حمامة في عرين الذئب

ملاذي الوحيد

الذيب: يلة وصلنا البيت انزلي
فاطمه: شنزل ماتشوف رجلي شصاير بيها
ذيب: استغفرالله هسه يعني لازم اشيلج
فاطمه: اذا متصير زحمة طبعا
ذيب: لا وين اكو زحمة بهاي الاوزان الثقيلة
فاطمه: عزة بعينك هوه اني بخف الريشة
الذيب: اي هوه بس خدودج بيهن عشرين كيلو
فاطمه:(نزل من السياره واجه شالني وتلاكت عيونة، بلحضتها نسيت الالم نسيت كلشي دخت بنضراته الحاده وعطرة الرجولي وانفاسه القريبه مني)
ذيب:(ساعه الشلتها وانا اشوف ملاك ابين ديه صغيرة وناعمة كلها انوثة بس عيونها تهد حيلي تباوعلي بنضرة كلها خوف وقلق بس بنفسك الوقت حاضنه ركبتي وكانو اني ملاذها الوحيد اجيت ابوسها من كرزاتها-شفتها-بس تعوذت من الشيطان ولزمت روحي)
دخلت للبيت واني شايلها جان تشوفني امي وتكول
ام شهم: هلا وليدي
ذيب: هلا يبعد العافيه
ام شهم: منو هاي الگمر الوياك، تزوجت وماكتلي
تنحنح ذيب من الارتباك واردف
ذيب: هاي بنيه جرحتها وانا اصيد وجبتها حتى تتعالج
ام شهم: نورتي البيت يمه ___(صمت) شنو اسمج
فاطمه: اسمي فاطمه
ام شهم: عاشت الاسامي بنتي، لاتخافين هسه شهم يعالجج ويرجعج لاهلج
فاطمة بصراخ وهيه تلزم قوي بملابس ذيب
فاطمه: لا لا لاااااا فدوه لا خلوني هنا عدكم حتى لو اخدم بس لاترجعوني لاهلي ماريد اترجاكم لا_
قاطعها ذيب وكال مارجعج وانتي بحمايتي بس بشرط واحد تحجيلي قصتج
فاطمه: موافقة
كعد ذيب علقنفه وخله فاطمة يمه
ذيب: يلة احجي اسمعج
فاطمة بخوف: اسمي فاطمه عرفتوا عمري عشرين قبل سنتين ابوي وامي توفوا بحادث وبقيت وحدي
ذيب: يعني ماعندج خوان خوات
فاطمه: لا اني وحيده اهلي
بعد ما ماتوا ضليت عايشه يم خالي شوفني الموت بعيني ضرب وشتم كل يوم واشتغلتله مثل الخدامه اله ولمرتة (حسيت بغصه ترفس بصدري وصوتي نصه ودموعي بس تجري)
اخر شي جراني من كربلاء لهنا بالصحراء اللكيتني بيها راد يكتلني بس شردت
كز على اسانه ذيب وكال: ارجعلج حقج منه ورحمة ابوي
فاطمه: ممكن تكلي اني هسه وين
ذيب انتي بلانبار
فاطمه بصدمة: ايششش بلانبار
ذيب: اي وليش خايفه
فاطمه: فدوه لاتاذوني بس خلوني اروح امشي
ذيب: شبيج بابا كعدي شكو شبيج احجي ليش خايفه
فاطمه برجفة وخوف بلعت ريكها بصعوبة: اني شيعية
ضحك ذيب وكال:هلا والله ياخوانا الشيعة نورتي بيتج السني يالشيعية