Beauty And His Mafia

Chapter-5

(Unicode)

2022 January3
London ည၂နာရီ

မှောင်မဲတိတ်ဆိတ်နေတဲ့ညသန်းခေါင်ယံအချိန်တွင်ထွက်ပေါ်လာသောသစ်ရွက်ခြောက်တွေပေါ်နင်းခြေလိုက်သောခြေသံ။ထိုအသံသည်Londonမြို့ရှိPhoenix Emperorစံအိမ်တဝိုက်တွင်ဖြစ်သည်။
တစ်ကိုယ်လုံးအနက်ရောင်များဝတ်ဆင်ထားသောသူတစ်ဦးသည်စံအိမ်ထဲရှိ သစ်ပင်တစ်ပင်ပေါ်တွင်မတ်တပ်ရပ်နေကာ စံအိမ်ကိုအကဲခက်ကြည့်နေလေသည်။ခြံဝန်းထဲရှိနေရာတိုင်းတွင်တပ်ဆင်ထားသောCCTVများသည်အခုချိန်တွင်အလုပ်မလုပ်နိုင်တော့ပဲတစ်ယောက်ယောက်ရဲ့ထိန်းချုပ်ခြင်းကိုခံထားရလေသည်။လှည့်ပတ်သွားလာနေသောBlack suitများနဲ့သက်တော်စောင့်များသည်သစ်ပင်ပေါ်ရှိထိုလူတစ်ဦးကိုသတိမထားမိနိုင်ရခြင်းမှာအိမ်တော်အတွင်းမီးဖြတ်ခံလိုက်ရတာကြောင့်သွားရောက်ကြည့်ရှုခဲ့တဲ့ လက်အောက်ငယ်သားတစ်ဦးရဲ့မတော်တဆထိခိုက်ဒဏ်ရာရနေခြင်းအပေါ်တွင်အာရုံရှိနေကြခြင်းကြောင့်ဖြစ်သည်။ထိုလူသည်ခြံဝန်းထဲရှိအနည်းငယ်ဆူညံ့နေသောလူများ၏အရိပ်အခြေကို တစ်ချက်ကြည့်ကာသစ်ပင်များပေါ်မှ ဖြတ်သန်းသွားလိုက်ပုံမှာလျင်မြန်လွန်းလှသဖြင့် အဝေးကကြည့်ရင်တောင်သစ်ရွက်များကိုလေတိုက်ခြင်းကြောင့်လှုပ်ရမ်းသွားတယ်လို့ပဲထင်မိနိုင်သည်။လျင်မြန်မှုနှုန်းသည်၇၅ဧကရှိတဲ့စံအိမ်ရဲ့ခြံဝန်းတွင်တည်ရှိသော သစ်ပင်မှစ၍စံအိမ်နားအထိချင်းကပ်လာသောကြာချိန်မှာ၃မိနစ်နဲ့၃၀စက္ကန့်ပဲကြာသည်။
စံအိမ်နဲ့ခြံဝန်းအကွာအဝေးကိုဖြတ်ကျော်ပြီးချိန်တွင် အနီးဆုံးရှိစံအိမ်ရဲ့ဒုတိယထပ်ဝန်းရံတာပေါ်သို့ခုန်တက်လိုက်ပုံမှproကျလွန်းတဲ့သူခိုးတစ်ယောက်ပုံစံပေါက်နေလေသည်။

ဒုတိယထပ်ဝန်းရံတာမှအိမ်ထဲဝင်ဖို့တံခါးတစ်ချက်ပိတ်ထားသဖြင့် မိမိနှင့်အတူပါလာတဲ့အိတ်အသေးလေးကိုကိုယ်ပေါ်တွင်ဝတ်ဆင်ထားသောBlack Jacketထဲမှအသာထုတ်ယူလိုက်သည်။အိတ်လေးသည်သာမန်ထက်သေးပေမဲ့လည်းထိုအိတ်ထဲတွင်များစွာသောကိရိယာများပါရှိသည်။ထိုထဲမှအနက်ရောင်လက်အိတ်ကိုဝတ်ဆင်လိုက်သည်။ဒီစံအိမ်သည် သာမန်လူနေအိမ်မဟုတ်တဲ့အတွက်တံခါးပေါက်တိုင်းတွင်လက်ဗွေရာစနစ်ဖြင့်ဖွင့်ရသောsystemရှိတယ်ဆိုတာကိုသိထားသောကြောင့်ထိုသို့ဝတ်ရခြင်းဖြစ်သည်။တံခါး၏လက်ဗွေရာနေရာတွင် လက်အိတ်ဝတ်ထားသောလက်ဘက်မှလက်မကိုအသာတင်လိုက်တော့ကလှစ်ခနဲပွင့်သွားသောတံခါးကြောင့်ထိုPro maxသူခိုးလေးသည်မျက်နှာတွင်maskအုပ်ထားတဲ့ကြားမှခိုးပြုံးလိုက်လေသည်။ထိုနောက်စံအိမ်ထဲသို့ခြေဖော့ကာအသာဝင်လာလိုက်သည်။မှောင်မဲနေသောဒုတိယထပ်ကြောင့်သူပို၍ကျေနပ်သွားကာမြန်မြန်ဆန်ဆန်ပဲစတင်လှုပ်ရှားလိုက်သည်။ဒုတိယထပ်ရှိတိုင်ကပ်နာရီစင်ပေါ်တွင်လက်တံတိုသည်၂ကိုညွှန်ပြနေပြီး လက်တံရှည်သည်၃ကိုညွှန်ပြနေခဲ့သည်။သူသည်အခန်းပေါ်များစွာကိုတစ်ချက်ကြည့်လိုက်တော့အပြင်ကနေသော့ခလောက်နဲ့ပါခပ်ထားသောအခန်းတစ်ချို့ရှိနေတာကိုတွေ့လိုက်ရသည်။