تأكد أنَّني أحبّكَ ضعفَ
ما أقول وأكتب .
ماجد : خلاص ياحب لاتزعلين
ارجوان: زين بطل مزحك الغبي هذا!
ماجد: سمي
ارجوان : امم طلب طلب
ماجد : أمُريني
ارجوان : بخرج مع نجد
ماجد مسك اعصابه وبهدوء : كم لكم وانتم مع بعض؟
ارجوان : بس هي تبيني ب شيء ابغى اروح اشوف وشهو
ماجد : لكم ثلاث ايام كامله مع بعض وانا ماقعدت معك إلا كم ساعه! وشو ذا كل شوي تبين تروحين مع البنات امسكي ارضك ارجوان!
ارجوان : لاتصرخ علي!
ماجد اخذ نفس عميق : اسف بس مارح تروحين
ارجوان : وشو يعني اسبوع اجلس هنا مسجونه انا ولا وشو؟
ماجد : ايه مسجونه
ارجوان : بروح مابطوللل
ماجد : قلت لا ولا تخربين السهره
ارجوان : يعني انا اخرب السهره؟
ماجد : ياوووك انك تحبين المشاكل انا بدخل الحمام وبرجع
ارجوان سكتت وانتظرته يدخل عشان تطلع❤️🔥❤️🔥
راحت بهدوء للباب وفتحته وجرررري ل غرفه نجد ولحسن حظها الحمدلله نجد كانت في الغرفه فتحت الباب بسرعه
نجد : بسم الله شفيك!
ارجوان :بسرعه شتبييين ترا هاربه من ماجد
نجد : ليه سجن! متخلف
ارجوان : مادري عنه سريع ايش تبين
نجد : شوفييي فيصل اليوم رسل لي شوفي
ارجوان : الله يقلعك هاذي الهرجه!
نجد بضحكه : يب ليه ؟؟
ارجوان : والله لغير القم زق من ماجد كله منك الله يسامحك يشيخه
نجد : هوف اوڤر
ارجوان : كان يمديك ترسلين الرساله هيا هيا بروح
نجد : انتظري نسيت انا وامي نقولك بكره الصبح الفطور ف بيت جدي
ارجوان : هففف زين زين
رجعت للغرفه سريع سريع
وكان ماجد بالحمام لسه الحمدلله
دخلت وقفلت الباب بقوه !! وجلست وباين عليها فحمانه❤️🔥 خرج وهو ينشف يده ويطالع فيها
ماجد بحده : علامك فحمانه؟
ارجوان بتوتر : لا مافيه شيء
ماجد : خرجتي برا صح؟
ارجوان : لا
ماجد : لاتكذبين سمعت الباب!
ارجوان : م اكذب
ماجد قرب منها : انا اكره الكذب ولا ادانيه ولا اواطيه سامعه !
ارجوان : بعد عني
ماجد : والله رحمه لك وللي ف بطنك! خربتي الجو وخربتي السهره وروقاني راح
ارجوان طالعت فيه من فوق لتحت ولفت ظهرها ورايحه تقعد فالكنبه وهي مكتفه يدها
وراح ماجد وأخذ جواله وخرج
ارجوان
" هف يقهر والمشكله يقول لاتطلعين!!!"
خرج ماجد وكأنه متهاوش مع احد يحب يشخصن!
راح ركب سيارته وما ف باله مكان يروح له ف راح يفرفر
عند ارجوان حرفياً ماهي عارفه ل ماجد يكبر المواضيع وياخذ الأشياء نصها بجديه مره حست نفسها شوي مرهقه راحت ومسحت الميكب وغيرت لبسها وراحت نامت عند ماجد كان يفرفر فالشوارع وبعدين قرر يرجع
عند غلا كانت جالسه على ارجوحتها ومشغله أغنيتها المفضله وتغني وراها وكانت تهوجس بشخص ماهو موجود لا بالخيال ولا بالواقع شخص منفرد ب عالمها الخاص وهند كالعاده على كتبها ولا جوالها وسعود الي كان قاعد يفكر ب حياته ومستقبله مع خزامى وشلون بيعيش معاها وبيكونون مبسوطين وغيرته الزايده عليها بتستحملها او لا؟ نرجع لماجد رجع وكانت الساعه ١١ ونص تقريباً كان البيت هدوء رقى فوق وكانت الغرفه بارده ونص اللمبات مقفله شافها وتنهد تنهيده عميقه يحبها ولا يقدر بدونها بس نص حركاتها تنرفزه رمى جواله على الكنبه وراح عالسرير ونام حست ارجوان ب وجوده بس تجاهلت وتذكرت الفطور ف بيت جدها ف ضبطت الوقت عالساعه 7:53 ورجعت نامت مر الوقت عند بيت محمد الساعه 7 قام فيصل وراح يلبس عشان يروح ل دوامه عنده بس موعد واحد يخلصه ويرجع ل بيت جده للفطور لبس وتبخر وتعطر
حاتم وهو توه صاحي : عندك شيء اليوم ؟
فيصل : اي ذلحين عندي موعد بس كشف اخلص وارجع البس ونروح بيت جدي
حاتم : يلا زين أنا الحمدلله م عندي
فيصل : كويس
خرج فيصل وسلم على أمه وابوه واتجهه طيران لدوام
حاتم قام وتروش وبعدها لبس ثوبه وشماغه وتعطر وتبخر ونزل عند أمه وابوه ولقيهم جاهزين
محمد : ننتظر فيصل وننزل
حاتم: خلاص ابد تم
اريج : اخخ متى افرح فيك وف فيصل
حاتم بضحكه : فيصل قريب انا مره ماعندي نيه
محمد : افا ليه
حاتم : لسه يبا م لقيت الي تناسبني
اريج : تلاقيها ماعليك
حاتم : ان شاءالله ليه لا؟
عند نجد قامت وتروشت سريع وسوت شعرها كيرلي وحطت ميكبها ولبست وحطت أغنيه وقعدت تتصور
عند ارجوان وماجد رن المنبه وقامت ارجوان وماجد مكمل نومته قامت وتروشت سريع سريع وخرجت وسوت شعرها كيرلي ولبست فستان احمر ماسك على خصرها النحيل ومو باين اصلاً إنها حامل وشعرها الطويل الكيرلي الناعم لبست كعبها وحطت روج أحمر غامق مايل ل عودي ومسكره وثبتت الجوال على المرايا وحطت اغنيه لشيرين وقعدت تتمايل عليها والصوت شبهه عالي ماجد قام شوي منزعج يفرك عيونه .. يطالع على ارجوان الي تتمايل مع لحن الاغنيه وتضبط شعرها وحركاتها الجنونيه بعد ماخلصت أخذت مبخره الشعر وهي تبخر شعرها ونظرات ماجد م انتهت الي سرح فيها ودخل هيامه قربت من المرايا وباست نفسها وقالت
" م اضن إذا شافني بيبقى زعلان "
ضحك ماجد على حركاتها وبعدين انتبه أنها رفعت الجوال وبتتصور بس فز من مكانه وهي مو منتبهه ومسك خصرها وقال ببرود وصوت مبحوح
" وشرايك نتصور مع بعض " ابتسمت ارجوان وبعدها اخفت الابتسامه وقالت ببرود وهي تلعب بشعرها
" ماكنت زعلان ومصنقر يامجودي؟"
ماجد :صح م احب هالدلع بس منك اهخ
ارجوان : خلي زعلك ينفعك
ماجد دفن راسه برقبتها وباسها ❤️🔥 تخدرت ارجوان بس حاولت تبعده لكن جبل مايتحرك بعدته بقوه لين زاح
ماجد : اوف بس يحظي فيك
ارجوان : وش رايك فيني؟
ماجد :اخاف امدحك واظلم جمالك لأن مافيه كلمه توصفه؟ اصحى من النوم ع ذا الجمال ! بس فستانك؟
ارجوان وهي تطالع بفستانها : شفيه مو حلو؟
ماجد :لا حلو وانتِ محليته لكن اغااااااار عليك انا من نفسي كيف يشوفونك!
ارجوان : لا عاجبني
ماجد بهدوء : حتنى عاجبني بس مو لهم لي انا بس
ارجوان سكتت ولفت
ماجد : بختارلك لبس
ارجوان : ماجد تكفىىى ... حط يده ع فمها
ماجد بهدوء : هشش قلت اغار عليك
طلع لها لبس حلو وساتر
ماجد : يلا البسيه
ارجوان اخذت اللبس بدون نقاش لأن تعبت من المناقشات وراحت لبسته وجات ومسحت روجها وحطت روج ثاني
ماجد : لبىى الي جهزوا يلا انا بجهز ونمشي واي
قرب وحط فمه عند اذنها وقال " اسف ع امس بس شسوي ابيك بس معي"
ضحكت ارجوان وتوجهت تقعد ع الكنبه
دخل وتروش وبعد ربع ساعه خرج ولبس سريع ونادا ارجوان
ماجد : ارجوني سويلي شعري كيرلي معك
ارجوان : طيب
جاته وهو قاعد عالكرسي مشطت شعره المبلول وحطت كريم وقعدت تمشطه وتلفلفه وهو سرحان فيها
ارجوان توترت من نظراته : ماجد خلاص لاتناظر توترت
لف عليها وباس بطنها وقاال
" الله لا يحرمني لا منك ولا من الي جاي بالطريق "
ابتسمت وقالت " يارب "
خلصت ولبست عبايتها ونقابها ونزلوا
عايشه : وينكم حبايبي اتأخرتو
ماجد : ماعليه يمه كنا نجهز
نجد : يلا ارجوني مشينا
ماجد : وين مشينا انتم تعالو معنا
داغر : يلا زين
ركب داغر قدام ووراه عايشه وبالوسط ارجوان وجنبها نجد ............. مرت نص ساعه ووصلوا
ماجد : انتبهوا لاتكشفون عند العيال
ارجوان ونجد : ليه؟
ماجد : جدي بيقولكم ليه بس انتبهوا
عايشه وداغر : عسى خير
ماجد : خير خير
نزلوا وكانو كلهم موجودين
الصقر : ياهلا يامرحبا وينكم طولتوا
داغر وهو يسلم ع ابوه : والله عباال ماتجهزوا
امال : يبنات روحوا الغرفه عشان ماجد بيدخل
استغربوا الكل؟ كيف نغطي وحنا مع بعض من زمان سمعوا الكلام دخلوا الغرفه هند وخزامى وغلا
خزامى : شفيهم ؟
هند : مادري عنهم الله يستر
غلا : شكله قرار جديد
هند : ماعلينا إلا صح وشرايكم نطلع اليوم؟؟؟
خزامى : عادي قدام
غلا : امم بكره عندي فاينل بس يلا ما افوت
هند : خلاص تم نكلم البنات
هديل من الصاله وهي تنادي
" خلاص تعالو راح"
جو البنات وقعدوا وقال الصقر بجديه
" والله انا فكرت ف موضوع وشفته جداً مناسب "
خزامى : عسى خير ياجدي
هديل : لا خير الحمدلله
الصقر : ايه انا قررت انه خلاص تغطون عن بعضكم
البنات بصدمه : ها شلون؟
امل : اي يبنياتي تغطون عن بعض
حست ارجوان ان ماجد ورا هالسالفه
غلا : جدي وشلون نغطي عن بعض وحنا رابيين مع بعض!
الصقر بحده : هذا قرار وراح ينفرض رضيتو ام ابيتو
البنات : حاضر ياجدي
وكذلك راح للعيال وقالهم نفس السالفه
بعد ماراح عند العيال
هتان : شفيه جدي ؟
سعود : والله واقطع يدي اذا مو ماجد ورا هالسالفه
فيصل : منجد ماجد انت ورا هالسالفه؟
حاتم : اي والله تلاقونه هو
ماجد ببرود وهو يبتسم : نعم اي انا والله من حقي اغار على زوجتي!
هتان: غار عليها غطيها هي مو الباقي
سعود طالع ف هتان : منهم الباقي
هتان : شدخلك انت
سعود : قل من؟
فيصل : اقول بلا بزرنه انتم خلاص الي تبونها اخطبوها وتصيرلكم بالحلال
حاتم : اي صادق والله
ماجد : اي اي خلاص الي عاجبتكم خذوها بس خلو ارجوني لي
حاتم : ياووووك انك تغث
ضحك ماجد
جاء وقت الفطور وانقسمت سفرتين وحده للعياال وحده للبنات وقعدو ياكلون
نجد : اذا مو ماجد ورا هالقرار مايكون اسمي نجد
ارجوان والزيتونه ف يدها : انا شاكه هو وبسأله لأن امس راح وقال عنده شغل وشكيت انه مع جدي
غلا : يقهر بشككككل
هند : بشكل لايوصف
خزامى : الحمدلله اني ملكه على سعود اقدر اشوفه
هند : حظك
خزامى ضحكت : تبين هتان
هند بتوتر : بسم الله من قاال؟
خزامى : الجني
غلا بضحكه : سامجه انطمي
خزامى : سمي
عند رهف والبنات
رهف : اسمعوا شرايكم اليوم اكلم البنات يجون عندي ونسهر؟؟
جوليا : تمام عادي
رنا : قوداااااااام
رهف : تم
سجلت لهم ڤويس بالقروب وتنتظر ردهم ❤️🔥❤️🔥❤️🔥❤️🔥❤️🔥❤️🔥
رأيكم بالبارت
أنت تقرأ
"ياثقل الوقت من دونك وانا ايامي بلاك طوال "
Romanceيتحدث عن شعرها الطويل الكثيف الاسود الناعم الذي يشبه خطوط الحرير ام عن جمالها وبياضها الشديد الذي ب عتمه الليل يبان وعيناها الواسعتان وبؤبؤ عيناها الشديد السواد واسمها الذي يجذب القلب " ارجوان " _يا قَمَراً في السَماءِ مَسكَنُهُ وَنَرجِسُ الأَرضِ في...
