(وتظله من الشمس في ظل الجفون)

بارت《11》

ماسامح النسخ او الاقتباس والقراءه بدون نجمه⭐️

الصباح الساعه 10:36ببيت ابو رابح كانو جالسين بالصاله واديم ورنا وام رابح يسوون الفطور
اديم:رنا سوي الشاهي والقهوه خلصت كل شي بس بحط الخبز
رنا:ابشري
ام رابح:سويت القهوه بالصاله عند عمك بس الشاهي وتعالو نفطر
اديم:خلصت حطيت كل شي بالطاوله
رنا:وانا خلصت يلا امشو نفطر
راحو ل الصاله وجلسو على الطاوله بعد مافطرو وجلسو على الكنب عند القهوه والشاهي قال ابو رابح:اليوم ابوي مسوي عزومه عشان محمد ومطلق وقال الكل يحضر
ام رابح:ابشر

في بيت ابو هايف
بعد مافطرو جلسو بالصاله قالت ابو هايف: ابوي مسوي عزومه اليوم خلكم جاهزين ملزم كلنا نحضر
ام هايف:ابشر وقالت نجد خلصتي اغراضك بكرا الخميس والجمعه زواجك
نجد:خلصت بس ماودوها هايف وعزوز ل بيت بهاج
هايف:بيت جدي قريب عادي نوديها
نجد:لا لجين تقول مشتري بيت لحاله قريب من هينا يبعد ١٠ دقائق مادري ليه اخذ بيت
عبدالعزيز:الله يعين من اليوم نوديها اجل
الين:ايش فيكم ترا اغراضها مو كثيره وبعدين صرتو ثلاثه منصور جاء من الرياض
منصور:صح اغراضها مب كثيره الحين نكلم بهاج ونوديها ونرتاح
هايف:ايه بهاج مب فيه بس مسلط معه مفتاح ل بيت بهيج
عبدالعزيز:دق على سلوط شفه وين عشان ناخذ المفتاح
دق على مسلط ورد:هلا هيوف
هايف:هيوف بعينك مفتاح بيت بهاج وين
مسلط:اخبره قال لي عند الشجره الصغيره جنب الباب بتحصلها بس دق عليه قل له بروح بيتك وترا يشوفكم من الكاميرات عنده
عبدالعزيز:الله واكبر حسسني بيت الملك تراه بيت وبالديره امان ماحد بيزرفه
مسلط:سد حلقك تراه عنده اعداء لانه عسكري وبيداهمون ف اي وقت عشان يقتلونه عشان كذا حاط حراس عند بيت جدي وبيته فهمت
عبدالعزيز:خلاص فهمنا يالراديو بس خلو اختنا عندنا لايقتلونها بداله
مسلط:للمره الثانيه بقول سد حلقك اخر شي بقفل بوجهك
هايف:خلاص شكرا بدق عليه لو تكلم عزوز من هينا ل بكرا ماتسكتون
مسلط اللي قفل جواله ضحك هايف وقامو يودون اغراض نجد بعد ماكلمو بهاج

ببيت ابو سطام
كانو جالسين بالصاله ويسولفون قالت ابو سطام:جدكم مسوي عزومه والكل يحضر تفهمون بمناسبه ملكت بهاج وعشان محمد ومطلق
الكل:ابشر
ام سطام:بهاج متى بيروح بيته بروح معه اشوف البيت
لجين:اذا بتروحون بروح معكم
ام سطام:الحين ادق عليه اشوفه دقت على بهاج ورد بعد دقايق:لبيه ياحلوه اللبن
ام سطام:ياولدي انت وين
بهاج:بدوامي جعلني مافقدك والحين طالع بروح بيتي هايف وعزوز ومنصور هناك
ام سطام:اجل مر علينا بنشوف البيت انا واختك
بهاج:على خشمي ابشري مع السلامه
ام سطام:بحفظ الرحمن
قفلت وقامو يتجهزون ونص البنات يتجهزون للعزومه وزواج بهاج اللي بعد يومين بالليل الساعه9:34 كانو الضيوف بالمجلس جالسين سوالف ولعب قال مسلط ب همس:بهاج
بهاج:لبيه
مسلط:تعال بكلمك برا
بهاج:ابشر
طلعو ووقفو برا مسلط بارتباك:اءء مادري وش اقول لك لاكن بدون لف ودوران انا ابي اتقدم ل اختك رزان بس بقول لك خايف ترفضوني
بهاج:ها وش تتزوج رزان واي رفض ومن متى تفكر
مسلط:وش ماتبيني اتقدم ابشر خلاص قفل الموضوع اصلا اهلي ماتو وماحد بقابل فيني الله يوفقها
بهاج:ورعع واقسم بالله اتشرف اذا بتكون نسيبي اطلق من يتزوج اختي لو مب موافقه غصب توافق ابك من يردك انت
مسلط:يعني وش موافق
بهاج:ابد موافق وتقدم وانا معك انا اخوك وبكون معك
مسلط:اهخ ريحتني ياجعلني مافقدك ياخوي احسبك ماراح توافق بغيت اموت لان كنت متوقع بترفضون لان ماعندي اهل
بهاج:وش هالكلام وانا اخوك انت لو تبي عيوننا عطيناك ابد تقدم وانا معك
حضنه مسلط وبعد ومشو داخلين المجلس بعد ماجلسو وسولفو مع بعض قال واحد من الضيوف:يابو سطام نبي بنتك الكبيره لولدي فلاح
ناظر مسلط بهاج بصدمه وقال ابو سطام:ابد الب*
قاطعه بهاج وقال:البنت مخطوبه ياعم والله يوفق ولدك ويلقى له بنت الحلال الصالحه
ابو فلاح:اجل بناخذ اختها اللي بعدها ل فلاح
بهاج بحده:البنت صغيره على الزواج وللحينها بالمدرسه ماعندنا بنات ل الزواج كان بهاج مايبي لجين ل فلاح لان مسكه على قضايا كثيره ومنها تعاطي بالمخد**ارت والكل يسمع ل بهاج ماحد يقدر يعرض كلامه على بهاج بسبب هيبته بالمكان وكان الكل يعتمد عليه
ابو فلاح باحراج:الله يوفقها
مسلط وقف وطلع من المجلس ووقف بعده بهاج وطلع وراه وقال مسلط:اخو بهاج وش اللي صار جوا بغيت اموت لو عمي عطاه قلت بتروح وبقعد لحالي بشقتي ومحد بيقبل فيني
بهاج:لو ابوي عطاه برفضه وبعطيك ولاتقول ذا الكلام مرا ثانيه وانا اخوك ازهل والله لو تبي قلبي عطيتك اياه
مسلط:ياكثر معروفك علي يابهاج جعل ربي يوفقك ويسعدك اما عند البنات اللي كانو متكشخين وجالسين عند الضيوف وسوالف وضحك ومقالب قالت نجد:بنات طفش
لجين:اي بالله مرا طفش تعالو نطلع للحوش نلعب
البنات:تمم
وجلسو يلعبون بالحوش قالت اديم:انا استسلم تعبت
الين:وانا بعد رجلي تعورني
امل:وانا كمان استسلم
ريتال: اجل انا معكم استسلم
نجد:مافي الا حنا الاربعه خلاص ماعاد نبي نلعب امشو نجلس شوي ويحطون العشاء ونتعشى وننام
البنات:يلا
دخلو داخل وجلسو جنب بعض بالركن يسولفون ويحشون بالرايح والجاي وبعض البنات يمدحون العيال بالوقت ذا طلعو بهاج ومسلط ورعد اللي عاصبين روسهم بالشماغ قالت هيام:شوفي نجد رعد وبهاج مع بعض ومعهم واحد
نجد:اي ذا خويهم مسلط وبعدين رجلتس ومسلط وسلمان وبهاج مايفرقون بعض جدي مسميهم رباعي الفلس جلسو يضحكون شهقت رزان وقالت:اح كلهم يدخنون عند امي يابهاج
نجد:منجدتس توتس تدرين حبيبتي بهاج من قبل لايملك علي من قبل وهو يدخن بس يبعد عشان ماحد يشوفهم
هيام:ورعد الزفت بعد يدخن وانا قايله له لاتدخن ويوم يجي للبيت يقول خويي مو انا وهو تسذوب
رزان:والله شكلهم يجنن واولهم اخوي بسم الله عليه
نجد:قصدتس اخوتس ولا اللي جنبه 😉
رزان:كلي تراب ماقلت مسلط قلت اخوي
نجد بشهقه:كيف عرفتي اني اقصد مسلط وانا ماقصده بس قلت اللي جنبه
رزان بارتباك:اءء مادري بس عشانه مو متزوج قلت يمكن هو لان ماراح تقولين ومرت الرعد فيه
هيام:عادي ماقالت شي قالت اللي بجنبه بس انتي بالك مع مسلط يالخفيفه
رزان:شدعوه ماقلت شي انتم تكبرون الموضوع بعد ساعتين
عند العيال كانو واقفين برا
بهاج:انا بمشي
هايف: تعشى وامش ل دوامك
بهاج: اجل يلا قلطوهم الساعه 11:30وانا عندي دوام والعشاء جاهز
مطلق:يلا اجل قلطهم انت
بهاج توجه للمجلس وقال:اقلطو على العشاء حياكم الله بعد ماتعشو الضيوف مشو الكل مابقى الا الاهل قال الجد:بهاج وش اللي رزان مخطوبه من عقلك انت
بهاج:لا مب من عقلي اول مسلط كلمني قبل الرجال وكان خايف نرفضه عشان ماعنده اهل وكلمني وقال نزل مسلط راسه يوم شاف الانظار عليه تقدم بهاج ورفع راسه وقال:راسك دايم مرفوع تفهم وكمل وقال:وكان داخل بيتقدم لها من ابوي بس اتكلم ابو فلاح قبله وكان ابوي بيعطيه لو ماتكلمت ولو مسلط ماخطبها مابعطيها ل فلاح الكلب
ابو سطام:ولد لاتسب الرجال
بهاج:يخسي يكون رجال وهو كل يوم بالمحاكم والسجن عندنا ويتعاطى مخد*ارات
مسلط: ياعم انا اسف اني ماكلمتك وكلمت بهاج بس كنت خايف ومتوتر لان ماعند اهل وقلت ماحد بيقبل فيني والحين انا اتقدم لبنتك على سنه الله ورسوله
ابو سطام: مابيننا هل كلام يامسلط وعلى الاهل هذا مو عيب ولا حرام وهذا الطريق كلنا ماشين فيه والله يوفقك وانا ابوك وابد ناخذ شور رزان واذا وافقت نتمم قم يابهاج كلم اختك
مسلط:عمي عندي شرط واحد واتمنى توافقون عليه
ابو سطام:سم ياولدي
نزل مسلط راسه وقال:انا اسف ماقدر اسوي عرس واهلي مب معي عارف انها تبي تفرح زي كل بنت تتزوج بس انا ماقدر اسوي عرس واهلي مو عندي واذا مو موافقه على الشرط عادي الله يوفق الجميع بس انا ماراح اسوي العرس اسف واتمنى تتقبلون شرطي
ابو سطام:على خير ان شاء الله نشوف رايي رزان ونرد لك خبر
وقفو ابو سطام وعياله وكلمو ام سطام ورزان عند الباب وقال ابو سطام:يابنتي صاحب اخوك بهاج مسلط تقدم لك اليوم ونبي نشوف رأيك
رزان:بفكر واستخير
بهاج:عنده شرط واحد واتمنى تتقبلينه
رزان:قل وش
بهاج:ماراح يسوي زواج بعد الملكه ياخذك لان ماعنده اهله ماتو
رزان:عادي اصلا ماهمني موافقه على الشرط بفكر واستخير وارد لكم خبر
بهاج تقدم وحضنها قال:الله يسعدك ياخوك زي ماريحتيه والله شايل هم انك ترفضين عشان العرس
رزان:ماهمني بس ماعليك بروح استخير وافكر وبكرا ارد لكم خبر واصلا بننام كلنا ببيت جدي وبنطلع للمزرعه
طلعو من عند رزان وراحو للمجلس وقال بهاج ل مطلق انها ماعندها مشكله بالزواج بس بتستخير ووافق والجد قال للكل وقت النوم