تسعدني بالحكي وترجع تغيب

بارت 1

‎5:00 ص
اصوات تكبيرات العيد مع اصوات العصافير
الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد
ريحة البخور الفواحه
نور الشمس المشرقه ع الغرف

ام تركي ( منيره ) : يابنات تعالو جهزوا الفطور معي

الجوري : ماما انتظري شعري مايضبط

شهد: بلبس يويو ( يوسف )بعدها اجيك ( عمر يوسف سنتين )

ابو تركي ( فصيل ) : فين الفطور بلحق على صلاة العيد
ام تركي : صباح الخير ، تعال بس باقي ادفي الشاي
ابو تركي : فين البنات
دخلت شهد عليهم
شهد : هلا بابا صباح الخير ، عيدكم مبارك
ابو تركي : علينا وعليك
وكمل : مانتي بمعايده زوجس ساحبه عليه سنتين !
شهد بصوت غير مسموع : ياليل يعني من بداية العيد كذا
ام تركي : خليك منها الحين وانبسط اليوم اول ايام العيد
دخلت الجوري : باابااا عيدك مبارككك يا احلا بابا
شهد : ههه تبغا عيديه ابد مو واضح
ابو تركي : ياهلا بالزين ابشري العيديه
وطلع من جيبه 500 وعطاها
الجوري : حبيبي بابا الله لا يحرمنيي منكك
شهد : لا والله 500 مره وحده
ابو تركي طلع من جيبه 500  ثانيه
ابو تركي : وهذي لك
شهد : كفو الله لا يحرمني منك
ام تركي : فين يوسف ولدس
شهد : ازعجني عطيته جوالي يسكت شوي
ام تركي : تبين تعودينه على الشينه !
شهد : افف ماما هذا الحل الوحيد الي يسكته

ابو تركي قاطعهم : فين تركي ماشفته
ام تركي : راح يجيب ثــ
ماكملت الا دخل عليهم تركي
تركي : سمعت اسمي
ام تركي : ياهلا والله
تركي حب راسها امه : عيدك مبارك ياحلا ام
وراح حب راس ابوه وعايده
الجوري : متأخر كل عاده
ابو تركي : يلا يلا تاخرنا على صلاه العيد
وراحوا يلبسون عبايتهم ونقابهم وركبوا سياره وحده
راحوا الحريم مصلى الحريم وابو تركي وتركي اخذ معه يوسف مصلى الرجال

وصلوا العيد وسلموا على بعض وعايدو بعض وانبسطوا
....
بالمصلى
....
ام محمد ( حمده) :  القهوه عندي ياويل الي يتاخر
ام تركي : اي والفطور تراني مجهزه كل شي الساعه ٧ الكل عندي نبي نهرج
ام عبدالعزيز ( عبير ) العشا متى تبون اسويه
ام محمد : براحتس يا حرمه وان جان ماسويتي ازين لس ترانا بنكون شباعه
ام عبدالعزيز: لا والله انا صارلي كم سنه بخاطري عشا العيد عندي
ام محمد : اجل كثر الله خيرك
ام خالد ( سلمى): فين ام وعد ماشفتها
ام عبدالعزيز : ياعوينها تلقينها تعبت وماقدرت تجي

7:00

الساعه 7:00 ص
....
ببيت ابو تركي
تجهزوا الكل
والفطور الفروش في الارض وجميع الاصناف وانواع المشروبات والحلويات

شهد الي كانت لابسه فستان بسيط بحكم انه الكشخه تكون بعد الفطور بوقت العصر

شهد : الجوري بليززز ابيك ترتبين يوسف وتعطرينه ماني فاضيه
الجوري : بس عشان انه يويو راح اسويها
شهد : حياتي انتي يلا بسرعه
الجوري : عشانه مو عشانك !
شهد : طيب طيب
يوسف : ماما ( باحرف مكسره )
شهد : هلا ياعيون امك بس مو فاضيه لك روح لخالتك جوجو
الجوري خذت يويو وعطرته ورتبته
7:40
بدت فعاليات العيد بتواجد جميع اهل الديره امهات وبنات واطفال والجميع ببيت ام تركي
وحطوا اغاني العيد لين الساعه 12:00 داخوا والكل راح بيته ياخذ غفوه لانه العيد الحقيقي وكشخة العيد بعد العصر