تسعدني بالحكي وترجع تغيب

بارت 7

❗️ "47"

ورن جوال تركي : هلا
ام تركي : فينك
تركي : عند العيال كاشتين
ام تركي : انتبه لنفسك ولا تتاخر ترا ابوك مو بالبيت
تركي : ابشري تامرين على شي
ام تركي:  تبشر بالجنه
صكر الجوال
تركي : يلا ياعيال تامرون على شي
ياسر: ليش مستعجل اقعد
تركي : والله ابوي مو بالبيت ماحبيت اخليهم لحالهم
محمد : انتظر برجع معك
فيصل: وليش انت بعد
محمد : مواصل مانمت زين
تركي : يلا مع السلامه
وركبوا السياره

"بالسيـاره جاه اتصـال "
تركي : هلا
محمد الي عدل جلسته من شاف اسمها بالجوال
شهد : تروك متى ترجع
تركي : كاني بالطريق
شهد : توديني البقاله ؟
تركي : الحين ؟
شهد : تركييي يوسف مزعجني مايسكت بوديه اسكته
تركي : الحين بمر اخذه
شهد : فديتكككك
تركي : جهزيه
صكر الجوال
تركي : بمر يوسف بوديه للبقاله امه عجزت تسكته باخذه افرفر فيه ، تبغا اقطك قبل لا امره ؟
محمد : لا بروح معك ابغا اتعرف عليه
تركي ابتسم وكمل طريقه
ووصل عند باب بيتهم واتصل على شهد ونزلته
نزل يوسف الي كانت شهد مكشخته معطرته
تركي : ياهلا
محمد : ماشالله مزيون !
تركي بضحك : طالع على خاله !
يوسف بلغه ركيكه: تكي ابغا حلاوه
محمد باستهبال : تكي تكي انا بعد !
تركي : تستهبل انت وشكلك
محمد باستقعاد : يوسف تحب خالك تكي؟
يوسف ببرائه: احب ماما
ابتسم محمد بحب ليوسف
وكمل : اسمي محمد ! قول لي محمد
يوسف : محمد !
تركي رفع حواجبه : اح نطقها من اول مره
محمد بضحك: وانت خلك على تكي !
تركي سفهه ولف يشوف الطريق

❗️ "48"

ولف محمد على يوسف : شاطر قول محمد بعد
يوسف :محمدد
تركي : مُصر يعني اجل ماني مزوجك بنتي
محمد : انت تزوج اول
يوسف : ابي ماما
محمد الي تذكر شهد لما قالت ابي اتزوج بابا
وجلس يضحك بقوه
تركي : وش فيك
محمد : ولا شي تكي
تركي : بذبحك

"وصلوا عـند البقاله "
ومحمد اخذ يوسف ودخله البقاله ويعبي له السله
تركي : حاط له كل ذا السكريات ! بتذبحك امه
محمد : يوسف ماما قالت عادي صح ؟
يوسف هز راسه بحماس
وضحك محمد
وخلصوا وراحوا عند الكاشير
محمد مد بطاقته وشافه تركي : نعمم
محمد : انا بدفع
تركي : لاوالله ماتدفع
محمد باصرار : محد يدفع غيري
وصاروا بنقاش لين فاز محمد ودفع
وطلع من البقاله بانتصار

في البيت وصل تركي ومعه يوسف
شهد شافته وراحت بسرعه له : يوسفي اشتقت لك
الجوري : توه طالع مداك
وشافت شهد الكيس المليان اكل
شهد : ذا كله لمين
تركي : ليوسف
الجوري : ذا كله شاريه للبزر ذا  وانا لما اروح معك ماتخليني
تركي : عشان ماخليتك ذيك المره تشترين البقاله كلها مسكتيها علي ! وبعدين ذا مب انا شاريه محمد شاريه ل يوسف عشانه عرف ينطق اسمه
ولف على يوسف
يوسف بابتسامه شاقه وجهه : محــمد!
تركي : وانا ظل تناديني تكي لين اعجز
شهد مصدومه من ولدها كيف نطق اسمه صح
ولما شافت الكيس تذكرت ايام الطفوله لما كان محمد دايم يشتري لها من البقاله