بدايه حب ونهايتنا زواج 🤎🤎🤎
بالطريق ونجد فرحاااانه وسعيده ومروقه ع الاخر وحاطه اغنيه ومندمجه بعالمها وارجوان سانده راسها ع الشباك وماسكها ببطنها تحس بألم بسيط
وعايشه تسولف مع داغر وماجد
ماجد بضحك : شوفيها الفرحه مو شايلتها تتغنى
عايشه بضحك : خليها والله تنكدت
داغر : ماعاش من ينكدها والله يأن كنت شايل همممم
عايشه : الحمدلله ربي يسرها
داغر : اي والله
ناظر ماجد ب ارجوان من عند المرايه الاماميه شاف راسها مسنود ع الشباك وفاتحه النقاب وباين ع وجها انها قاعده تتألم وماسكه بطنها
ماجد : ارجوني علامك؟
ارجوان: ها لا مابني شيء
عايشه انتبهت لها : حبيبتي ارجوان تحسين بشيء ألم ؟
ارجوان : لا بس خالتي مغص غثيان
تبي عايشه تتكلم لكن نجد تتحرك بقوه وتغني بصوت عالي ضربتها عايشه ع كتفها
عايشه : بنت اهجدي شوي اعوذ بالله راكبك جني انتِ
نجد : ابي استانس
عايشه : استانسي بس موب كذا
نجد : زين
ارجوان بألم: ماجد وقف وقف
ماجد بخوف : فيك شيء!!!!
ارجوان : وقف كبدي تلووع
وقف ماجد ونزلت ارجوان ومعها عايشه واكرمكم الله بدت تتقيئ لين ارتاحت
عايشه : كيف حبيبتي كذا ارتحتي
ارجوان وهي تمسح ع فمها : ايه الحمدلله اشوى
نزل ماجد وراح ل ارجوان وبدأ يمسح ع ظهرها وراسها
ماجد : ارتحتي ذلحين تبين أوديك المستشفى
ارجوان : لالا ماله داعي كذا ارتحت
عايشه : معليه ياقلبي هذا مع بدايه الحمل
ماجد : يعني كذا طبيعي يمه
عايشه بضحك : ايه ياحبيبي ليه خايف
ماجد : اخاف عليها والله
عايشه : الله يسعدكم ويحفظكم هيا مشينا
ركبت عايشه وماجد وصل ارجوان وركبها وراح وركب وبدأ يسوق
كانت ارجوان بحضن نجد ونجد تمسح ع راسها
ماجد وهو يطالع فيها بالمرايه
ماجد : ها وشلون الحلو الحين؟
ارجوان ابتسمت : الحمدلله
داغر بضحك : دلع دلع بنيات
نجد : ياجعل يبا مايتدلع غييييرها
عايشه : اي بالله
نرجع ل بيت محمد
كان فيصل راجع من دوامه وقاعد على الكنبه بالصاله .. لحظات.. دخل ابوه ومعه امه
محمد : ماشاءالله متى رجعت
فيصل : ابد ياعيوني قبل شوي
اريج : ع القوه ها اشوفك فرحان
فيصل بأبتسامه شقت وجه شق
" اخخخ وشلون مافرح يمه"
اريج وهي تفصخ عبايتها : يلا حبيبي جعله دووووم الفرح يعانقك
فيصل : يارب وياكم إلا وين حاتم غريبه مارجع؟
محمد : تلاقيه بالدوام لسه
فيصل : بشوفه بدق عليه
رن مره ... رن مره ثانيه .... رن مره ثالثه ( وحاتم مارد )
فيصل بوجهه مستغرب : مايرد؟
اريج : ان شاءالله خير اكيد بدوامه ع قوله ابوك
محمد : اي اكيد إلا صح تغديت لأن انا وامك تغدينا برا
فيصل : ايه ايه الحمدلله تغديت
اريج : يلا زين صح اليوم راجعه عايشه وداغر وعلى الأغلب بنتجمع ببيت جدك
فيصل : تمام ان شاءالله
رقوا غرفتهم 🩶🩶🩶 عند بيت امال
امال : هيا ياسعود تأخرنا يادوبك تمر خُزامى وتروحون تأخذون الطقم خليها تنقيه هي بنفسها واخرجوا تمشوا
سعود بأبتسامه : امري ياعيوني
غلا بضحكه : وشرايك تاخذ خواتك معك؟
سعود : ابشروا والله
امال : اقول بس يا دواجه امسكي ارضك اليوم بنروح بيت جدك
غلا : يلا يلا عواااافي
سعود : لا عادي يمه تروح معنا وبعدين نجي كلنا ل بيت جدي
هند : لا خير غلا خليهم راحتهم
غلا : اعوذ بالله امزح والله امزح يويلي اكلوني
ضحكوا ونزل خالد من تحت
خالد : دايمه يارب
امال : تدوم لنا عاد لا اوصيك اليوم الجمعه ف بيت اهلي
خالد : طيب يلا زين بس مابطول عشان عندي شغل قد شعر راسي والله
امال : موفق يارب
سعود : يلا زين استأذنكم برسل ل خزامى ونطلع
خالد : يلا بس عاد ها لا أوصيك امسك نفسك لاتخربها
ضحكوا وهند غطت وجها استحت بدل اخوها
رقى وقعد يلبس وبعد ماخلص بدأ يتصل ع خزامى
عند بيت هديل
عبدالرحمن : اليوم بتروحون بيت عمي صح؟
هديل : ايوه تعال معنا
عبدالرحمن : ايه اكيد
عند خزامى كانت تتروش خلصت وطلعت نشفت جسمها وطلعت لبس خفيف ولبسته واخذت جوالها ورايحه ل التسريحه عشان تسوي ميكب خفيف وتسوي شعرها ولقيت سته اتصالات من سعود
خزامى : ياويل حالي ذا وشبه
رجعت اتصلت عليه ورد علطول
سعود بعصبيه : وينك انتِ ماتردين !!!!!!!!!!!!!!
خزامى : كنت اتروش وي شفيك فيه شيءٍ حاصل شيء؟
سعود : لا بس بمرك عشان تاخذين الطقم ونتمشى شوي
خزامى : طيب بس بقول لبابا وماما
سعود : سريع الحين جايك
خزامى : زين زين
نزلت جري ل امها وأبوها
هتان دخل وكان معه أغراض البيت الي وصته امه يجيبها
دخل وقفل الباب
هتان : خزخز تعالي الله جابك ساعديني
خزامى : يبوي دزها بروح اكلم بابا
هتان بصوت عالي : مامنك فايده رفله
وراح وداها بالمطبخ
راحت لصاله وهي فحمانه من كثر ماركضت
عبدالرحمن : بسم الله شفيك يابابا هدي
هديل : بنت اشبك تركضين فيه شيء!
خزامى : سعود اتصل علي وقال بيجي يمرني عشان آخذ طقم ونتمشى موافقين؟
عبدالرحمن طالع ب هديل وتبادلوا النظرات
عبدالرحمن : وجمعه بيت جدك؟
خزامى : بنجي ماعليك بس موافقين؟
هديل أومت ب راسها ل عبدالرحمن انه عادي
عبدالرحمن : زين بس لاتطولون وأنتبهي لاتتحمسون
فهمت خزامى وضحكت ورقيت فوق سريع سريع ولبست عبايتها ولبست نقابها وبدت تلبس اكسسوارات
عند هتان بعد ماحط الأغراض آخذ الدخان وطلع برا بالحوش وقعد يدخن ويفرفر ب جواله وجاء ف باله يرسل ل هند وفعلاً رسل ..... جاء سعود
وشافه هتان وطلع له
هتان : هلاااا بوشباب وشلونك وشخبارك عساك زوين
سعود : بخير جعلك بخير إلا وين خزامى
هتان : ايه جاي تاخذ الانسه يلا تلاقيها ذلحين جايتك
سعود : يلا تمام
رسل لها انه جاء ونزلت علطول .... وهي طالعه
هتان : شرفت الأخت
خزامى : ياربي وشتبي
هتان : بروح معكم لازم وشو تسوون كيني ميني م اضمن
سعود بضحكه ورفعه حاجب : اقول بس اسري بنبسط مع زوجتي
هتان : الله يستر منك انت وانتِ كذا ولا كذا اكفخيه ولا تُبالي
ضحكوا وحركوا السياره ومتوجهين للمحل وحط اغنيه فزت بك ومسكوا يد بعض وسعود يغني بكل حماس
سعود : اخيرااااً بتصيرين لي انا لحاللللي
ضحكت خزامى وكان وجها محمر من كثر ماهي مستحيه
عند هند وغلا كانو بالغرفه لأن قرب المغرب يأذن ف قاموا يتجهزون
هند وهي تلبس اكسسواراتها تشوف رساله من هتان مكتوب فيها " ابي اشوفك" برقت عيون هند ولاحظت غلا .. جاتها من ورا بهدوء
غلا : اهااااااا واشوف التوتر وش ووين بيشوفك؟
هند بتوتر : وشو مارح اشوفه يستهبل ذا مو صاحي
غلا : زين سلكي له
هند : زين يعني وش ارد عليه؟
غلا : امم سلكي وقوليله زين ف بيت جدي
رسلت له
" زين ف بيت جدي "
عند هتان وأول ماجاته رساله من هند فتحها علطول ورمى زقارته"
هتان قرأ رسالتها بصوته : زين ف بيت جدي
رد عليها
" ع امرك يابيبي"
عند هند يوم شافت رده ضحكت ع كلمه بيبي
غلا بضحك : ياي يابيبي يارومنسي انت اهخ مو لايق ع هتان
هند بضحك : مايدري اننا نكذب عليه
غلا انهارت ضحك
نرجع ل ❤️🔥❤️🔥أبطال قلبي ❤️🔥❤️🔥
ماجد : ولله الحمد وصلنا بيتنا
داغر : الحمدلله عالسلامه
عايشه : يلا نزلنا عشان نتجهز ونروح بيت عمي
نزلوا وارجوان باقي قاعده ماهي قادره تتحرك زين جاها ماجد
ماجد : حبيبي فيك شيء؟
ارجوان انحرجت من قربه لها : لاا بس ماني قادره أتحرك زين
ماجد : بس كذا؟
ارجوان : اي..
ماكملت كلامها إلا وهو شايلها ❤️🔥❤️🔥❤️🔥
ارجوان وهي منحرجه الف : نزلني نزلني لااا
ماجد : هشش ولا كلمه
شافتهم نجد وضحكت وصورتهم
" شوفوووا طيور الحببب شايلها بيوديها القفص الله يستر عليهم "
م انتبهوا لها انها تصورهم رسلتها على القروب والكل قعد يضحك ويطقطق
❤️🔥❤️🔥❤️🔥❤️🔥❤️🔥
دخلوا البيت ورقى بالدرج وهو شايلها
ارجوان : بس بس ماجد خلاص تعب الدرج وانا ثقيله
ماجد : اص بس ولا كلمه كأني شايل ريشه
ارجوان ضربته ع رقبته : ولد شقصدك
ماجد : ماقصد شيء ياماما
دخلوا غرفتهم وحطها ع السرير بشويش
ارجوان : مجودي
ماجد لف عليها بعيونه النعسانه : ارجوانتي
ارجوان : وعع لاتناديني ب ذا الدلع ياخي م احبه
ماجد : اجل حتنى لاتنادي مجودي
ارجوان : مابدلعك أصلاً خلاص
ماجد جاء لعندها : يشيخ لو تقوليلي تراب راضي قولي الي تبينه
ارجوان وهي مكتفه يدينها وبتمثيل انها زعلانه اومت ب لا وهي نافخه فمها ع أساس تستفزه بس ماتدري انه مات وذاب عليها قرب بزياده وباس شفايفها بعمق ❤️🔥❤️🔥❤️🔥 فجأه تدخل نجد وهي جايبه شنطه ل ارجوان ومن سوء حظهم ماقفلوا الباب ضحكت نجد بأعلى ماعندها
انتبهوا لها وماجد عصب واستحى وارجوان استحت
ماجد بتوتر وعصبيه : وشدخلك انتِ هنا ماتعرفين شيء اسمه دق الباب
نجد بغمزه وضحك : لا اعرف ادخل علطول واشوفكم وشتسون ياخي حرام عليك ارحمها تعبانه تو توصل من سفر علطول خذوه ف غلوه ثم الجحيم صلوه
ماجد : اقول تقلعي برا يالملقوفه وآخر مره تدخلين بدون ماتدقين لا وربي كف يجي ع وجهك
نجد : تخسي وانطم هيا لا افضحك
ماجد : يالوصخه حنا متزوجين حتى لو علمتي كبري عقلك ذا طفله طفله والله طلعها وقفل الباب
زعلت نجد شوي من تصرف اخوها وراحت ل غرفتها
وطلعت لبسها وهي متضايقه من ماجد
نرجع لهم
ارجوان : ياخي حرام هزئتها اكيد زعلت
ماجد : خليها تبلع زق وش احراج تدخل وحنا كذا
ارجوان : زين عشان خاطري روح راضيها اعرف نجد زعلت ومو قصدها اكيد اصلاً جات ومعها شنطه
ماجد : لا برضوا كان دقت الباب
ارجوان : طيب عشاني راضيها
ماجد تنهد : عشانك بس
ارجوان : وعشانها بعد
ماجد : زين
راح ل غرفتها ودق الباب
نجد : مين
ماجد : انا
نجد : وشتبي
ماجد : بكلمك
نجد : ماني فاضيه
ماجد بضحكه : يا مُديره الأعمال وش من اشغال ؟
نجد فتحت الباب ووقفت عنده
" مايخصك "
دخل ماجد الغرفه وقفل الباب
راحت نجد وقعدت على كنبتها وجاء ماجد لجنبها
ماجد بهدوء وهو يطالع ف نجد بحنيه
" اسف ماكان قصدي أزعلك بس انحرجت وارتبكت بالمره"
نجد بزعل : والمطلوب؟
ماجد : المطلوب تسامحيني
نجد : سامحتك ويلا رجاء خاص ضف وجهك
ماجد ضحك : سمّي بضف وجهي
وهو واقف عند الباب قبل مايطلع طالع فيها وبغمزه
" اكيد؟"
نجد اومت ب " ايه "
خرج ومتوجهه لغرفته وابوه قابله
داغر : تعال ماجد ارقى السطح وجب معك كيس لونه ابيض مغبر
ماجد : زين يبا بروح لحرمتي
داغر : يادين الله حرمتك ماهي طايره رح بس جب الكيس
ماجد : سمّ
رقى السطح وقعد يدور بين الأكياس والأغراض ولقي الكيس بس كان مقفل وبالحيل ثقيل ماجد " ياوووك ذا وشفيه ياثقله " كان من الواضح فيه شيء مُهم وداه لأبوه
ماجد : سمّ يبا
داغر : سم الله عدوك تسلم
ماجد : الله يسلمك إلا يبا وش فيه هالكيس ياثقله
داغر : ابد الخزنه حقت الاوراق والفلوس الي تخص المستشفى
ماجد : اها يلا زين توصي بشيء
داغر : ابد سلامتك بس تجهزوا شويات ونروح لبيت جدك
ماجد : سمّ
..........................
رقى فوق لغرفته ولقى ارجوان باقي عالسرير
ماجد : تعبانه ماودك تروحين لبيت جدي؟
ارجوان : إلا إلا بروح بس مالي خلق اروح اطلع ملابس روح عند الدولاب وطلع كم لبس وانا بختار
ماجد بضحك : حااضر يامولاتي
ارجوان بضحك : يالله عليك
ماجد وهو عند الدولاب ويطلع ويسولف مع ارجوان
ماجد : عاد صدق اني ساحب على الدوااام
ارجوان : اي وجدي مخليك ع راحتك
ماجد جاي واللبس معه : ماتدرين اني حبيبه
ارجوان : امم ادري لالا رجع ماحبيت جيب البنطلون الأسود والبلوزه الحمره
ماجد : ياوك ايت ذي وبعدين كرشك قدامك وشلون بتلبسين بنطلون بيطلع شكلك نكتتتته فيله صغيره
ارجوان : اقول بس الفيله شايله بزرك لا تقوم الحين تبرك عليك
ماجد : لالا خلاص مابي اموت
ارجوان : شفف الحيوان
ماجد بضحك : زين ذا؟ حليوووو وساتر
ارجوان : اممم معرف لا ابي البنطلون الأسود والبلوزه الحمره طقت ف راسي عاد
ماجد : لا مب حلو
ارجوان بعصبيه : عاد شئت ام ابيت طقت ف راسي البسه
ماجد بتمثيل خوف: سمّي يابزرتي
ارجوان : ايوه شاطر
ماجد بضحك: لأمرك يامامي اصيرلك شاطر
ضحكت ارجوان واستحت بنفس الوقت
❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
ارجوان فجأه : ياخي احس بضيقه
ماجد : افاااا من وش
ارجوان : الجامعه لسه مادخلتها والبنات يقولون موب داخلين إلا يوم تولدين ونكون كلنا مع بعض
ماجد : زين وش الي يضايق
ارجوان : بأخرهم وبتأخر
ماجد : اقول بس اسكتي حسبت عندك سالفه ممديي على الجامعه والدراسه وسدت النفس
ارجوان : صدقت زين يلا روح البس ولا لا انا بختار وش تلبس
ماجد : يلا اختاري
قامت ارجوان ل الدولاب
ماجد : ها اشوف قمتي
ارجوان طالعت فيه بنظره ونص ابتسامه : كنت أدلع شوي ولا مايصير نتدلع؟
ماجد : يصير ويصير ويصير ياجعل مايتدلع غغغغغغيرك اخخ بس
ارجوان : امم ذا حلو
" طلعت له ثوب رمادي وفيه نقشه سوده "
ماجد : يلا لعيونك البسه
ارجوان : الله يحميها عيوني
ماجد : امممممين ويخليها لي بس انا
ضحكوا وراحوا يتجهزون
❤️🔥❤️🔥❤️🔥❤️🔥❤️🔥
لبس ارجوان ⬇️
أنت تقرأ
"ياثقل الوقت من دونك وانا ايامي بلاك طوال "
Romanceيتحدث عن شعرها الطويل الكثيف الاسود الناعم الذي يشبه خطوط الحرير ام عن جمالها وبياضها الشديد الذي ب عتمه الليل يبان وعيناها الواسعتان وبؤبؤ عيناها الشديد السواد واسمها الذي يجذب القلب " ارجوان " _يا قَمَراً في السَماءِ مَسكَنُهُ وَنَرجِسُ الأَرضِ في...
