"اتفضلي الوردة دي لكن ما تختيها جمب وشك عشان الوردة بتنطفي و تبقا بشعة قدام جمالك"
المدير كان واقف في حوش المدرسة و أدى ديزي وردة طلبها من السنغال.
"ضي شنو الورضة الشينة ضي؟"
مس سوسة اقتحمت المكان و قعدت تتمسخر على الرومنسية المنسية بتاعت المدير .
"وانتِ مال امك بقروش ابوك؟"
"مالك و مال امي و ابوي؟ بعضين انط لو عارف صاروخان بجيب لي وروض قضر شنن بطخجل من روحك ضي"
"م ح ارد عليك"
كان المدير عايز يقول ليها (الدخلك شنو بين اللحمة و العظم يا حشرية يا حمى بدون علاج) لكن قرر يحفظ هيبته قدام ديزي.
"بالمناصبة يا ضيظي اخوك و خطيبي حبيب قلبي قرر يقضم طلب للطلاب البضبضلو ضيلك"
"قصدك طلبة التبادل؟"
ديزي قالت و كانت مستغربة لانه اخوها مستحيل يخسر وقته ف اجرائات طويلة زي دي.
"طيب لياتو مدرسة؟"
"في لنضن!!"
____________________
"سمعتي الاخبار؟؟؟؟؟"
جات يوكي زي الصاروخ و وقعت بسبب رباط جزمتها البتفكا بسبب ظروف غامضة.
"كرعلي سحروك يا تِبتِب"
مينجي قالت و قعدت تطبطب على رأسها زي الكلب.
"اسمها تَبتَب"
بشبش ردت و هي بتاكل دوريتورس و المرة د مع الزبادي.
"يابت الدوريتوس د أثر عليك!! كيفن تَبتَب؟؟ انتي فلاتية؟!"
"انتو ح تقعدو تتشاكلو؟ م ملاحظين يوكي ليها نص ساعة واقعة و لسه م ضحكتو عليها؟!!"
كبكيك شاكلتهم بجدية و قعدت تضحك على يوكي كأنها م كانت بتشاكل قبل لحظة.
"وانا قلت انك ح تنهي المهزلة"
سجك اتنهد و رفعت يوكي سرعة لأنها مصدعة الليلة و مزاجها قالب بسبب -نومها الغلط- (كذابة بسبب انها قعدت تبحث عن الما$ونية للصباح)
"أصحاب بجنيه فعلا و فعلا خردة... انا زاتي م ح اوريكم الشمار"
"التقول خبر المليون دولار"
"ما مليون دولار لكن احسبي تذاكر السفر بكم"
يوكي من ما قالت سفر كبكيك خلت البتسوي فيه (البحلقة و تتخيل الاولاد لو كانو بنات ح يكونو عاملين كيف) و جات ناطة في يوكي.
