسان تمام يادكتور اعتبرا اندفع
الممرضه ماتمشي الامور هني با اعتبار لازم كاش
بيسان ادور في شنطتها بعيونها ملقتهاش
تمام حنخلصو متشوفيش هكي منشحتوش منك حني 😒 وين شنطي ياجهان
جهان منعرفش وناضو يدورو عليها الممرضه تأفافت وطلعت هيا والدكتور والممرضة تانية
جمان شكلك مجبتهاش يابيسان
بيسان منعرفش مش مدكرا شي
جمان مجتش بري للخوش جيبيها وزيدي فلوس للعمليه مرا وحدا وجيبيلي فردت سبيدرو الاسود
جهان وحدا بس وشافت لرجلها وقعدت تضحك
حي عليك لابسا فردا بفردا وعبايتك مقلوبه
بيسان وانتي مش خير منها يامتع السطايل شوفي روحك شن لابسه 😅
جهان وشوفي الشبشب يلي في رجلك بيسو 😅 ناضت تضحك على لبسها يلي مخلطاته جميع الالوان وعلى اختواتها وهما يضحكو معاها بصوت عالي
عادل ربي يدوم الضحك يارب
البنات بابا وقربولا يجرو حضنوه ويبوسو فيه ويحمدولا على السلامة وحكولا ليش الضحك وضحك معاهم
جمان خدت بيسان على جنب وبصوت واطي بيسو مدام بابا فاق يلا بري للحوش وجيبي يلي قتلك عليه وخودي معاك جهان تمشيش بروحك
بيسان بتقعدي بروحك جمان
جمان متخافيش منيش بروحي معاي بابا ونقالي عندي اول ماتوصلو كلموني ولم بتطلعو وردو بالكم من هدوكم الكلاب
جهان مش حاسه انه صار تبادل أدوار
جمان اكبري يابنت
بيسان تمام يلاقبل لاتولي هديك الممرضة باست جمان وبوها وخدت جهان معاها وطلعت
يتبع ......
جميلاتي تفاعلكم مهم
اسفة لتاخير ول قصر الحلقة ضروف ادعولى جميلاتي 💛
تنسوش تتفاعلو
بق لاف 💛
