"امسكي ريموت التلفزيون ما يضيع يابت"
بشبش ادت الريموت لسجك عشان تلمه زي المرا ست بيت العرس البتلملم حاجاتها من السرقة.
طبعا بعد وصلو المطار و ودعو ناس حسحسة ودوهم الفندق و ادوهم اي وحدة غرفة براها لكن طبعا الجاحدات قالو عايزين سويت عشان يكونو معبعض و مينجي قالت عشان عايزة تجرب احساس سويت ناس الآنسة فرح.
"القال ليك منن د ريموت تلفزيون؟ اصلكم ما بتترقو و ما بترتقو مع الخواجة .. د ريموت مكيف"
سجك رفعت رأسها زي الزرافة و رجعت شعرها لورا و ضغطت على الريموت قامت الستارة فتحت.
"اب سن بضحك على اب سنين"
مينجي جات بعد ما استكشفت الفندق و شاغلت البرطانيين لكن هم كانو قايلين عندها متلازمة داون.
"يخوانا .. تخيلو فتحت فيلم و لقيته بدون ترجمة ... يعني الواحد يعيش كيف في الفندق د؟؟ انا ح اخش صفحتهم و اكتب اسرع طريقة للانتحار انك تجي الفندق د 💔"
"يابت الناس احضري نيتفلكس و اعمليها على العربي عاملين لينا اشتراك مجاني هنا"
يوكي قالت بعد ما واضح انها حضرت تيلتبيز في نيتفلكس و جات .. مينجي كانت سرحانة و من ما سمعت سيرة اشتراك مجاني اتذكرت مسلسلها ابو ٧ مواسم الما كملته.
"تعالي ي كبكيك اوريك المسلسل د"
"يا بنات م تساهرو م دايرين نمش للخواجة و نحن عاملين زي الباندا"
_____________
في مكان آخر :
"يابت ي حسحسة .. المرا د مالها بتعاين لينا كد؟"
"بري ي يمة معرفتها مالها يمكن عميانة.. يختي مستحيل تكون بتحمر لينا هي تلقيها م صدفت ناس راغيين زينا يسجلو ليها زيارة"
حسحسة و هدى ما كانو ملاحظين انهم محتلين الكنبتين الكبار و شربو ٣ سرامس شاي و بوظو نظام التدفئة عشان كانو قايلنه (بطريقة ما) طربيزة و كشحو فيه الشاي و خبتو فطومة قدام عمتها البتحبها.
"ايّيا و الله كلامك هلّا هلّا"
"اكسكيوزمي للمقاطعة لكن انتو ناويين تقعدو معانا كم؟ يعني كوبل ديز و كد؟"
"يابت كوبل ضيز يعني شنن؟"
"كوبل يعني بت و ولد بحبو بعض بالدس😱 قصدها نيحنا بتاعين كلام زي دااا؟؟؟"
