بنات قلبي لتنسون التصويت بين الفقرات + متابعه لحسابي فضلاً وليس أمراً ✨
#الكاتبه_اماني_المحنه✨
مشتاقتلجن كوماااااااااااات ومشتاقه لتعليقاتجن الي تجنن ودلعجن الحلو احبجن و هسه خلي نكمل القصه والاحداث الصادمه والمشوقه الي راح تصير شوفوني حماسكم بالتعليقات ✨☘️
~~~~~~~~~~~~~~~**
اقترب صاحب الخيال وبلشت لحضات الخوف والرعب تزداد اكثر واكثر والعرق ينزل من جبهة ابو سمير من شدة التوتر... ولمن نزلت اخر قطرة عرق ضهر ابو الخيال! من شدة الخوف غمض ابو سمير عيونه بقوه و عصر ايد سمير....
تفاجأ سمير من خوف ابوه بهاي الطريقه واستغرب لان اول مره يشوفه بهل حاله الغريبه!
نضر لصاحب الخيال وجان يطلع... ايهاب!
سمير بدهشه: ايهاب!
فتح عيونه ابو سمير وشاف ايهاب، استرخى واخذ نفس وزفره مسح العرق الي على جبهته ورجع لون وجه الطبيعي وترك ايد سمير الي جان عاصرها من الخوف واردف
: ايهاب! ابني شجابك من الصبح! خير صاير شي؟
ايهاب: لا عمي سلامتك ماكو شي بس اجيت اطمأن على عبير لان اخر مره شفتها جانت خايفه ومتوتره، بس اذا ازعجتكم بهل وقت فعادي اجي العصر
ابو سمير: بصراحه هل شوفات اني اكول كلمن يضل بيته احسن وماكو داعي للعجله لان هيه اقل الاسبوع راح تكون يمك فماكو داعي لهل شوفات كلها و اذا على الخوف مالتها فعادي كل البنات هيج وما تتعود عليك الا اذا صارت بيتك..
انزعج ايهاب من كلامه رجع خطوه لوره واردف
: اسف على الازعاج.. مع السلامه
وطلع من البيت لحقه سمير و صاح
: ايهاب..
وكف ايهاب، اقترب منه سمير وحط ايده على جتف ايهاب واردف متأسف
: اتمنه ما نزعجت من كلام ابويه لان هوه متشدد بهيج امور..
ايهاب: لا عادي مصار شي..
**
كعدت زمرد من النوم وما شافت ايار بفراشه طفرت مثل الخبله من فراشها وصاحت بخوف وقلق
: ايارررر....
طلعت من الغرفه وجان يطلع بوجه! صارت وجوهم واجسامهم متقاربه لبعض.. وبلحضة خجل بلعت زمرد ريكها ورجعت خطوه لوره فقترب ايار منها خطوه ورفع ايده وخلاها على صدرها يحس بنبضات قلبها السريعه واردف بصوت خافت ونضرات غزل
: دقات قلبج سريعه، معقوله كل هذا خوف مني؟
اردفت زمرد بتوتر: لا.. لا طبعا ليش حتى اخاف منك..! كل الموضوع هوه خفت عليك لمن كعدت وما لكيتك بفراشك ونوب طلعت انته فجأه بوجهي و خرعتني من الصبح..
أنت تقرأ
العقاب المتناقض
Romanceللحب حكايات مختلفه ومنها حكايتنا هذه التي بنيت على عقاب متناقض، و بسبب هذا العقاب ستبقى انت دائما شيئاً مختلفاً عن الجَميع وسأحبك وكّأن الكُون كُله قد اوصَانِي عليك ♥
