"هاي غايييز الليلة ح اصور ليكم يوم كامل من مدرسة طاطا"
مينجي كانت ماسكة التلفون و واقفة في الزقاق بتصور.
"ياخي كرهتينا بالتصوير ياخي كيف اقنعك انه مستحيل تبقي انفلونزر بفديوهاتك د ، يعني منو الح يكون داير يحضر مدرسة متهالكة بتصوير بجنيه عامل زي كاميرا المراقبة؟"
قالت بشبش وهي كالعادة بتاكل في دوريتوز.
"يابت انا لازم استغل ماي نيو ايفون قبل ينزل الشحن"
هببت مينجي بتلفونها و قعدت تعاين في ضفورها (المعمولة من ورق).
"كان م ايفون ٧"
____________
"اضيني الضباصة"
قالت مس سوسة للمشرفة الجديدة (ليها اسبوع) و كان واضح انها م طايقاها.
"اتفضلي"
خلت الموظفة كل الشغل الفي يدها و ناولتها بكل أدب و ابتسمت ليها بكل ظرافة .
"قلتي لي اسمك منو؟"
"ديزي"
"يلا يا ضيظي م طبطصمي لي"
____________
"يلا يا اخوان زي م شايفين د تصوير سري و حصري لعمتو بتاعت البوفيه و هي بتاكل من البوفيه!!!"
قالت مينجي و هي متدسية ورا الباب.
"يابت انتي ماعندك موضوع ولا شنو؟"
فضحتها سجك بصوت عالي و خلت عمتو تشوفها ز تتحسبن على بنات الزمن د.
"يا سجك يا حاقدة ماعايزاني انشهر و ابقا غنية صاح؟!!"
"يا بت اتلهي بطريقتك دي ايلون ماسك ببقا فقير"
"هه الحساد كالكلاب اذا لم تستمع إليهم هاجموك .... سجل يا زمن حكمي"
"متين الكلب لو م اشتغلتي بيه بهاجمك"
"كلاب حلتنا د قاموسها"
"بالمناسبة يا عمتو شفتي المس الجديده؟ "
"كيفن ما شفتها يختي بت زي القمر ماشاءالله تبارك الله أن شاءالله ما ينوم حاسد ولا حاقد ليها زي النسمة ما بتحسي بيها بس تحسي بجمالها زي الوردة"
