اخذت الشاحنه اخلاص وراحت والتان زعل كتير وحمل حاله وراح لبيته وما داوم بالشركه اما دفنه اشتغلت بالعياده طبعاً لارا راحت على العياده لحالها ولما اجت دفنه للعياده خبرتها بلي صار معها المهم خلصو شغلهم وراحو على مزرعه دفنه
في المزرعه:
كان في شب واقف بعيد اول ما اجو دفنه ولارا اجى ركض
دفنه:يعطيك العافيه شو صار
الشب:كلشي تمام زي ما طلبتي ولحصان صار جوا
دفنه: اوك يعطيك العافيه...تعال معي
دخلو لجوا البيت حطو اغراضهم وجلسو
دفنه:محمد هاي لارا صديقه عمري؛؛لارا هادا محمد رح يصير هو المسؤل عن المزرعه بغيابي ورح يجيب عيلته معه يعيشو في الكوخ الي على يمين البيت
لارا مدت ايدها وسلمت عليه وقالت:اهلا وسهلا
محمد:اهلين فيكي انا خدام بين ايديكو شو ما بدكو رح اعمل
دفنه:محمد احنا ما بدنا ياك تكون خدام بس بدنا ياك تدير بالك على المزرعه وبدنا تتعامل معنا كأنا خواتك وشو ما بنقص عليك بتقلي
محمد:تمام وطلع يكمل شغله
دفنه:انا بدي اروح اغير ملابسي واشوف اخلاص
لارا:وانا جاي معك
غيرو ملابسهم ونزلو يشوفو الخيول
اجت دفنه تحط ايدها على برق رجع لورا وبعد عنها راحت للهدير صهل بوجها وبعد اما بلقاء ما اجت عندها لما شافتها رجعت لورا حتى ما تلمسها زعلت دفنه شوي وراحت تشوف اخلاص
فلاش باك؛
(صحح نسيت اقلكم الخطه كانت كتالي
حكت دفنه مع الي بشاحنه عشان يروحو باخلاص عندها بصفتها طبيبه بيطريه وهو طبعا وافق فرنت عشب وحكت معه وقالتله: يدبرلها واحد شغيل
قلها:في واحد اسمو محمد عايش مع امو وابو المريض وعنده اخت صغيره وهم فقراء وهو بدور على شغل منيح ولا اشوف غيرو
دفنه:لا منيح ابعتلي ياه على المزرعه وابعتلي رقمو
حكت معو واتفقت معو وهو جاب عيلته يعيشو معه واستلم لحصان لما اجى وحطه مكانه وبداء بشغله لحد ما اجت دفنه )
نهايه الفلاش باك؛
راحت دفنه تشوف اخلاص لقته تمام طبعا اتفقت دفنه مع لارا انهم ما يحكو لالتان انه هم الي اخذو حصانه وحاولت تلعب مع احصنتها لاكن كانو رافضينها راحت عند محمد وسالته: الاحصنه فيهم اشي
محمد:لا
دفنه:طيب جربت تلمسهم وبعد عنك
محمد:بلاول اه بعدو شوي بعديها صار عادي
دفنه:تعال معي
راحو على الاصطبل
دفنه:محمد حط ايدك عليها
مد محمد ايدو قدام بلقاء اجت عندو ولمسها عادي قربت دفنا ايدها صهلت ورجعت لورا هون فهمت دفنه انهم زعلانين منها لانهم بفكرو انها باعتهم وانها جابت واحد تاني عوضاً عنهم
فتحت دفنه الباب للخيول وخلت محمد يطلعهم برا عند الساحه الي بيقعدو فيه وهي قعدت وسطها ونادت هدير بلقاء برق ما ردو عليها نادت مره تانيه طلعو عليها وراحو نادت المرة الثالثه صهلو مع بعض وطلعو عليها قالتلهم دفنه:انتو ليش زعلانين مني انا ما جبتلكم حدا انا رح اعالج هل حصان وارجعه لصاحبه يعني رح يكون ضيف او رح تكون ضيفه لانها زيك يا هدير هي انثى واسمها اخلاص وانا ما بعتكم لحدا ما تخافو انا ما ببعيكم بكنوز الدنيا وهادا الي بلمزرعه رح يصير يدير بالو عليكم وانا مش موجوده
صهلو الاصحنه وركضو عندها وصارو يداعبوها ويلعبو معها وهي دفنه بتلعب مع الاحصنه كان في بنت صغيره عم تتطلع عليها بحزن وفرح نزلت دفنه عن الاحصنه وربتت عل الاحصنه وراحت باتجاه البنت الصغيره وقلتلها:مرحبا
البنت ما ردتت رجعت كررت السلام وما ردت فكملت دفنه: انتي بتحبي الاحصنه
البنت هزت براسها بمعنى اه
دفنه:انتي اخت محمد
برضو البنت هزت براسها
دفنه:طيب شو اسمك
البنت بصوت خافت جداً:عائشه
دفنه:علي صوتك شوي وقربت لتسمع
عائشه:اسمي عائشه
دفنه:عاشت الاسامي تعالي اخذك تلعبي مع الخيل ومدت ايدها
مسكت البنت ايدها وراحو لعند الخيول وعرفتهم على بعض وركبت على الهدير ولعبت معه وعلمتها كيف تركب على الخيل
كان محمد بيتفرج على اخته كيف مبسوطه وهي بتلعب مع دفنه وكان هو مبسوط لانها مبسوطه
خلص اليوم وراحت دفنه تتحمم طلعت ما لقت لارا ضلت تنادي وتنادي لحد ما قررت تنزل عند الاحصنه تشوفها لانها لارا بتحب بلقاء وبلقاء بتحبها فقالت دفنه يمكن عندها راحت تشوفها وما لقيتها لا هي ولا بلقاء رنت عليها طلعت ناسيه تلفونها بالبيت جلست دفنه تستنى رجوع لارا وكانت ماسكه بايدها التلفون مشان ازا طولت ترن على اهلها بعد ساعه رجعت لارا دفنه بخوف:لارا وين كنتي وحضنتها
لارا شفت الجو حلو قلت اروح اتمشى مع بلقاء وجبتلك شوكلاته
اخذت دفنه شوكلاته وحضنت لارا وضربتها عكتفها وقالتها:حيوانه ما تعيديها خوفتيني عليكي تاني مره احكيلي
لارا :شفت محمد برا وقلي
دفنه بغيظ:لارااااا
ضحكت لارا وراحت تحممت ونامت ودفنه قعدت شوي ونامت
في اليوم الثاني
فاقت دفنه:صباح الخير
راحت شافت اخلاص وعملت فطور وصحت لارا واكلو وتحممو ولبسو راحو العياده
وهم بنص الدوام كانت لارا بتحكي تلفون مع لورا
لورا:ولك انا مش عارفه ماله التان امبارح ابو غصب عنه خلاه يجي على هون ويخلي ياكل حتى ما خلاه يروح وخلاه ينام
لارا عرفت شو ماله بس ما حكت لاختها وقالت :ابصر من شو مزعوج بالشركه
لورا:يمكن ولك هو بالعاده بيطلع بدري بس هاي المرة ضل نايم وعلى الفطور ما رضي يقوم سكر باب غرفته بالمفتاح وكان عمي رح يكسر الباب لو ما مسكه بابا
لارا :شكلها مولعه بالبيت
لورا:تقريبا
لارا:انا اليوم بجي اشوف
لورا:اوك تمام رح اخبر ماما
لارا:طيب يلا سلام بدي اكمل شغلي
لورا:اوك تمام يلا سلام يعطيكي العافيه
لارا:سلام يزيدك عافية
وقفلو الخط راحت لارا بسرعه لعند دفنه
لارا:دفنه دفنه
دفنه:خير شو في
لارا:التان التان (وحكتلها الي صار قبل شوي)اعتقد دخل بموجه اكتئاب
دفنه :احنا بنخلص بنروح المزرعه بنشوف اخلاص وبنروح عنده
لارا:رح تخبريه
دفنه:لا بس تتعافى اخلاص
وكل وحده راحت لشغلها
بعد ما خلصو راحو للمزرعه ولقيووو...
يا ترا شو شافو وشو لقيو بالمزرعه
بنعرف بالبارت القادم
يتبع...
اعطوني رايكم بالبارت🥰
