حمامة في عرين الذئب

ليلة من العمر

دفن راسه بركبتي وضل يشهك بالنفس كل مره يشهك بجهة من ركبتي وهوه حاضني بكل قوته
خله وجهي ابين اديه واردف
ذيب: وين جنتي سباحة گلبي وين جنتي
سكتت وماحجيت سحبت روحي منه ودرت وجهي
اجيت امشي لزم ايدي
ذيب: وين رايحه وعايفتي
عفتيني مره ونهد حيلي تردين تعوفيني مره ثانيه ترديني اموت
التفتت عليه واردفت
فاطمة: يمه اسم الله عليك يرويحتي ولك الموت لگلبي ولا الك
جرني لحضنه مره ثانيه واديه التفن على خصري وكال
ذيب: تزوجيني؟
فاطمة:....(من الصدمه ضليت جامده مكاني، مشاعري متلخبطه اريد ذيب وبنفس الوقت ماريد تصير اذيته بسببي)
ذيب: فاطمة وين رحتي ولج دا احجي وياج
فاطمة: ها ها ههه شنو مدا استوعب بس ماادري
ذيب: بشنو متدريت دااكلج تزوجيني
فاطمة: خجلت وخدودي احمرن ونزلت راسي بالكاع وكتلة اقبل
شالني ابين اديه وضل يفتر بيه وهوه يصيح اححببببببببجججججججج
فاطمة:(اني من الخجل ضليت بس اضحك والعالم تتفرج علينه واني ميته بدمي من المستحة)
ام شهم: هلهلت وكالت واخيرا يمه راح افرح بيكم
(جرني ذيب من خصري لحضنه وكال)
ذيب: وتشوفين جهالنه عن قريب (وغمزلي)
فاطمة:(اني هنا فعلت وضعيه ياكاع انشكي وبلعيني)
سحبتني ام شهم وكالت
ام شهم: تعالي ياعروس اليوم خطوبتج خل اجهزج
فاطمة:(جهزتني عمتي ام شهم ولبستني بشت ابيض واجا ذيب وخلة جماغة على راسي)
لبس فاطمة 👇🏻

ذيب: شهل جمال ولج حوريه ونازله من الجنه لو شنو انتي
فاطمة: نزلوني حتى اكون مرتك وحلالك
ذيب: اروح فدوه الج يبعد السلف كله
فاطمة: اندار عليك يروحي
ذيب: يمه يمه خذت گليبي التحجي انباري
فاطمة: تربايتك بويه
ذيب: اني هنا تره بعد ما اتحمل وانوب بيها بيها بويه
ياويل حالي
(ادنه عليه كم خطوة واني رجعت)
ذيب:ليش ترجعين ولج
(جرني من ايدي وركض جهة الشيخ) واردف
ذيب:وخذتها والله يالحساس
احس بس هيه يمي وخلصوا الناااااااااااس
رحنا للشيخ وعقدنا
لبسني الحلقه واديه ترجف
لزمت اديه وكتله بشقه
فاطمة: شنو شفتها صارت صدك وندمت
ذيب: افااااا ولج اني احلم بيج من اول ماشفتج وتمنيتج تصيرين اليه وحلالي (لزم ايدي وباسها) مصكوعة احبج وربي احبج افهمي ولج ذيب من دونج لاشيء، بعمري وحياتي ماضعفت كدام بشر بس كدامج اضعف وينهد حيلي بنضرات عيونج
(حضنته وكتله) فاطمة: اني اريد اكون سندك ماريد اكون ضعفك اريد اكون عكازتك تسند عليه..
(حط اصبعة عليه حلكي سكتني وكال) ذيب: انتي عكالي وهيبتي وروحي من الدنيا
(نزع عكالة وخلا على راسي وكال) ذيب: السلف مايسوة بدون شيخة واني اخذت الشيخه بعناد خالج (شالني وافتر بيه وكال) ذيب: على عنادكم خذت شيخة عربكم