بنات قلبي لتنسون التصويت بين الفقرات + متابعه لحسابي فضلاً وليس أمراً ✨
#الكاتبه_اماني_المحنه✨
لاتلوموني على التأخير لان تفاعلكم ميسوي واهس.. المهم ان شاء الله راح اكمل القصه
______________________..
بعد مرور اسبوع....
دخل ابو ايهاب لغرفة ابنه وشافه لابس قاط العرس الاسود، اتأثر بهل منضر اقترب منه واردف
: ما شاء الله.. والله كبرت يا وليدي وشفتك عريس!
انملت عيونه بالدموع واردف بحزن وهوه يناضر ايهاب
: امك جانت راح تفرح بهل يوم وتملي البيت هلاهل وجكليت...
باوعله ايهاب بغصه واردف: الله يرحمها..
مسح دموعه الاب واردف بابتسامة حزن
: اجت سيارة الزفه يلا خلي نمشي حتى منتأخر على العروس
**
عبير لا بسه بدلة العرس وبيدها قرأن تقره ايات واديها ترجف وبتها تركص ويه زمرد والباقين
اجتي بنيه وكلت لزمرد زوجج يصيحج بره
طلعت زمرد وشافت ايار
ايار: اكول دام امج مريضه فروحي انتي وياها لان خاف تتخربط هناك لا سامح الله
زمرد: بس امي تبات يم عبير مترجع للصبح
ايار: اي اعرف لذلك كتلك روحي وياها
زمرد: تمام حبيبي، بس لتخلي بالي يمك
ايار: شنو شايفتني طفل ولج
ضحكت زمرد واردفت وهيه راجعه للبيت
: ليش منو كلك انت جبير
ايار: سهله لعد من ترجعين اني اعلمج يالعجوزه
وصلت الزفه وسمعت عبير هورن السيارات وهوسة الزلم يبس حلكها وطلبت من زمرد كلاص مي! زمرد تهدء بيها وتردف
: لتخافين عبير اذكري الله، وبعدين اني راح اجي وياكم ماراح اخليج وحدج
عبير: صدك! اي فدوه لتخليني وحدي ويا والله انجلط من الخوف
دخل ايهاب وشاف عبير بالفستان الابيض كاعده على الكرسي والطرحه على راسها.. اقترب منها والكل ابتعد عن عبير وبلشت الهلاهل والاناشيد التقليديه.. كعد بصفها وكله حماس حتى يشوف وجها راد يرفع الطرحه عن وجه فهمست امها بأذنه واردفت
: ميصير هسه ترفع الطرحه عن وجها اله تصير بغرفتك يوليدي.. هاي اوامر ابوها
زمرد وامها تجهزن حتى يرحن ويه عبير
لزم ايهاب ايد عبير و وقفو متحضرين للطلعه نضر الها ايهاب بلهفه وشوق
بس هيه ضلت منزله راسها ومباوعت اله من توترها
دخل سمير وكف كدامهم واردف يقصد ايهاب
: انت تعرف انو اختي طلعت من علاقه فاشله لان الرجل الي زوجناها اله جان فاشل.. ماريد ادخل بتفاصيل اكثر بس اختي راح تكون بأمانتك وان شاء الله تكون عوض الها واني واثق من هل شي
أنت تقرأ
العقاب المتناقض
Romansaللحب حكايات مختلفه ومنها حكايتنا هذه التي بنيت على عقاب متناقض، و بسبب هذا العقاب ستبقى انت دائما شيئاً مختلفاً عن الجَميع وسأحبك وكّأن الكُون كُله قد اوصَانِي عليك ♥
