العقاب المتناقض

بارت 4

لتنسون التصويت + متابعه لحسابي✨

#الكاتبه_اماني_المحنه✨

- هجر جميل للكل ، خير من مخالطة مؤذية .

_-_-_-_-_-_-_-_-__-____✨

زمرد لمن سمعت صوت الباب استغربت وسألت ايار

: منو يجيكم بهل وقت؟ منتضر احد انته؟

ايار جان متأثر بكلمة زمرد لمن اردف، بدلة عرس ما جبلتي مثل البنات.. ونزلت دموعه وهوه منطيه ضهره حتى لا تشوفه بهل حاله

رجعت زمرد كررت كلامها واردف لان مارد عليها

: ايار منو يجيكم بهل وقت مو احاجيك شبيك؟

انتبه الها ايار ومسح دمعته ووكف على حيله بس مكدر يباوع بعيونها لان حس نفسه مذنب بحقها، مشى متجه للباب واردف

: ما منتضر احد

فتح الباب وجان يتفاجأ بأم صديقه واكفه وبيدها صينيه مليانه اكل وفواكه قدمتها للايار بوجه مبتسم واردفت

: هذا غداكم يالعرسان واعذرني من التقصير وليدي، اخذ من ايدي يمه

ايار فرح لمن شاف احد اهتم بي وبهل يوم وذكره، مد ايده واخذ الصينيه واردف

: شكرا خاله..

اترخص ايار وراح خله الصينيه بالمطبخ نوب رجع للباب وجان يشوف مجموعه من جماعته الي ويا بالمدرسه بيدهم طبول ويدكون عليها جايين اله ومن بينهم صديق ايار سند..

ايار زادت فرحته بشوفة سند وطار عقله، زمرد اجت للباب تشوف هل صوت منين يجي، وجان تتفاجأ بمجموعه من الشباب يدكون على الطبل ويركصون وام سند طلعت جكليت وطشت على ايار وزمرد وهلهلت الهم بكل فرحه وحب، زمرد توسعت حلقة عينها من الفرحه وابتسمت باوعت للايار وسألته

: ليش ما كتلي انك مسويه حفله؟

ايار معرف يرد عليها وارتبك لانه متفاجأ نفسها بهل حفله

وبهل الوضع الحرج اقترب سند واردف بصوت عالي وهوه يركص وفرحان

: هاا مرت اخويه شلونها مفاجأت ايار عجبتج؟

باوعله ايار مستغرب بس فهم كلامه بنفس الوقت باوعت زمرد للايار وهيه فرحانه واردفت

: كلش حلوه والله ما توقعت راح تسوي هيج..

باوع الها ايار مبتسم واردف

ايار: ولو تدللين

باوع سند للايار وغمز اله لان الخطه نجحت..

نوب ايار من فرحته وهوه يشوف سند يركص راح يمهم وبلش يركص على الواهس وهوه يضحك ومتونس ونسه الضوجه الي جان بيها..

زمرد تباوع عليها وهيه تصفگ وفرحانه

ام سند باوعت لزمرد واردفت