(وتظله من الشمس في ظل الجفون)

بارت《17》

ماسامح النسخ او الاقتباس والقراءه بدون نجمه⭐️

اهلين ياحلوين كيفكم اعذروني على التاخير وكل عام وانتم بخير 🩷

في بيت الجد ،
ريتال:والله ماغيرك البس والفار يالكلب
الجد: خلاص يابنيتي اسكتو ي لجين جيبي لي الشاهي
لجين: ابشر من عيوني
الجد: بشرك الله بالجنه يابنيتي
لجين قامت للمطبخ تسوي شاهي ل الجد كملت تسوي الا ويهمس جنب اذنها :عيونتس لي انا لااشوفتس تقولين ل احد من عيوني
شهقت لجين بخوف وكان الشاهي بينكب فوقها 
لجين بدموع: خوفتني طيب طلع صوت قبل ماتدخل وبعدين مالك دخل فيني اذا صرت ابوي او واحد من اخواني تكلم
هايف: زوجتس انا
لجين: اذا ملكت علي تعال قول اما الحين لا اشوفك ياهايف ولا والله ل اقول ل ابوي عنك واخليه يضربك بعد عني
هايف: ابشري من عيوني بس لاتزعلين مني ماقصد اني اسوي شي بالحرام بس انا ابي العايله كلها تجتمع حتى بهاج ومسلط وحريمهم بعدين اخطبس
لجين : هايف تكفى انا عارفه بس لاتجي عندي يمكن يشوفوننا ويخلونا نبعد عن بعض
مشى هايف للمجلس وجلس وجات لجين بالشاهي وصبت للجد
الجد: الله يعطيتس العافية يابنيتي
لجين: يعافيك يارب

-
ببيت بهاج كانو جالسين بالصاله يتقهوون ويسولفون بموضوع الشغل
بهاج: نجد خلينا نكمل بكرا ميت نوم
نجد: تمام ياروحي نوم العافية
بهاج: يعافيتس بس بتقومين معي ماعرف انام بدونتس
نجد: يادادا ولدك بيجي وانت برضو تقول ماعرف انام بدونتس
بهاج: شسوي فيتس ساحرتني ماقدر على الحياه بدونتس وبعدين ياويلتس تقولين دادا مرا ثانيه
نجد: دادا حبيبي
بهاج وهو ذايب : عيونه وروحه وقلبه وحياته وكل شيء
نجد: اوف بهاج ماستحمل كيوت
بهاج: افا دقن وشنب واخرتها كيوت
نجد: اي صح شرايك تشيل الدقن احس بدونه احلا
بهاج: اثار النوم ذي قومي قومي الله يهديتس
-
في شقه العيال كانو متسدحين بالصاله ومعهم فشار ويتابعون فيلم رعب وسلمان اللي كل شوي يفز عند رعد بخوف ورعد ميت ضحك عليه
سلمان: غير بالله عنه ماعاد معي عقل
رعد بضحك: اهخ بطني مايضحكني غير يوم انك تلصق فيني من الخوف
سلمان: اقول انا بروح النادي
رعد: مع انه قلت ماني رايح بس بروح واول شي نتعشى عشان الكوتش مايهبد فينا لازم نكون شبعانين
سلمان: ماهمك غير بطنك انت قم سو مكرونه او خلنا نطلب لنا
رعد: تم بطلب من كنتاكي
بعد نص ساعه رن الجرس وراح يجيب سلمان الاكل وتعشو بعد ماتعشو غيرو ملابسهم وراحو النادي
-
بيت مسلط كانو يلعبون بالمخدات ويضحكون وقفت رزان بضحك وتعب جلست على السرير جلس مسلط وسحبها له ونطق: متى بتجيبين لي نونو
رزان : تعال بقول لك شي طيب في مفاجأة بالغرفه الثانيه
مسلط: يلا مسك يدها وقامو يتوجهون للغرفه
دخلو وجلس مسلط وطلعت رزان صندوق من الدولاب وجابته ل مسلط وقالت : افتحه وشوف وش فيه فتح مسلط الصندوق بهدؤ يناظر ب استغراب شاف تحليل الحمل ويناظر ب رزان بصدمه وقام بسرعه ل رزان وعيونه فيها دموع وحضنها بقوه ودموعه تنزل قال: صدق صدق ولاتمزحين علي زي قبل
رزان بدموع: لا صدق وولد بعد  حضنها مسلط وشالها الغرفه حقتهم وخلها على السرير وقال: من اليوم ورايح لاتقومين ولاتسوين شي كل شي انا اسويه حتى اجيب لك شغاله عادي لاتتحركين بس إي شي تبينه بجيبه لتس انا تمام
رزان: هدي هدي ياروحي مافي شي مابيجي غير اللي كاتبه الله واصلا بنام انا
مسلط: ونعم بالله يلا نوم العافية وترا مانسيت يوم انك تضاربيني اول بالمخده ياويلتس اذا جاتس شيء
رزان: نام معي
-
بيت الجد الصباح كانو جالسين بعد ماقالو انهم بيروحون بيت بهاج اللي بنفس حارتهم يوم الجمعه وقبلها يكلمون بهاج يقولون له كانو الامهات يسوون الفطور ومعهم البنات ونفس دايم البس والفار يتهاوشون جلسو بعد ماحطو الفطور وكان جالس عبدالعزيز اللي كان مصدع من دوامه وقال: مين عنده/ا بنادول قالت ريتال: انا بس ماراح اعطيك
عبدالعزيز : تكفين اخلصي مصدععع  ريتال قالت: محد قالك  تداوم
ريتال: خلاص بجيب لك
الجد: انتم ماتسكتون بربر ( يتكلمون )طول النهار ماشاءالله
لجين: دايم كذا ريتال وساره وعبدالعزيز لف هايف على صوتها وناظر بعدين صد عنها وكانو ملاحظين العايله نظراته للجين قال الجد: تقدم وانا ابوك وابشر بها
لف هايف بخوف من انه لجين قالت لهم وقال: بتقدم بس تجتمع العايله مع بعض بدون بهاج ماتزوج عصب ابو سطام وقال: اصلا من يوم شفتك تمشي معه وبنت لك ماعندنا
تنرفز هايف وهو يشوف الجد وابو سطام متزاعلين مع بهاج ومايبون يرحون له وعصب زياده يوم قال مالك عندنا بنت وقال: ماعاد ابيها اصلا بنات خلق الله كثير لاتحسب بناتك بالحياه بس والله لو تتبرون مني ماراح اسيب بهاج لو ايش تجمعت الدموع بعين ام هايف وهي تشوف ولدها محتار بينهم ولجين بصدمه ودموع يوم قال ماعاد ابيها بنات خلق كثير طلعت من المجلس وناظرها هايف بحزن وتمنى انه ماقال بس وش يفيد التمني وهي اخت اعز اصحابه ويحبها اكثر من بهاج لاكن يوم تكلم ابوها زعل وهو كرامته اهم شي عنده راح لغرفته وجمع اغراضه مايقدر يتحمل انها تكون معه ببيت واحد وهو يشوفها مو حلاله طلع وتوجه ل بيت بهاج اللي كانو نايمين فتح الباب لانه معه مفتاح ل بيت اعز اخوياه وفتح بيت الشعر وجلس فيها وقفل الباب وانسدح يهوجس ف لجين اللي يتمنى من كل قلبه تصير زوجته لاكن مع ذالك كرامته وعزه نفسه ماترجعه ولا يطلبها نام وهو مايحس على نفسه وهو مايدري ان بهاج كان يراقبه من البلكونه وعرف من ملامحه وجهه متزاعل مع الجد وشنطته وضحت اكثر له نزل ل بيت الشعر وفك الباب وشافه نايم قفل الباب بهدؤ وقعد بالحديقه يفكر في هايف والعايله ومحد حاس فيه غير زوجته وحبيبته نجد جت وحضنته من ورا انتبه لها وسحبها يقعدها جنبه وقال: نجد ياروحي ماينفع تطلعين الدرج كثير بياثر عليتس ابتسمت نجد من حنيته وقربت تحط راسها على كتفه وقالت: مابيصيبني شي وحبيبي وزوجي بهاج ابتسم وحط يده على أكتافها وقبل راسها قام بهاج بعد ماقال ل نجد ان هايف موجود ببيت الشعر راحت نجد ل بيت الشعر اشوف اخوها وكان باين على وجهه الحزن تنهدت وجلست تمسح على راسه وتقرا قران قام هايف بعد ماحس ان فيه احد جنبه ابتسم ل نجد وحضنها بهدؤ بعد عنها وجلس مكانه قالت نجد: ليه نايم هينا تعال بالغرفه جوا
هايف: تمام بس بشيل اغراضي شال اغراضه وطلعت نجد تشغل مكيف الغرفه الثانيه وراحت عند بهاج انام ودخل هايف غرفته ينام على طول من التعب ''"""

اعذروني على القصور لاكن والله تعبانه وقراءة ممتعه للجميع لاتنسون النجمه ياحباني 🩷