(وتظله من الشمس في ظل الجفون)

بارت《 15 》

ماسامح النسخ او الاقتباس والقراءه بدون نجمه⭐️

صباح يوم الجمعه الساعه٩:١٢ ببيت الجد كانو جالسين يفطرون قامت لجين تصب شاهي ل الكل صبت لهم وصبت لها كاسه وجلست جنب الين اللي كانت تتكلم مع امل وتضحك كانت ملاحظه نظرات هايف اللي يناظر فيها ويبتسم الجده كانت ملاحظه نظراته ل لجين ومبتسمه لان لو صار زواج بالديره بيجون عيال عيالها بهاج ونجد ورزان ومسلط اللي تعتبره واحد من عيال عيالها انتبهت ل ابو بهاج انه ماكان مبسوط معهم بس انه يجاملهم ناظرت ب ام بهاج اللي كانت نفس زوجها بالهم مع عيالهم اللي مايدرون وينهم بس اللي مطمنهم ان بهاج مع نجد ورزان مع مسلط تنهدت الجده''
-
بنجد العذيه كانت جالسه فوق السرير تستنا مسلط يخلص طلع مسلط من الحمام وقامت رزان ونطقت: مسلط
مسلط: عروق قلبي سمي
رزان: نبي نروح نتمشى طفشت بالبيت
مسلط: من عيوني بعد الصلاه ان شاء الله
رزان: اخيرااا بنطلع
مسلط: اذا مالقيتس جاهزه بسحب عليتس
رزان: بطلع قبلك
مسلط: لا امزح ماعليتس بجيتس وبشيلتس معي ونروح نتمشى واخليتس تشترين اللي تبينه قربت رزان بهدو وقبلت خده وهربت ل الحمام ضحك مسلط من هروبها وقال: اوريتس ياحيو*انه
لبس ثوبه وعدل غترته جلس يبخ من عطره حط ساعته بيده وطلع برا البيت يلحق على الصلاه
-
عند بهاج ونجد كانت جالسه بالكنب وحاطه راسسها على المخده وتعبانه من الحمل وفتره الوحام من دخلت شهرها الخامس وهي تعبانه دخل بهاج بعد ماصلى الجمعه قال: السلام عليكم
نجد: وعليكم السلام
قرب من نجد وجلس وقال: كيف حلوتي اليوم
نجد: ماشي حالها الحمدلله
بهاج: طيارتنا ل الرياض مابقي شي عليها بجهز اغراضنا ونرجع لديارنا
نجد: بهاج متى ودك نشوف اذا بنت او ولد
بهاج: اللي يجي من الله خير ياحبيبتي مايفرق اهم شي تقومون بالسلامه اهم شي عندي حضنته نجد بهدؤ وحطت راسها على صدره ماخذت دقايق الا وهي نايمه بهاج ناظرها نابمه شالها بيده وحطها فوق السرير وحط اللحاف عليها وراح يسوي الشنط حقته وحقت نجد كلها بعد ماخلص راح ل المطبخ وسوا مكرونه وسوا شوربه ل نجد بعد ماخلص حطها على الطاوله وراح ينظف المطبخ وجمع الاغراض كلها وعطها صاحب الشقه رجع يصحي نجد اللي قامت وهي متألمه من بطنها وجلست تاكل معه بهدؤ وخلصو قام بهاج ينظف كل شئ جاب عبايه نجد ولبسها هي وحط لها نقابها وجلس نجد فوق الكنب ونزل يودي الشنط ل السياره والباقي اخذها الحارس يوديها شال نجد اللي  وهي صايره بس نايمه من الحمل نزل وحطها بالسياره ركب وسوا الحزام ومشى متوجهه للمطار وقف عند كافي اخذ قهوه له وشاهي ل نجد اللي نايمه للحين وصلو المطار وقوم نجد وشال الشنط ينزلها وحطها بالعربيه ومسك نجد ودخلو وراح سوا التذاكر ورجع سمع النداء الاخير لطايرتهم اللي متوجهه الرياض وقف نجد وراحو يدخلون الطايره
-
عند مسلط اللي رجع من الصلاه واخذ رزان وراحو المول بعد ماخلصو رجعو البيت ومسلط منهار من كثر الاكياس اللي معه ومع رزان وصلو وجلست رزان تقيس ملابسها بعد ماخلصو قال مسلط عنده شغل
-
فالديره كانو جالسين كلهم برا بعد ماتغدو قاعدين العصريهه بالحوش ويتقهوون جت لجين وجلست وقالت: ماما
لفو الكل عليها ناظرتهم وهي منخرعه منهم قالت: ايش فيه
ام بهاج: تكلمي وش فيتس
لجين: بهاج كلمني وقال انه توه دخل الرياض ونجد معه بس يقول انها تعبانه ووداها المستشفى شهقت ام نجد وهي تبكي بس لجين كملت: وقال بعد مايسوون التحاليل وتطلع نجد بيروحون بيت مسلط عند رزان ابي اروح
الجد: لا محد يكلمهم ابدا
لجين قامت وجلست عند الجد: جدي تكفى امانه بس بشوف نجد طيب تعبانه وحامل لحالها جدي تكفى صرخت ام نجد وقالت: ها متى حملت نجد
لجين: بدري عمتو الحين بشهرها الخامس بس بهاج يقول متعبها مرا حتى ماخذ اجازه بهاج عشان يجلس معها
بهاج: مايحتاج تجين انا جيت
قامت لجين تركض وحضنته بقوه رجع ورا بهاج ونجد واقفه تناظرهم وتناظر الباقين قربت من بهاج وهمست: ابي اجلس تعبت
بهاج مسك يدها وقرب الكرسي وخلاها تجلس ناظرتها لجين وجات سلمت عليها ومسكت بطنها وقالت لجين ببتسامه: بطتنا الحلوه
ضحكت نجد وهي تحاول تخفي تعبها وقالت: كله من ولد اخوتس
بهاج: يعني الحين هو مب ولدتس ضحكت نجد وقالت: الا جات ام بهاج وام نجد مسكت نجد وحضنتها وجلست تبكي ونجد معها بهاج شد على يد نجد وجت امه حضنته وسلم عليها ناظر ابوه ببتسامه وقرب ابوه منه وحضنه بقوه وشاف نجد بين اهلها
وابتسم براحه يوم شافها تضحك صرخ الجد بصوته ولفو عليه الكل قال: انا وش قلت يابهاج وش قلت لكم كلكم ماقلت لاتكلمونه ذا الاقشر
ناظرت نجد بهاج وهز راسه لها وابتسمت نجد وقال بهاج: مب من حقك تحرمنا من اهلنا وهم يبوننا واحنا نبيهم وانا لو مب نجد كان ماجيت لاكن نجد تعبانه وتحتاج امها والحين شافتها وبنعود لمحلنا جينا نسلم ونمشي
ام نجد: لا يابهاج اجلسو تعالو عندي
بهاج: اسف ياعمه لاكن ماقدر ومسلط يدق مايدري حنا وين لاكن كل جمعه بجيبها لتس وشكرا على حسن الضيافه ياجدي قرب من نجد وشالها قدامهم ناظرتهم لجين وهي تبكي ونفس الشي ام بهاج وام نجد والجده شافو بهاج يركبها السياره ركب جنبها وحرك بهاج ل الرياض ونجد اللي مابقي لها الا يومين وتخلص   الخامس وتدخل ل السادس وهم للحين مايدرون بنت او ولد لاكن بهاج مايبي يعرف الا قبل ماتولد ب اسبوع وصار يفكر يكشفون عشان يجهزون بعد ماخذ فله بيت ملك له وهو مصر انه يعيش بالرياض مايرجع الحفر ف نص الطريق  تكلمت نجد وقالت: بهاج وقف عند المستشفى نكشف تكفى بطلب اغراض النونو من الانستا عشان يكون المجلس حلو والبيت كله
بهاج: من عيوني وانا اصلا اقدر ارفض لتس طلب عيوني تفداتس
نجد: لبا عيونك بعد مرور الوقت دخلو الرياض على صلاه الفجر راح بهاج ل اقرب مستشفى وكشفت وطلع ولد ويافرحتهم الاثنين فيه بهاج نزل يسجد ربه ولاكن ماعرفو انهم توام ولد وبنت لان اللي بان الولد لهم  جت الدكتوره لهم قبل مايخرجون وقالت: لو سمحتي نجد تعالي دقيقه
جت لها نجد وجلس بهاج برا وقالت الدكتوره ل نجد انهم توام وجلست تبكي نجد من الفرحه قامت وطلعت ل بهاج اللي ينتظرها وسالها وقالت له ان شي عادي عشان الولاده
بعد ماوصلو البيت نزلو ونزلو كل اغراضهم ورتبوها كل شي بمكانه قامت نجد ومعها بهاج متوجهين لغرفتهم ينامون دخل الغرفه بهاج وطلع بجامته بهاج ودخل الحمام (الله يكرمكم) تروش وطلع بعد مالبس شاف نجد لابسه بجامتها ونايمه ابتسم براحه لان ملامحها فيها سعاده جاء وانسدح جنبها ومسك بطنها وحط راسها على صدره حط اللحاف عليهم ونام براحه
-
عند مسلط اللي عرف بجيت بهاج ل الرياض وانه ببيته الحين قال ل رزان وبدؤ يجهزون لحفله صغيره بمناسبه رجعتهم ل السعوديه راحو السوق واشترو الاغراض اللي ناقصتهم بعد ماخلصو من كل شي جلس مسلط على الكنب بتعب وجت رزان ونقزت بحضنه ضحك وهو متعود عليها شد عليها بقوه يدفن وجهه في نحرها وانسدح على الكنبه وانسدحت رزان فوقه لف على الجهه الثانيه ورزان بحضنه قال: رزان
رزان: عيونها
مسلط: بتنامين بالصاله
رزان: لا بس من التعب جيت انسدحت فوقك
مسلط: حلالتس انا كلي فدا لتس ضحكت وماخذت دقايق الا وهي نايمه بحضن مسلط ضحك مسلط وهمس: من التعب اجل
ماخذ دقيقه الا وهو نايم معها بالصاله
-
ببيت الجد اللي كانو حزينين عشان بهاج ونجد راحو اما الجد اللي قال انه مسامحهم كلهم بعد ماشاف ضيقهم وقرر الكل ينقل الرياض حتى الجد اللي ماقدر انه يفارق ديرته بس الحين بيفارقها عشان عيال عياله بعد ماجهزو كل شي حركو العيال ل الرياض واخذو لهم ثلاث فلل جنب بعض ملك لهم وبدو يجهزونها بعد ماعرفو ان اهلهم مشوو بالطريق وماكانو يعرفون ان بيت مسلط وبهاج بنفس الحاره اللي هم فيها بعد مرور سبع ساعات وصلو وارتاحو بعدها قامو الحريم يسوون العشاء وبعد ماتعشو نامو
-
بيت مسلط الي قامو واحتفلو ونجد قالت ل رزان انها بتجيب توام لاكن لاتعلم احد لان بهاج مايدري غير بالولد حلف مسلط انهم يتعشون عنده وهم كانو عارفين ان فيه سكان جدد سكنو بس ماعرفوهم اخذ بهاج نجد وراح لبيته اللي مايحتاج انه يروح من برا لانه مسوي باب من بيت مسلط لبيته بدون مايطلع برا دخلو وراحو يبدلون ونامو على طول ببيت مسلط اللي رتبو كل شي وراح مسلط يبدل بعد ما رزان بدلت طلع وشافها نايمه راح وانسدح جنبها وقربها من حضنه ونامو''

اتمنى ان البارت عجبكم لاتنسون النجمه 2000 كلمه عطوها حقها✨️🩷