خلصو لارا ودفنه شغلهم بالعياده وراحو للمزرعه ولقيو محمد بحاول يهدي باخلاص وكانت بدها تهرب لو ما لحقتها دفنه فحصتها دفنه كانت متحسنه كثيييير يعني بدها يوم يومين وبتتحسن بالكامل
المهم خلصت من فحصها وراحت لبيتها مش بيت المزرعه البيت الي هي عايشه في المهم
لارا حطت اكل لغيمه وكاشو ودفنه تحممت ولبست وتجهزت وطلعو
واتفقو بالطريق انه اول ما يوصلو رح تعرف دفنه باهلها (اهل لارا) ورح تقلهم انها هي وصلتها فما حبت تخليها تروح هيك ولحالها فقالت بخليها تقعد عندي هون بنقعد ساعتين وبنروح وبالفعل لما وصلو هيك قالتلهم المهم راحو لعند غرفه التان ودقو الباب مارد فقالت دفنه:التان انا دفنه افتحلي
برضه ما رد ضلت لارا تنادي وتدق ودفنه رنت على التان اول مره سكر الثانيه فتح
دفنه:الو التان
التان بحزن وغصه:نعم
دفنه:انا قدام باب غرفتك ممكن تفتحلي
قام التان وهو ماسك التلفون وفتح الباب اول ما دخلو التان حضن دفنه وصار يبكي زي لولاد الصغار فسكرت لارا الباب بسرعه عشان ما حدا يشوف دفنه مسكت التان وقعدته على طرف السرير وقعدت جمبه مسحت دموعه وقالت :اششش اهدا ليش عامل بحالك هيك حاشر حالك ومسكر الباب من غير اكل كمان
التان:ما الي نفس اكل ولا الي نفس اعمل اشي
دفنه:له ما بعرفك هيك على كلن انا اجيت مشان افرحك
التان:شكرا بس كيف
دفنه:انا متاكده انك بتكره الابره فاكيد ما رح تحبها
قام التان بسرعه وبعد وقف عند الحيط وحط ايديه على اذنيه وصار يصرخ سكرت لارا الباب بالمفتاح وراحت عنده ومسكت ايديه ونزلتهم عن اذنيه هون صار يبكي اكثر من قبل ودفنه خافت ما بتعرف ليش صار هيك ارتكا(حط تقله/وزنه) التان على لارا ورخى تقله فكانت لارا رح توقع ومسكتها دفنه ولارا نزلت التان على الارض وهو صار يبكي والباب كان قاعد يخبط من برا وبنادو على التان يفتح الباب
لورا من خلف الباب:لارا وصحبتها عنده بالغرفه
عم الصمت بالمكان فتحت لارا الباب وقلتلهم ما تخافو اجت النوبه تبعتو بس من كثر الزعل جيبوا اكل ومي
لورا:انا رح اجيب مهدئ
لارا:لا اتركيه خليه يهداء لحاله احسن
لورا:وانتي الصادقه خليه يموت لحاله احسن
وراحت تجيب الدوا وام لارا راحت تجيب العشا والمي اما ابو لارا فكان يهدي ابو التان
رجعت لارا سكرت الباب ودفنه كانت ماسكه ايد التان وهو كان يبكي وماسك على ايدها حامي(بقوه) اجت لارا جمب دفنه وقالتلها باذنها:ما تخافي
دفنه:هو شو ماله
لارا:عنده فوبيا من الابره ازا بشوف ابره او دبوس او شوكه (النبات)او حد بيحكي عنهم بتجيه الحاله وبصير يعمل هيك بوقف عند الحيط وبصير يصرخ وبحط ايديه على اذنيه
دفنه:طيب ليش هيك
لارا:هو صغير كان مصاب بمرض خطير وكان يضل ياكل ابر لحد ما صار يخاف منهم
دفنه:طيب لازم يمسك حاله مشان ما تجيه الحاله
لارا:لما يشوفها او يسمعها بحاول يهدي حاله لكن مش دايما بتزبط معه وهاي المره ما زبطت لانه هو من قبل ما تجيه كان منهار المهم هلئ انه احنا نهديه
دفنه:اوك تمام سهله هلئ بنهديه (بصوت عالي شوي) اااخ
لارا:مالك
دفنه:ايدييييي
انتبهت لارا على ايد التان كيف ماسك ايد دفنه بقوه وقالت:يلا هدي اشوف
سحبت دفنه ايدها بصعوبه وحضنته وضلت لارا واقفه بتستنى تشوف كيف بده يهدى
وبنفس اللحظه دق الباب
فتحت لارا الباب كانت لورا هون لورا كانت شايفه التان حاضن دفنه للمره التانيه لانه اول مرة شافتو فيها هي قبل شوي لما دخلت دفنه على الغرفه وحضنها التان قبل ما لارا تسكر الباب وهلئ لما لارا فتحت الباب المهم وقفت مصدومه
لارا:لورا لورا هيي مالك بحكي معك
لورا:ايه اه ولا اشي خدي اعطي ياه قدامي
لارا:طيب جيبي مي
لورا:في عنده بالغرفه
لارا:كسر الكوز والكاسه
لورا:اوك
لفت مشان تجيب المي اجت امها معها صينيه الاكل وفيها مي اخذت لارا الصينيه وسكرت الباب امها راحت وضلت لورا وافقه امام الباب وتنظر باتجاهه بحقد
حطت لارا صينيه الاكل على طاوله بغرفه التان ولفت على التان ودفنه لقيتهم لسا حاضنين بعض لكن التان ما كان يبكي بعدت دفنه عن التان وطلعت فيه وقالت:واخيرا هديت
التان:انا اسف
دفنه:عشو بتعتذر
التان:وانا بدي اقول شو هالحضن الدافي الي قاعد فيه طلعتي انتي
ابتسمت دفنه بخجل وكمل التان وقال بحزن:نفس حضن امي
حطت دفنه ايدها على وجه وقالت:طيب خلص يماما بكفيك اكتئاب وقوم عشان تاكل
تبسم التان وقال:انا مش جوعان
دفنه بهمس مسموع:يلا بنمشي معاه بالحيله
تبسم التان وهو ينظر اليها لفت دفنه عليه وقالت:يلا يا ماما تعال كول مشان تصير كبير
التان وهو يضحك:بس انا كبير
دفنه:معلش يماما مشان تكبر اكتر
التان:بس انا بديش اصير عجوز
دفنه كمان مره بهمس مسموع:ما زبطت بنشوف غيره
وكملت بصوت عالي: ماما صح انت بتحبني يلا عشان اضل معك هون قوم كول
ضحك التان بصوت عالي واستوعبت دفنه شو حكت وابتسمت بخجل وقامت كانت بدها تطلع بس شافت لارا عند الباب
لارا:وين طالعه بدك تفضحينا بنطلع مع بعض
وقفت دفنه ساكته قام التان عندها ولفها وقلها: خلص يماما باكل بس بدكو تاكلو معي انا بحبش اكل لحالي
لارا:اوك تعالي وسحبت دفنه
جلسو مع بعض وكانت دفنه طول الوقت خجلانه
لارا:التان بتعرف انه لما اجتك النوبه انا ودفنه كنا عندك وتحديت دفنه انها تهديك ما كنت متوقعه انها تقدر تهديك بس طلعت كفو
طلع التان على دفنه وحط ايدو على ايدها ورجع لف على لارا وقال:هاي ماما ما في حضن زي حضنها بتعرف كيف تهديني ، ورجع لف على دفنه
تبسمتله دفنه بخجل وقررت لارا تغير الموضوع
لارا:التان صح انت زعلان على حصانك
التان بحزن:طبعاً
لارا:دفنه احكيله(وكان قصدها على الخطه)
دفنه صارت تفكر شو تعمل وقالت:اي اه اااه انا جبتلك حصان
التان بفرح:عنجد
دفنه:اه رح اعطيك خيل من خيولي بس بدي توعدني تدير بالك عليه
التان:بعيوني بس انو واحد.
دفنه:بلقاء هي صورتها
التان:ما احلاها بتجنن
دفنه:بس في كمان شرط ما تاخذها من المزرعه لانها متعوده تقعد هناك مع بقيه الخيول
التان:انا موافق بقدر اروح اشوفها
دفنه باستغراب:هلئ!
التان تطلع برا وشاف الدنيا عتمه حزن شوي وبعدها قال:خلص بروح بكرا بعد الدوام باخذك معي مشان تفتحي الباب
لارا:اه احسن
تبسم التان واطلع بدفنه فردتله الابتسامه
لارا:بتخلص اكل وبتروح تشوف ابوك لانه من كتر زعله عليك صار مريض
قام التان وقال: وليش بس اخلص اكل
راح فتح الباب وطلع وطلعو وراه لارا ودفنه وكان ابو التان جالس يشرب الدوا راح التان عنده وهو يمشي مشي سريع وصل عند ابوه وقعد على الارض ومسك ايد ابوه وصار يبوس فيها
ابو التان:الله يرضى عليك يا ابني الله يرضى عليك
التان:بابا انا بعتذر اني خليتك تخاف علي
ابو التان:ليش كنت حاشر حالك بالغرفه شو صاير معك
التان:اخلاص مريضه كتير خليت الشاحنه تاخذها ما بعرف شو رح يعملو فيها اشي
لورا شهقت شهقه قويه وقالت:شوو ليش بتحب تجيب لحالك التعاسه انت
ابو التان:خلص يا ابني بنجيب بدالها
اجت لورا وجلست ورا التان وحضنته وقلتله خلص عادي ما تزعل
التان:بابا دفنه جبتلي واحد غيره
هون عصبت لورا
ابو التان:عنجد!يسلمو ايديكي يا بنتي انتي رجعتي لابني الضحكه
دفنه:لا ولو عمو
هون عصبت لورا بزياده وقامت وراحت لغرفتها وكان مبين انها معصبه
ام لارا :مالها
لارا:ما بعرف
جلسو كلهم مع بعض وقعدو يتحدثو وحكالهم التان عن دفنه وكيف هي انسانه منيحه وبتحب الحيوانات وهيك يعني
بعد ساعتين
دفنه:طيب يا جماعه احنا تاخرنا لازم نروح لارا ازا بدك خليكي بروح لحالي
عزيز:لا عمو خلص بعد هاي الساعه ما في تروحي من عنا
دفنه:بس
عزيز:ما في بس لارا خذيها على غرفتها ؛جوان جوان
جوان:نعم سيدي
عزيز:اطلعي مع لارا ودفنه وشوفي الغرفه الي بدها تنام فيها دفنه وزبطيها
لارا:لا بابا خلص فش داعي بنام انا وياها بنفس الغرفه
عزيز:ازا موافقه دفنه انا موافق دفنه انتي موافقه
دفنه:خلص مش مشكله زي مبدكم
نطت لارا على دفنه وقالت بفرح:يسس
عزيز:لارا
لارا:بعتذر وحضنته وباسته
وهون كانت لورا واقفه على الدرج وسامعه وقاعده تنقهر
مسكت لارا ايد دفنه واخذتها وطلعو على غرفة لارا
دفنه:لارا انتي شو سويتي قبل ساعتين
لارا:شو عملت
دفنه:اول اشي انا قلتلك انو بدي اعمله ياها مفاجئه قصة الخطه قاعده تتفلسفي
لارا:كنت بدي اغير الموضوع
دفنه:اه وما لقيتي موضوع تاني (سكتت شوي وكملت) وتاني اشي ليش وقفتي على الباب لما اجيت اطلع
لارا:لانك لو طلعتي كنت رح اتبهدل من اهلي
وبعدين قاعده تحاسبي فيي انتي ليش تحكيله انك بدك تعطيه بلقاء بتعرفي اني بحبها
دفنه:عشان انا كمان ما لقيت اشي احكيه غير هيك وكمان مشان تتعلمي تاني مره ما تحصريني بزاويه
زعلت لارا وطلعت على شرفتها
وووووو
يتبع....
رايكم بالبارت عملته طويل مشانكم😊
