#ثأر_الحب_10
#بقلمي #ميرو_الشريف #بنت_طرابلس
💛💛💛💛💛💛💛💛💛💛💛💛💛💛
ليث : تي ألها شويا
أمير: فك عليا معياش من تفتفيت من امبكري
ليث : كيف بيعيا وهوا العقيد جمعة 😅
أمير : ضحك ورجع شاف لنقال تاني
ليث : سيب البلي وانت من امبكري شاده وملهيتش بالاجتماع نهائي .
أمير ولا انت هنا شاد نقاله ففي ايدا وافكارة كلها مع جهان يلي مسكرة نقالها
.......
الدكتور : الحمدالله على سلامته .
جمان : الله يسلمك
الدكتور لو ممكن تلحقيني برا شويا وطلع
جمان خافت وتوترت ولحقاته بسرعة
جمان انشالله خير يادكتور
الدكتور خير بس خواتك وين
جمان مشو وتو يجو معادش يعطلو
الدكتور : معناها خليني نبلغك انتي بلغيهم
جمان وعيونها على دكتور وتراجي في الخبر : اها
الدكتور نتيجة العينات طلعت
جمان 😍 الحمدالله ومن فؤنا اطابقت
الدكتور للاسف ولا وحدا فيكم
جمان كيف حني بناته كيف ولا وحدة .
الدكتور هدي بالك يا اخت تصير عادي
جمان بابا لا 😭
الدكتور قعمزها على كرسي الانتضار في الممر وقعد واقف جنبها
جمان 😭😭😭
الدكتور هدي بالك يا اخت اكيد نلقو متبرع ان شاء الله
جمان بابا كيف حاله توا
الدكتور وضعه حرج ومحتاج للعملية في اقرب وقت
جمان يارربي
الدكتور لو عندكم اقارب يقدرو يساعدوكم كلميهم يجو يديرو التحليل وان شاء الله خير
جمان 😭😭😭😭
الدكتور ان شاء الله تحصلو نستادن منك توا
مشي الدكتور وخلا جمان في حاله انهيار وكلامه يتردد على مسامعها ومش عارفة تخش لبوها ولا تقعد تشارك حزنها مع الكرسي البارد يلي مقعمزة عليه 😭😭
حست على ايد دافيه تمسح في دموعها فيقتها من شرودها وشتات افكارها وحزنها لقت قدامها وليد صغير في العمر بوجه تملئه ملامح البرائه وشعر كستنائي وعيون عسليات 😍
بصوت طفولي انتي علاش تبكي
جمان بابا تعبان
الصوت الطفولي حينوض بسلامة متخافيش
جمان ياررب
الصوت الطفولي انتي حلوة خالتو معادش تبكي 😘
جمان انتي احلا ياحلو وابتسمت
الوليد ديما خليك مبتسمة 😊
صوت حنين مليان خوف يقرب منهم: وسااام
الوليد الصغير ماما
المرا وسام وين مشيت ياولدي
الولد اني هني متخافيش عليا
المرا كيف منخافش وانت وليدي
الولد متخافيش اني تمام ياماما واني كبرت
المرا: احلا من كبر
جمان وسام ؟
وسام نعم 😊
المرا اسفة لو زعجك ولدي وسام
جمان بالعكس رسم علي وجهي البسمه
المرا هكي طبعة ميحبش يشوف حد زعلان او يبكي
جمان ربي يحفظهولك
وسام ماما هيا نمشو لبابا
المرا هي سلام وان شاء الله معرفة خير
جمان سلام باي وسام
ومشو الولد الصغير مع امه تبعتهم جمان بعيونها لين اختفو عن انضارها وهيا شاردا تفكر في وضع بوها نطت جمان وقفت ورتسمت البسمة على وجها وهيا تردد في اسم وسام 😊
جمان : اي صح صح وسام قالي ابعتي الملف مرات ملقالك متبرع 😍 بس اني لهيت في موضوع مراد ونسيت هالموضوع وخشت لدار وكلها امل في وسام ودور بعيونها على نقالها
لين لقاته شافت لبوها لقاته راقد باست راسه وخدت نقالها وطلعت للممر ادور في رقم وسام وتصلت بيه كم من مرا ومردش
خيبت امل صابت جمان ماكنتش دايرا حسابها 😓 بس عاودت اتصلت تاني طوووط طووط
جمان السلام عليكم
وسام وعليكم السلام من معاي
جمان احم معاك جمان ال... انت عطيتني رقمك بخصوص حاله بوي
وسام اهلبن بيك اي اي عرفتك كيف حالك وحال خواتك وبوك
جمان مش تمام بكل 😓
الممرضة يادكتور المريض يسأل عليك
وسام تواني
جمان اسفة لو اتصلت في وقت مش مناسب او مش فاضي
وسام ها لالا عادي غر كنت مع الحاله والجهاز في المكتب
جمان الممرضة مش علي تأخير الرد
ويام اه ههه لا لا الأمور تمام تحسابني ممشتلاش المريض واني مشيت
جمان ربي يعاونك يادكتور
وسام سلمك اي شن كنتي تقولي
جمان بابا تعبان ونبولا متبرع في اسرع وقت
وسام ابعتيلي التقرير
جمان صعب اني في المصح مش في الحوش
وسام اي مصح
جمان مصحة ال...
وسام مسافة الطريق ونكون عندك
جمان مافيش داعي تعب روحك
وسام من معاكم
جمان بروحي 😓
وسام بروحك وتقوليلي ماتعب روحك خواتك وين
جمان روحو للحوش الصبح بيجيبو حاجات وقعدبن ماجوش
وسام ولا يهمك شويا ونكون عندك اسمعي جمان
جمان نعم متسكريش الخط خليك تحكي ليىن نوصلك
جمان حست بالامان وزال الخوف يلي كانت حاسه بيه اول ما حكت معاه كانا لقو متبرع راحه غريبه استغربتها هيا بروحها وخوفه عليها وميبيهاش تقعد بروحها زاد خلاها تستريحلا
وقعدو يهدرزو مع بعض
وسام اول ماتصلت بيا وسمعت صوتها علي طول عرفتها قبل حتي ماتعرف عن نفسها بس درت روحي رزين اصلا مستحيل ننيه نبرة صوتها الحنون ولا الرقه يلي فيه
واول ماعرفت انها تستجد بيا اعطيت اشارة للممرضة انها تلغي كل مواعيدي لاني طالع
خوفتني عليها ونار ركبت فيا لم عرفت انها في المصحة بروحها وحدا زيها صعب تعيش ضروف زي هكي
وطول قتلها خليك علي الخط لين نوصل فبك لان كنت نعرف انها ميته من خوفها من رجفت صوتها خفت عليها وتوجهت طول لسيارة واني نهدرز عليها مش ألهيها ونسيها خوفها وكونها بروحها لين سمعت صوت .
.....
بيسان هيا بسرعة
جهان اهو طلعت غر وليت لشخن نقالي
بيسان وقتا توا
جهان مطفي شحن لقيته
بيسان غر هيا خفي روحك نتيجه التحليل اكيد طلعة
جهان هي هي اهو طلعت
وطلعو بس كان في عيون تراقب فيهم وهما ميعرفوش
وصلو للمصح ونزلو دفعت بيسان المبلغ وبلغوها انه النتيجه طلعت توجهت هيا وجهان لمكتب الدكتور مش يعرفوها وفي هالاتناء العيون مزال تراقب فيهم لعند ما لقو الدكتور في الممر وبلغهم ان العينات مطبقتش للاسف
انهارو البنات من الخبر
الدكتور لو عندكم حد من العيلة تقدرو تكلموه يجي يدير التحليل مزال في امل
جهان زي مني
الدكتور خوته او صغار خوته
أحمد : ههههه ضحك بصوت عالي من ورا البنات خلا الكل ينتبهلا
بيسان : انت كيف عرفت مكانه
أحمد اي اني لحقتكم ياحلوه 😉
الدكتور من حضرتك
احمد ولد عمهم
الدكتور كويس معناها لو مستعد خلي الممرضة تاخد منك عينه
أحمد ههههههه علاش مش ننقد عادل هههههه
تي اني نتمناه يموت اليوم قبل غدوا 😅😅مش نتجوز الامر بنته 😉
جهان تتجوز عينك ياكلب
بيسان بابا مش حيموت وحنلقو متبرع مش محتاجيلاك لا انت ولا ولاد عمك لكلاب يلي زيك
احمد في انتضار الاخبار السعيدة يادكتر 😅😅
وطلع وهوا يضحك
الدكتور الموضوع صعب بس مش مستحيل وربي يشفيهولكم ان شاء الله
احمد تي وينه هادا وين مشي
......
وسام الو الو جمان ردي عليا
جمان شن جابك هني انت
وسام الو من هوا ردي عليا
هاشم جيت على خاطرك ياقمر .
جمان بعد عليا احسن مانعيط ونلم عليك ناس
هاشم هاهاهاها وعيطي وخليني نتمتع بصوتك يلي نموت فيه ويلي مش حنسمعة كل ليلا وانتي تترجيني نرخيك
وسااام جمااان ردي
جمان بعد عليا ومتقربش قتلك 😭😢
وسام فار دمة وقعد يجري في الممرات سال الاستعلامات وقلولا علي الغرفة يجري بدون عقل يبي يوصل لحبيبته يلي صوتها خوفه ومن يكون يلي خايفة منه لدرجه هادي وقعد فيةسباق بين افكارة ورجليه يلي ميبوش يوقفو ومحسش بروحه غير حاضنها وهيا تبكي في حضنه وتعيط وتقولا حول ياهاشم وسام جمان اني وسام
وبعدها من عليه حطها وراه وتلفت شبح شبحه تخوف تهز جبال للي كان سبب في خوف حبيبته كان يبي ياكله بقشورة ويعطيه بونيه يطيحه لوطه لو مرا تانيا تجرأت وجبت في طريقها تشوف شن يصير فيك
هاشم ناض ومداير روحه فاندام وبرد الخبطة زادا وسام بونيه تانيا بس هالمرا مطاحش بس وخر وجها تعبه دم
هاشم من انت
جمان تمسكت في سوريه وسام من الخلف كانها تقوله ساعدني انقدني منه طلبت مساعدته بدون كلام
وسام اني خاطيبها
هاشم خطيبها هههه لالا جمان ليا وماحد حياخدها غيري
وسام شدا من حوايجه معادش تدكر اسمها في فمك ياكلب ياخامر
هاشم اني يلي مفروض نقولك هالكلام مش انت 😏 هيا حبيبتي اني 😒
وسام نفد صبرة وتحول فجئة كانه مش نفسه يلي عرفاته جمان تحول لوحش وهجم على هاشم ضرب وطيحة لوطه ولتم عليه الناس وامن المصح
جمان تبكي وتنادي علي وسام وخلاص تبيه يوقف لانها خافت
الامن وقفو هالمهزله يلي اديرو فيها انتم في مصح محترم مش في شارع تتعاركو
قام وسام روحه من عليه وكان وجها في دم وكدمات بس مش زي هاشم يلي وجها معادش ينعرف وتشوه بمعني الكلمه
ناض وسام ونفض حوايجه وخدي ايد جمان ومشي هوا وياها ولا كانا خلا وراه جته ملوحه في الممر
جمان وسام وجهك دم
وسام ولا يهمك بسيطة
جمان لالا مش بسيطة وقفاته وناضت تمشي في ايدها التانيه على وجها وهوا غمض عيونه جمان تبي تتاكد دمه ولا دم هاشم تمشي في ايدها وقلبها قريب يوقف من خوفها وتتمنا في دتخلها يكون دم هاشم
جمان يلا قدامي للمدوا
وسام مافي شي خيرك خايفة
جمان خايفة لالا ودخلاته لغرفة المداواه غر قعمز هني وقعدت ادور في ممرضة ادويلة جرحه ملقتش
وسام تعالي داويني انتي
جمان انني منعرفش
وسام اي انتي اهو اني نساعدك
جمان لاكن
وسام جيبي الشيشه البيضة
جمان تمام وقعدت تبع في تعليماته وسام عيونه مقامهمش من عليها ودايب فيها ومحسش انها كملت لين جت وقعمزت جنبه
جمان الحمدالله على سلامتك
وسام الله يسلمك يادكتر
جمان هههه دكتورة مرا وحدا
وسام وأحلا دكتورة
جمان احم تسلم
وسام من يكون
جمان هاشم ولد عمي 😔
وسام وشن يبي منك وليش كنتي خايفة منه وكيف انتي ليه
جمان ماهو .. وقصة على كلامها دخول تؤمها للدار
جهان الحمدالله لقيتك
جمان جهان وحضنو بعض وقعدو يبكو
جهان أحمد هني خفت عليك وين كنتي
جمان حتي هاشم كان هني 😔
جهان شن دارلك ضرك بشي الكلب هدا
جمان لا وسام جي في الوقت المناسب
جهان دكتر وسام شكرا لانك انقدت اختي الواضح انك تاديت اسفه بنيابا عليه سامحنا وعلى بدر من عيلتنا
وسام لا شكر على واجب ومتعتدريش على شي انتي مدرتيشي
جهان ماهو يكون ولد عمي
وسام حتي ولو كل ايد تمسح على وجها وهوا خدي يلي يستاهلا
جهان كيف
جمان بفرح : تعرفي وسام ضربه لين شوهلا وجها وكدمات في اغلب جسمه 😍😍وعرفة حدودة 😊
جهان شكرا يادكتر
وسلم مافيش داعي لشكر وعيونه هايمات في جمان 😍😍
جهان الحمدالله انك كنت متواجد وانقدتها
وسام اني جيت على خاطرها اصلا
جهان ها كيف
جمان احم اني كلمته بخصوص احليل بابا والمتبرع
جهان اي قال الدكتور ان مطبقوش 😔
وسام متخافوش اكيد نحصلو خليني نشوف تحليل ونكتب تقرير ونبدا في البحت وان شاء الله خير
جمان جهان يارب
ومشو لدار عادل تفاجئت بيسان بوجوده وحكوالها كل يلي صار وهيا شكراته وبدي في خدمته
وخدي فونه وبعت تقرير لكل اصدقائه الدكاترة داخل وخارج ليبيا وقعدو يستنو في رد
يتبع ...
زعما يحصلو متبرع
شني بيصير في وسام وجمان بيبدو قصتهم ومراد وين مغيب 🤔
يلل تفاعلكم واقترحاتكم وتوقعاتكم جميلاتي
اهو عوضكم بحلقة طويله 💛
