العقاب المتناقض

بارت 6

لتنسون التصويت + متابعه لحسابي✨

#الكاتبه_اماني_المحنه✨

هو شخص واحد علمني إن الصدفه نعمة ♡.

•_♡_♡_-_-_-_&_-_-_♡_♡_•

صعدو زمرد وايار على السطح وكعدو على فراشهم ورفعو روسهم يباوعون للنجوم

زمرد: الله اليوم السماء صافيه منضرها يجنن

باوعلها ايار واردف وهوه مبتسم

: تحبين هيج اجواء

زمرد: طبعا، راحه نفسيه..

ايار: هاي اول شغله حلوه عرفتها عنج

باوعتله زمرد واردفت

: همم لعد خلي نبلش، اسألني الي تريده

ايار: اممم شنو لونج المفضل بله؟

زمرد: الاسود

ايار: يا ستار ياربي والله جان عندي امل انو بيج شويه انوثه بس هسه من لونج فقدت الامل

زمرد: وانته بله شنو لونك يابو الانوثه

ايار: والله اذا انتي لونج الاسود فاني اختار الوردي لان خطيه يضل وحيد

هزت راسها زمرد بأستهزاء واردفت

: هه ماضحك تره

ايار: همم زين امي حجتلي شلون جنتي تهتمين بيه وكذا،

زمرد: ايي وين السؤال بالموضوع؟

ايار: لا يعني ليش اهتميتي بيه رغم صغر سنج! يعني الي بعمرج يحبون يلعبون مو يهتمون بجهال اصغر منهم

زمرد: هاا، اسمع.. امك جانت بوقتها تتعالج لان نفسيتها جانت تعبانه، تاخذ مهدئات وهيج لذلك مجانت تكدر تركز على تربيتك، فتجي وتخليك يمنه علمود امي تهتم بيك، وامي جانت متكدر تهتم بيك لان مهتمه ب عبير لان جانت طفله صغيره هم مثلك لذلك اني جنت اقضي كل الوقت وياك وعلمتني امي شلون احضرلك الحليب وشلون اسكتك لمن تبحي وهيج تعودت عليك وصرت انتضر كل يوم امك تجيبك يمنه لان تعلقت بيك كلش..

ايار جان يباوع عليها بأعجاب وفرحه بداخله، قاطعها وهوه يباوع بعيونها

:وجنت ما انام اله بحضنج وعلى ريحة صدرج!

زمرد مغصتها بطنها من هل كلمه ونضرات ايار بوقتها، توترت واردفت وهيه تحرك بعيونها يمنه يسره

:اي...اي طبعا لان جنت طفل بوقتها واغلب الوقت وياي يعني اكيد تتعود على ريحتي وتغفه بحضني..

ايار باوع بعيونها واردف بصوت مثير
: بس مو كل حضن يغفه علي الطفل الى الحضن البي حنيه و دفو..

زمرد خجلت من نضراته، دارت وجه واردفت

:بعد شنو تحب تعرف عني؟