السَلام على اهل الجنة
.
.
.
.
.
.
~ هل دائما كانت دقات قلبي
بهذا الضجيج؟؟ ~
.
.
.
Pov: شمس
مر ايام على روحة قمر
واني يوميا اخابرها و اسئل عليها
والصراحة كلش مشتاق لها دائما اكو فراغ
بعدم وجودها
احس نفسي ناقص بدون ما اگعدها الصبح
او اسوي لها ريوگ
او اخذها بالسيارة للشغل واتغدى وياها
وارجعها ونگعد بليل نباوع تلفزيون
كل هاي الاشياء البسيطة مفتقدها
ولله تعبت من التفكير بيها
الله يساعدني ولله
" اني شمس"
جاوبت ام علي لما سئلتني منو على الباب
واليوم جان جمعة جيت احجي ويا
ابوي على سالفة حور وهي همين گالت
راح تكون موجودة
فتحت ام علي الباب وسلمت عليها
وگبل اتجهت للصالة شفتهم گاعدين
امي وابوي بس حور ما موجودة
اما نجم فنايم اكيد لان اليوم جمعة
" السلام عليكم"
" هلا يما شمس، وعليكم السلامم"
ردو علي امي وابوي ورحت بست راسهم
وگعدت
" شكو ماكو قمر شلونها، رقية، امير؟؟
سألتني امي واني باوعت عليها
" ولله زينين الحمد الله رقية وامير عدهم
قراية لان قربت امتحاناتهم لذلك
ما اجمي"
جاوبتها واني اخذ المي من ايد ام علي
" زين "
" يابا، يوم، بس اريدكم بموضوع بخصوص حور"
انطوني انتباهم ثنينهم
" بس هي تريد تسافر الامريكا بس الموضوع
مو هنا الموضوع هي تريد تبقى سنين"
گلت لهم واني احجي بصوت هادي و رزين
صحيح ما حبيت انو هي تروح
بس ما دام تريد هاهية هي تگدر تبدر
نفسها
" لا ماكو هي شي وين تروح"
امي گالت بسرعة وعصبية اكيد ما راح
يقبلون من اول مرة
"يوم الابنية تريد تروح تشوف اهلها
ادري احنا اهلها الي ربيناها بس ما راح
ننكر اصلها وهي جبيرة مو مال نتحكم بيها"
احاول اقنعها والاحظ سكوت ابوي
ما اتوقع يقبل لان هو اكثرنا متعلق بيها
وهي همين متعلقة بي بس يبقى
هذت قرارها وهي ما راح تغيب عنا اكيد
" ما گايلة لا تروح بس مو لازم تبقى
سنين عادي اكثر شي سن....... "
" ام فهد احنا ربيناها احسن تربية وكبرناها
هي مو عصفور حتى نضل حابسيها مثل ما سفرنا فهد وراح هاي هم ما تختلف الي تريدة
خلي تسوي لا نوگف بطريقها"
ابوي قاطع امي ولما كمل كلامه گام
وراح يصعد فوگ بينما لاحظ وجود حور
يم الباب ومبين سمعت الي گالة ابوي
واني لهنا تخلص مهمتي بعد الباقي
يمها
" السلام عليكم"
دخلت للصالة وسلمت واحنت رديت عليها
بينما امي ما ردت باوعت عليها
لگيت الدمعة بعينها
گمت وقبل ما اقترب منها جتي حور
لها وحضنها وهي گامت
تبجي واني ضليت واگف بمكاني
" يام ولله ما راح اقطع وراح اجي زيارات
وكل سنة اجي مرتين ثلاثة اربعة كلما تشتاقين
لي اجيج"
تحجي بهدوء وتحاول تهدي امي
بس امي مستمرة بالبجي
واني ما تحملت اشوف دموعها اكثر
لذلك رحت طلعت لان اعرف لو احجي وياها
منا لسنتين ما راح تقتنع
بس طلعت برة اجاني اتصال من قمر
فتحته وما سمعت شي غير
صوت تنفس قمر العالي
" قمر؟؟ "
صحتها وماكو جواب
" قمر روحي شبيج؟؟ "
صحت عليها اعلى لان بديت اسمع صوت
شهقاتها تعلى
" خ.. الة راحتت"
تبجي وبين كلمة وكلمة تشق
وبالگوة فهمت قصدها خالتها توفت
واني تجمدت بمكاني مو عساس
هي زينة ولما بدت تتعالج جانت ببداية
مرضها شوگت هيج صار
" قمر صبري علية لا تبجين روحي
گعدي وفهميني شنو صار"
گلت لها واني بديت اخاف عليها لان صوتها
دا ينقطع فجأة وترجع شهقاتها بقوة
" تمم. اام"
اكو صوت مطر يمها قوي وناس تحجي
وضلت ساكتة لحد ما سمعت صوتها
بس ما جانت تحجي وياي
بس جان كلامها تركي مو عربي
بس الي عرفته هو الشخص الي جان يحجي وياها گال اسم عزيز
وبعدها گبل انسد المبايل
واني ما عرفت شنو اسوي بس ضليت
افتر وادگ عليها بس هي ما جاوبت
وما گدرت اوگف اكثر بمكاني
رحت دخلت للبيت وشفت امي
وحور وابوي گاعدين سوة يحجون
" راح اسافر لتركيا هسة اذا لگيت طيارة
خالة قمر توفت ولازم اروح راح اخذ
رقية وامير وياي"
گلت لهم بسرعة وحتى قبل لا يستوعبون
كلامي ركبت السيارة
وفكرت الحمد الله امير عنده جواز
واما رقية فسويت الها واحد اوب ما استلمت
جنسيتها وغراضها وراى وفاة ابوها
لذلك ثلاثتنا جاهزين
" الو كاظم باوع اذا تگدر خابر لي احجز
ثلاث تذاكر لتركيا باقرب طيارة لو حتى هسة"
اول ما جاوب كاظم گبل گلت له
بدون سلام ولا كلام
و هو عرف اكو سالفة وراى الموضوع
بس بدون ما يسأل گال "تمام "
وسديت المبايل ولما وصلت للبيت
ترددت افوت ما ادري شلون راح اگول
الامير
بس تشجعت و اول ما دخلت سمعت صوت
امير يحجي ويشهق
وهنا عرفت انو هو عرف
دخلت وشفتهم ثنينهم واحد حاضن الثاني
ودا يبجون رحت وگفت يمهم
" ش.. مس"
رقية گامت وجان تقترب مني
" خالة..، اشش اعرف كافي تبجين"
اخذتها بحضني وربتت عليها وجان توخر
ورحت الامير
" امير ما يصير تبجي لازم تكون سند الاختك
والابن خالتك مو صغير انتَ حتى تنتظر
احد يوگفك عن البجي "
ربتت على ظهره وگومته
" شلون اوگف وياهم وانا هنا "
سألني وهو يمسح دموعه
" كاظم صديقي هسة راح يخابرني ويگول لي
موعد طيارتنا هسة اريدكم تروحون تجهزون
غراضكم لحد ما اخابره"
أنت تقرأ
بَينَ الشَمسُ والقَمرِ /between sun and moon
Novela Juvenil( مكتملة) عندما يجتمع الشمس والقمر بسبب تضحية كلاهما ويجمعهم القدر في مكان واحد ماذا يحدث؟؟ اشك انه سيحدث انفجار هل انت مستعد لتقرأة قصتهم هل انت مستعد لتعرف ماذا يحدث عم الكسوف؟ رواية عراقية خيالية 🇮🇶 البطل: شمس /نقيب البطلة: قمر/ محامية ب...
