حمامة في عرين الذئب

انت الشريان الابهر لقلبي

ام شهم: بنيتي انسي الماضي واحنا من اليوم اهلج وناسج وعزوتج وشتردين احنى بخدمتج حتى شهم
ذيب:انا شعليه
ضحكت فاطمة واردفت: والنعم منكم خاله حبيبتي ماقصرتوا وياي بس ماريد اسببلكم مشاكل
ذيب: ماكو اي مشاكل واليوصلج اذبحة
ام شهم: سودة بوجهي نسيت اجيبلكم اكل
وكامت للمطبخ ركض، باوعت فاطمة على ذيب وكالت: ليش تريد تحميني
ذيب: احنا رجال الانبار مانرضة على نسوانا يصير بيهم الي صار بيج وانتي من نسوانا صرتي.
لمعت عيوني من كال انتي من نسوانه صرتي وفرحت مادري ليش بس حسيت انو يقصد شي ضليت صافنه عليه لحد ما صفك كدام عيوني وكال
ذيب: وين صافنه ادري اني حلو بس لاتصفنين عليه هواي
فاطمة: شهل ثقه الزايده
ذيب: الثقه الي بمحلها
فاطمة: مداح نفسه يرادلة رفسة
ذيب: هاي ويامن ولج
وخزرني اني خفت كتله: مو وياك انا اقصد المرحوم جدي
ضحك بصوت عالي وكال: ناس ماتجي الا بالعين الزركة
فاطمة: هي مو جانت العين الحمرا
ذيب: ويه ذيب كلشي يتغير
بهل اثناء دخلت علينه بنيه وراحت ركض لذيب حضنته وباسته وكالت: حبيبي الحلو اشتاقيتلك
اني هنا اشتعلت نار من الغيرة
ودي اكتلها من القهر كتله بصوت مهزوز: هاي مرتك
ضحك ذيب وكال: لا اختي نمارا
نمارا بصدمة: منين هاي الصاكة
ذيب: احجي عدل ولج
نمارا: بس لاتكلي حبيبتك
ذيب: لا هاي وحده من اقاربنا حتعيش ويانا هنا
نمارا بفرح: هاااااااااااي اخيرا
وركضت على فاطمة حضنتها
ذيب: شبيج ولج تخبلتي
نمارا: لا بس حيصير عندي اخت اتسلى وياها
بس ماكتلي شسمها هاي الحلوة
ذيب: ترا عدها لسان اسئليها
نمارا: مزعج
فاطمة: اسمي فاطمه
نمارا اسمج يجنن كلش حلو
فاطمة: شكرا حبيبتي
ام شهم: يله حبيبتي فطم كومي اوديج لغرفتج جهزتهة الج قريبهة على غرفه شهم
فاطمة: تسلمين خاله تعبتج وياي
ام شهم: لا عذاب ولا شي بالعكس يعمري
فاطمة:(رحت لغرفتي وشفتها مرتبه وحلوة حمدت ربي وكعدت بيها)
اسمريت عايشه وياهم ست اشهر لحد ما اجه ابن عم ذيب محمد وصديقه احمد اجو يكعدون عنده كم يوم
لمن اجوي حسيت ذيب متضايق كلش منهم مع انو همه زينيين ماشفت عليهم شي واستغربت من معامله ذيب الهم
رحت حتى اسئله عن السبب دكيت باب غرفته
ذيب: ادخلي
فاطمة: شدراك هاي اني
ذيب انسدح علجربايه وكال: حفضت دكتج
فاطمة: ممكن سؤال
ذيب جواب
فاطمة: ليش اتعامل محمد و احمد بهاي الطريقة
نهض فجة وخزرني وكال: انتي ليش تسالين عنهم شعليج بيهم (حجايته جانت بنتر)
خفت منه ورجعت ورا وكلت: لا معليه بيهم بس اشوفهم خوش شباب ليش هلمعامله القاسيه
صرخ بيه وهوه معصب اكثر وكال: اذا سمعتج بعد تحجين بيهم لا تلومين الا نفسج
ضليت ابجي وطلعت برا ركض عثرت بالدرج و وكعت
صحيت لكيت نفسي على جربايتي وشهم يمي يبجي اول مره اشوف دموعه غمضت عيوني حتى اسمع شيكول
ذيب: اسف اسف والله مو قصدي اذيج بس والله احبج واغار عليج والله اريدج بس الية
.
.
.
.
.
.
التكملة باجر