ملحوظة : جميع المعلومات الطبية في هذا الفصل غير حقيقية.
________________
"اااه دا شنو؟ أنا وين؟"
مسك المدير راسه و لقا نفسه في غرفة رمادية حيطها وسخانة لمن مطلعة زيت و واضح انه كان سجن ، و كان سجن انفرادي لأنه مقفلين عليه من كل حتة.
"يا هوي افتحو لي الباب!!"
مشا المدير على فتحة الباب الصغيرة و كورك للحراس.
"انت صحيت؟"
سأله حراس عملاق و كان واقف جمبه حارس تاني لكن قصير و ضعيف.
"الحصل شنو؟ أنا هنا لشنو؟"
"اول حاجة لونك المفضل شنو؟"
سأله الحارس القصير و قام الحارس الضخم اداه بنية وقعته في الواطة.
"لوني المفضل؟د قبول روضة ولا شنو؟"
"المهم ماعلينا المرا اسمها سوسة قالت جايبة محامي و ح تطلعك"
جاوب الحارس الضخم و هو خاتي كوعه فوق راس الحارس التاني.
"هو حصل شنو اصلا عشان ادخل السجن؟!!!"
عاين الحراس لبعض باستغراب.
"يعني انت ما متذكر؟!!"
"لا!!!"
____________
"يلا خشو هنا سرعة"
حارس وسيم و سمح عدييل نطق بالكلام د و هو بوجِه الخردة للزنزانة. وخلاهم يخشون وحدة وحدة لمن جا دور يوكي و ابا يخليها تخش.
"في شنن ياود الناس؟"
"لمن تجي مارقة اديني رقمك"
قال ليها و غمز بسرعة وهو اصلا من شاف يوكي و الخردة كان متأكد انه شفع عمرهم ١٧ سنة م ح يقعدو كتير هنا و واضح انه الموضوع كان سوء فهم ف عشان كد اخد بمقولة 'ركز على اهدافك'.
"بديك ليه اسي لكن مرقني"
يومي كانت عاملة فيها مارلين مونو قبل ما يلزها الحارس للزنزانة ك رفض لكلامها.
"انعل ابو وشك يا وش الحصان و رجول الحمار و بطن البطيخ"
"اسمي عكاشة ياعسل"
___________________
"خخخخخ الله ياخدك يالمدير"
قالت مينجي و هي بتحاول تتمشى عشان جاتها رطوبة من الزنزانة الاعفن من حمامات الأولاد.
"أرح نلعب صراحة و جراءة"
كبكيك قالت فجأة و كسرت رجل كرسي عشان يدورو بيها.
