"لافرق الله بين روحي وروحك"
وصلوا المخيم وهم فحمانين وقابلتهم غيداء مره ثانيه
غيداء : اعوذ بالله اشفيهه
نجد : انتِ الي اشبككك ناطه لنا
غيداء : انقلعي ياحيوانه
جوليا : يالله ابغى مويه فحمت ماقدر
شربت مويه وجلسوا وارتاحو من الجريي الي جريوه
اما عند فراس دخل وقال ل نواف
فراس بصوت عالي : نوااااف فيه بنات برا هنا جالسين يطالعون والصقر حمرت عيونه نط نواف وجره وجلسه عنده
نواف بهمس : والله الشرهه مب عليك الشرهه علي الي جبتك
فراس : وشفيه ماسويت شيء قلتلك انا وبعدين طفش ماخليت فارس يجي
نواف : لأن اخوك جني مو بزر ولو دريت انك اخس منه كان ثبرتك عنده
فراس طالع فيه وقلب عينه ويبدو انه زعل
نواف : بالطقاق
مر الوقت وراحوا القرايب مابقي غيرهم وصحبات البنات جوليا ورهف ورنا ف البنات بالخيمه والاهل كلهم برا بالجلسات
الصقر : ايه اليوم بنسري من البر على عشره عشره ونص
امل : ايه زين بس والله بنفقده البر
الصقر : ماعليك نرجعله
امل : ان شاءالله
داغر : والله ياعبدالرحمن انك وحشتنا
عبدالرحمن : والله اكثر ياداغر
غسان رسل ل غيداء رساله محتواها ... جات الرساله ل غيداء ومكتوب فيها
" غدو هيا سرينا لنا يومين جالسين خلاص اشتقت للبيت "
غيداء
" تكفى خلينا لصباح"
غسان
" ياليل مطولك لك يومين معهم وساحبه علي"
غيداء
" خلاص م اسحب عليك بس مانروح الان"
غسان
" اشوف وربي لو سحبتي من كشتك اوديك البيت"
غيداء
" سم😂😂"
عند البنات بالخيمه
ارجوان : ايوه جوليا كيف قوليلنا شعورك تجاهه سامي
جوليا : ارجوان لحد دحين تفكري فيه انا نسيتو
نجد : ماعلينا جاوبي عليها
جوليا : والله الصراحه مُعجبه فيه
هند : منتي هينه ياجوليا والله المهم ماتكلمينه صح؟
جوليا : لا ماعندي اي حساب له
غلا : احسنلك
رنا : اممم بنات ليه مانسافر جدة مع بعض ؟
خزامى بضحك : ع اساس سعود بيوافق
رنا : اش دخلو دا ترا لسه ماسار زوجك
نجد : يرحملي امك قولي صارررر
رنا : اقول مايخصك المهم خزامى ترا مو ع كيفو دحين ابوكي فيه كلميه اكيد حيوافق ويعرفنا
خزامى : اوكيه حيوافق بس سعود مين يخليه يوافق
جوليا : اممممم انتِ
خزامى : ضحكتيني
ارجوان : وانا ماجد كمان مستحيل يخليني
رنا : لا حالتكم حرفياً مدري كيف
هند : حبي ترا مو بكيفهم رجالهم كذا
رهف : لا بس والله صح كلام رنو لازم نسافر وبعدين خزامى زواجها قرب وجدة نروح منها نتمشى ومنها سوق
ارجوان : الرياض ماقصرت
رهف : اوكيه ماقصرت بس نغير جو عنها ونروح جدة
هند : انا وغلا دن بس خلينا نشوف الباقي
جوليا : خلاص دحين ياخزامى وارجوان كلموهم وازا وافقو نروح السبت" بعد بكره "
ارجوان : اوف الحين الله يستر
خزامى : بنلقم تهزيئ بس عادي يلا انتِ اول
ارجوان : يوه طيب
راحت ارجوان وكان ماجد قاعد مع العيال جات وهي متجهه انتبه لها فيصل
فيصل : حي الله خيتو الي مقبله علينا
وماجد كان قاعد ومعطي ظهره بس يوم سمع ان ارجوان جايه عليهم التفت وبرقت عيونه وفز من مكانه
حاتم : يولد بسم الله شفيك قمت
ماجد وهو شوي ويطق من الغيره : ولا شيء
راح ل ارجوان الي صنمت مكانها من بعد ما شافت وجه تغير من بعد ماشافها
ماجد ماسك يدها وبهمس
" نعم خير جايه عند العيال كذا!"
ارجوان
" نزل يدك تعورني وبعدين مو شيء جديد انا من زمان اقابلهم"
ماجد
" لا ان شاءالله بتتغطين حتى عنهم"
ارجوان
" زين مو هذا موضوعنا تعال ابي اكلمك بموضوع"
ماجد
" زين امشي قدامي"
مشيو ورا الخيمه الي ثاني مره يروحون ويسولفون فيها
ماجد: ها وش الموضوع الله يستر
ارجوان ببرائه وكسر خاطر عشان يوافق
" ماجد تكفى بطلبك طلب بس لاتردني "
ماجد : ها ايش
ارجوان : اوعدني
ماجد : وشو طيب
ارجوان : اول اوعدني
ماجد : ها وعد
ارجوان : ابي اسافر مع صديقاتي تكفى
ماجد برق عيونه وضحك
" ياحليلك ضحكتيني وشو الي تسافرين مع صحباتك مخبوله انتِ ولا ايش ! تستهبلين ارجوان خير من متى كذا عندنا حنا "
ارجوان: يمه بسم الله اكلتني والله ماجد وربي اسوي اي شيء تبغاه تكفى وانا تعرفني وبروح مع نجد والبنات
ماجد : وش اسوي اذا نجد بتروح انا مسؤول عنك انتِ وبعدين مين قلك ان نجد بتروح مستحيل امي وابوي يوافقون
ارجوان : لا بيوافقون وتكفى بروح ماجد
ماجد : لا يعني لا
ارجوان : يعني اول طلب اطلبه لك وانا حامل وفوقها اترجاك وذلحين بصيح وترفضه!
ماجد : اسويلك الي تبينه بس سفر انسي تبين اطلع معك وتخرجين معهم بس انا اسافر معك مو لحالك اصلاً مايجوز مامعك محرم مخبوله انتِ
ارجوان : بس انا بركب معهم بالسياره تكفى
ماجد : انسي ارجوان انسي
ارجوان : هف منك زين اذا انت طلعتني احلف بالله اني اطلع واروح واجي معهم
ماجد : والله بس بالمعقول مو كل يوم سردادي مردادي
ارجوان : طيب نشوف
وكانت بتقوم عشان تروح لهم بس مسك يدها
ماجد : على وين؟
ارجوان : بروح للبنات
ماجد : بعد م قلتي لي بتروحين لالا اجلسي معي سولفي يلا
ارجوان : يوه ماجد بالله بروح لهم ع الاقل اقولهم انك وافقت
ماجد : سجلي ڤويس لهم
ارجوان : زين
دخلت السناب وفتحت القروب وسجلت ڤويس محتواه
" بنات ماجد وافق بس بشرط يكون معي وهو الي يطلعني غيره لا
تدخل ماجد بالڤويس وقال " اي ونجد بعد ترا معي مو لحالك"
قفلت الڤويس
عند البنات
هند بحماس : رسلتتتتتتتت
نجد : جددد خليني ادخلللل
جوليا فتحت الڤويس ....... سمعته كامل
" يوه يعني ارجوان ونجد هوا يطلعهم"
نجد: هف منه النكدي
غلا : وحنا الله يستر اذا بيوافقون او لا
هند : اي والله الله يستر م اخس من ماجد إلا سعود
خزامى : يلا بروح اكلم سعود الله يستر بس
هند : هيا هياا بالله
راحت خزامى وكان سعود بدوره المياه جلست برا تنتظره لين يطلع
لاحظها ابوها
عبدالرحمن : خزامى اشبك عند الحمام
خزامى : لا ياعيوني بس بكلم سعود
عبدالرحمن : زين
خرج سعود وكانت مقابلته خزامى
" بسم الله "
خزامى : شايف جني! وشو بسم الله
سعود : ي بنت انخرشت طلعتي بوجهي ومو قصدي والله
خزامى : بسم الله منك عالعموم بكلمك بموضوع
سعود : ها وش
خزامى : تعال هنا نجلس ........ راحوا وجلسو على رمل
خزامى : اسمع البنات قالو بنسافر جده مع بعض وارجوان ماجد بيطلعها هي ونجد وبصراحه انا ابغى مع البنات
سعود : احلمي احلمي ماعندي انا سفريات بناات لحالهم !
خزامى : وليش ان شاءالله هند وغلا بيطلعون مع البنات
سعود : حامض على بوزهم بتطلعون اطلعكم انا مثلكم مثل ارجوان ونجد
خزامى : تقليد الموضوع يعني ولا ايش مو فاهمه!
سعود : ماله دخل ياربط المواضيع انتِ بس حنا ماعندنا كذا اطلعكم بكيفكم واوديكم وين ماتبون مع ذولاء البنات لكن لحالكم لا والله لو تبوسون رجلي صبح وليل
خزامى : زين هذا لا فكرنا وبوسناها
سعود : بدينا !
خزامى : خلاص المهم ايش الكلام الاخير
سعود : لحالكم لا انا معكم اي
خزامى : زين
قامت وبتروح لهم
سعود : حطي الشال ع راسك
خزامى بتأفف : زين
راحت للبنات
رنا : بشري ؟!!
خزامى: مثل كلام ماجد
جوليا : يالله وربي يقهروا
هند : وانا الي خلاص ضمنت انو عادي حسبي الله
غلا : اهخ قهر وربي
رنا : ماعليه حنفلها بالطلعات
عند ماجد وارجوان
ارجوان : اي صح الي كانت عندكم المخنسه هاذيك رجعت لدوام ولا خلاص من بعد ماجدي طردها ماصارت تجي
ماجد : الصراحه هي جات قبل اسبوع وجات مكتبي
ارجوان بغيره : ها وش جابها !!!!! وايش قالت
ماجد : هدي هدي وربي م اعطيتها وجه ومن زمان م اعطيها
ارجوان : اي مره واضح اخلص شقالت
ماجد : قالت اتوسط لي عند جدك خليه يرجعني وانا اشتقت ل ايام الدوام ويوم اجي واعطيك الاوراق واسألك واسولف معك وكذا من ذا الكلام قلتلها والله مره مالو داعي وجودك عندنا وروحي شوفي مشفى ثاني لأن ماني مستعد اخسر بيتي عشانك وبرقت وشمقت بعيونها وطست
ارجوان : اهخ بنت الكلب وليه تسولف معاها
ماجد : هدي لاتقهرين نفسك وبعدين وربي ماسولفت معاها اني اسلك لها يارجوني
ارجوان مسكت يد ماجد وسوت له ساعه بيده من سنونها قعدت تعض فيها
ماجد كان طبيعي ولا كأن احد يعضه يضحك على تصرفها وبعد ماخلصت عض وشوي ولحمه يطلع ❤️🔥❤️🔥رفع يده لشفايفه وباس يده من بعد ماعضته
ماجد: اذا مو احلا من يعضني؟
ارجوان : انقلع
ماجد : هم يدمنون الخمر وأنا أدمن عضت شفايفك
ارجوان استحت بس برضو انقهرت مره
ارجوان : هاذي المره عدت سليمه ماعضيت عضه زينه والله المره الثانيه لحمك اطلعه ب سنوني
ماجد بأبتسامه وسرحان بجمالها وعصبيتها وتهديدها
" طيب وشرايك انا اخذ السنون ذي واكسرها لك"
ارجوان : ماتقدر
ماجد : لاتتحدينيييي
ارجوان : اصلاً مخبول كيف تكسرها
ماجد : عاد مالك دخل كيف اكسرها بس لاتتحديني
ارجوان : زين الساعه اثنين خلاص خلينا نرجع اكيد الحين عماتي خلو البنات ينامون
ماجد : طيب شنسوي لهم بسهر معك
ارجوان : زين ماعندك سوالف
ماجد : إلا من قال .. إيه على طاري السوالف شعندكم اليوم جيتو عند خيمه الرجال فتن عنكم فراس
ارجوان بينها وبين نفسها
" الله ياخذك ياوجه القرنفل يافراس يالملقوف"
ارجوان بتوتر : ها لا بس وحده من البنات كانت بتشوف اذا خطيبها فيه او لا
ماجد بأستغراب : وانتوا ليه معاها ومين اصلاً خطيبها
ارجوان : ها احنا رحنا معاها عشان هي لحالها تخاف وكمان يعني ماتعرف هي جداويه وهو عتيبي
ماجد : خلك بس فيني لا تعرفين لا عتيبي ولا غيره
ارجوان : زين انا م اعرفه هي الي تقول!
ماجد : ايه الصدق ودي تغطين عن العيال
ارجوان بصدمه : بس مارح اقدر انا كل حياتي كنت اقابلهم وعادي معهم لا احس مستحيل هم مثل فيصل وحاتم وانت
ماجد برق عيونه : وشلون انا هي اصحي انا زوجك مب اخوك
ارجوان : معليه هبدتها كذا بس يعني هم زي فيصل وحاتم
ماجد : بس شلون مو منطق برا تغطين عن الرجال وعندهم لا
ارجوان : ماجد! حنا كذا من زمان لاتغير شيء تكفى وانت عارف
ماجد : بفكر المهم انا وش اعنيلك؟
ارجوان : امم الصراحه زي فيصل وحاتم والله
ماجد بينجلط منها : انتِ غبيه ! ذول خواااااانك انا زوجك حبي فيه فرق ترا! وشو انتِ شفيك على فيصل وحاتم
ارجوان : ياخي مدري شتبي اقولك ترا استحي انا !
ماجد : استحي ماقلنا لا بس مو لدرجه زي اخوانك !
ارجوان : طيب انا الي وش اعنيلك
ماجد حب يستعبط معاها : اممم زي نجد
ارجوان : تستهبل!
ماجد : اطقطق معك لا وربي كل شيء بحياتي
ابتسمت ارجوان وهي مستحيه .........بعد 10 دقايق ممكن .........
ماجد : شفيها عيونك ذبلانه
ارجوان وهي تتثاوب : بنام
ماجد قعد يفكر شلون يطير النوم منها ❤️🔥❤️🔥❤️🔥❤️🔥❤️🔥بس لقاها
ماجد : امم عاد تصدقين رائد صاحبي اخته يالبيه تجنن شكلي باخذها الثاني... ماكمل كلامه إلا ارجوان تطالع فيه بنظره
ارجوان : انت ناوي على عمرك؟
ماجد : وشو يعني تهديد كلمه الحق تنقال البنت تجنن وعليها خصر يارجوني اووف
ارجوان : هذا الي بيجلطني خيررر! وشو عليها خصر وماعليها خصر مرضان انت!!!!!ولاتقول ارجوني بكل بجاحه وربي ياماجد كف بيجيك ترا خير لاتستهبل معي
ماجد : م استهبل ترا وربي صادق
" ماجد يستغفر بينه وبين نفسه"
ارجوان لمعت عينها بعد ماحلف وكأن الدمعه بتنزل
فز ماجد وحضنها
ماجد : امزح وربي قسم بالله امزح ورائد اصلاً ماعنده خوات
ارجوان : وشلون تحلف ياكذاب ابعد عني!
ماجد : قسم بالله استغفرت من داخلي وربي اسف بس قلت اطير النوم عنك
ارجوان : غبي احد يطيره كذا!
ماجد : سمي انا غبي
ارجوان بتقوم : هيا انقلع على الي يقعد معاك ياسخيف اهبل
بيمسكها من يدها بس شردت وهو وراها بس كانت تمشي عشان ماتقدر تجري وودخلت عند البنات ولقيتهم بسابع نومه ماعدى خزامى
خزامى : بدري ياماما!
ارجوان : كنت مع ماجد المهم انتِ كيف سعود؟
خزامى : مثل ماقالك ماجد قالي سعود يقهرون إلا شفيك كذا انتِ تتنفسين بالقوه
ارجوان : يلا عادي شنسوي لالا تشغلين بالك
خزامى : زين تصبحين ع خير
ارجوان : تلاقين الخير
نامت خزامى وارجوان اتمددت على فرشتها وماجد يرسل لها وهي تطنشه وتفتحها من برا " اكيد مافيه احد مايعرفها"
كاتب
" ارجون ترا امزح معك لاتشدينها عادي وكنت بطير النوم منك ردي علي وتعالي وربي العيال نايمين وانا مابني النوم"
ارجوان بينها وبين نفسها " لا مجنون تووووي كنت عنده يبغاني ثاني اجي حلوه ذي " رسل ثاني
ماجد "ادري تشوفينها من برا تحسبيني ماعرف وربي لو مارديتي لغير اسوي شيء يوريك "
طنشته وسابت جوالها وتهيئ نفسها لنوم
عند ماجد كان جالس ع فراشه والعيال نايمين كلهم ❤️🔥❤️🔥❤️🔥...................الساعه اربعه ونص تقريباً الفجر..........
قام ماجد بهدوء ومتجهه ل خيمه البنات وكان يمشي ع اطراف اصابعه ويوم وصل ... كان منزل راسه عشان مايشوف ولا بنت
وصل ل عند ارجوان وقام وشالها بدون ماتحس وخرج من الخيمه بنجاح وراح لمكانهم المعتاد والبنت مستمره بالنوم جلس وتربع وهي ع رجوله كأنها طفله قعد يتأملها ويلعب بشعرها الطويييل الناعم الي زي خيوط الحرير الشديد السواد وفجأه تقوم
ارجوان بخوف : يمه بسم الله انا ايش جابني هنا كنت بالخيمه
ماجد : بسم الله عليك ارجعي نامي
ارجوان قامت : لاا دقيقه شجابني
ماجد اخذ نفس عميق وقال : قلتلك يروحي ردي علي لا اسوي شيء تنصدمين منه وعادني سويته
ارجوان : ماجد! لاتكون غبي لهدرجه لو احد شافك!
ماجد : خل يشوفون زوجتي مو وحده غريبه
ارجوان : اي بس مو كذا استغفرالله بس الحمدلله عدت ع خير
ماجد : زين مابخليك تروحين إلا اذا نمتي وكملتي نومه ع رجولي
ارجوان : بزر انا اقول بروح انام بالخيمة
ماجد : ايه بزر هيا والله ما اخليك تروحين انا حلفت
ارجوان : يادين الله مجود تكفى وربي تعبانه ابغى انام ارحمني تراني حامل
ماجد : انا حلفت
ارجوان : صوم مين قلك احلف
ماجد : استغفرالله هالمره بس بمشيها
ارجوان : تمام يلا تصبح ع خير
ماجد : وانتِ من اهله
مشيت ورجعت للخيمه وكملت نومه ❤️🔥❤️🔥❤️🔥❤️🔥❤️🔥❤️🔥❤️🔥❤️🔥عشره الصباح الكل كان قاعد يجهز ويشيل ويحط بالسياره والانسه ارجوان وزوجها ف اخر نومه قوموهم بالغصب وقعدو يشيلون اغراضهم وحطوهم بالسياره وبعدها جهزو الفطور عشان يخلصون ويرتاحوون وبعدها يحركون
جوليا : اسمعوا انا ورنا ورهف حنرجع بسيارتي
خزامى : تمام بتروحون بعدها بيت رهف؟
رنا : ايوه اتوقع بس مو اليوم خطبه رهف؟
خزامى : لا لسه لو بيخطبها يكلم بابا
جوليا : ليه يكلم ابوكي؟
خزامى : لأن هوا صاحب ابوها الله يرحمو وبعد ماتوفو اهلها تربت رهوفي معانا
جوليا : اها تمام الله يكتب الي فيه الخير
الكل : امين يارب
❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
رأيكم احلا بارت لمن يجي بالفجريه
أنت تقرأ
"ياثقل الوقت من دونك وانا ايامي بلاك طوال "
Romanceيتحدث عن شعرها الطويل الكثيف الاسود الناعم الذي يشبه خطوط الحرير ام عن جمالها وبياضها الشديد الذي ب عتمه الليل يبان وعيناها الواسعتان وبؤبؤ عيناها الشديد السواد واسمها الذي يجذب القلب " ارجوان " _يا قَمَراً في السَماءِ مَسكَنُهُ وَنَرجِسُ الأَرضِ في...
