❗️ "35"
قبل الكشته بساعتين
لولوه وصلت بيت ابو محمد
لولوه : فيصل دقيقتين بس
فيصل : ان تاخرت ياويلك
لولوه : طيب ساعدني وشيل الكرسي معي
ووصل الكرسي لين الباب ودخلت لولوه وعلى طول درعمت على غرفت هناي
هناي الي كانت جالسه تهوجس حالها حاله نفسها لين دخلت عليها لولوه فجعتها
هناي : بسم الله
لولوه : شايفه جني
وجلست لولوه بصمت ولا كأنهم متزاعلين قبل
هناي تكسر الصمت: اسفه
لولوه : انا الي المفروض اعتذر اني ضغطت عليك
هناي : بالعكس كنتي تحاولين
لولوه : ماعلينا الحين من الماضي وولا وحده كانت تقصد
هناي ابتسمت وضموا بعض
هناي لاحظت البوكس الكبير المغلف: ايش ذا
لولوه خذته وحطته قدام هناي
لولوه : خليك منه الحين
وراحت فتحت الشبك كله
لولوه : تشوفين الجو اليوم ؟
هناي بابتسامه تتأمل الغيوم : الله بندخل بالشتاء
لولوه : ايوه وانتي بجحرك
هناي الي تضايقت لانه شكله النقاش بيتكرر
هناي واهي تحاول تغير الموضوع : تتوقعين بيطق مطر
لولوه واهي فاهمه انها تحاول تغير الموضوع : بيطق وانتي بجحرك
هناي : شفيك علي ؟
لولوه : ابد بس انا احبك ما ابغا تضيعين عمرك هنا
وكملت : هناي اسمعي بدون ماتتكلمين انا وربي احبك وابي مصلحتك ماينفع تبغين كذا لي متى ؟ اذا كبرتي وتبغين تتذكرين ايام مراهتك وشبابك بتتذكرين اربع طوف وسقف ؟ هناي الله يخليك حاولي تغيرين نفسك حتى نفسيتك بتتغير ! اعرف انك متضايقه وتمثلين السعاده بس لين متى !
هناي الي كانت تسمع كل كلمه منها والدمعه بعينها
وكلمت لولوه : هناي هل انتي راضيه ؟ ترا وربي في ناس نفس حالتك بس مكملين حياتهم طبيعي لانهم اخذو الموضوع بايجابية وترا الي عندك وربي احسن بمليون مره من الي عند غيرك
هناي انفجرت بكاء
لولوه : هنااي شفيك
❗️ "36"
هناي بشهقه لولوه حاولت وربي حاولت
لولوه ضمت هناي : بتقدرين ! صدقيني
هناي بدموع : كيـ يف
لولوه بابتسامه تحاول تخفي دموها لانه نقطه وتقعد تبكي مع هناي: راح اساعدك واشجعك ! هناي كلنا نشجعك !
هناي : توعديني ماتتركيني ؟
لولوه : اكيد انتي روحي وحياتي كيف اتتركك
ابتسمت هناي وضموا بعض
لولوه : افتحي الي قدامك
هناي باستغراب بدت تفتح الغلاف : وش ذا
لولوه : كرسي ذكي !
هناي : ذا !!
لولوه : له مزايه كثيرههه واولها يمشي على الرمل يعني بتروحين الكشته معانا بدون عذر
هناي ابتسمت ودمعت
لولوه : لاا بس اذا بكيتي الحين ببكي معك
هناي : لولوه ماعرف كيف اشكرك
لولوه : اهم شي سعادتك
هناي: ساعديني اجلس فيه
ولولوه ساعدت هناي
هناي :الله ! بس بزر يمشي
لولوه : ماشفتي شي ، شرااايك تجربينه بالحوش اوسع !
هناي بحماس : مشيناا
واهم بالحوش يجربون الكرسي مبسوطين
برا
عند فيصل الي صار له ساعه يتصل على لولوه بس ماترد
فيصل : هذا كله ساعتين ؟ اوريك
ونزل من السياره بيطق الباب يسال عن لولوه
بالحوش
لولوه : هناي اخيرا شفت ابتسامه لك من قلب !
هناي وهي تضحك : شدعوه دايم اضحك
لولوه : انتعاش ضحكتك بعد بكيك
هناي ضحكت اكثر : لولووه ! لاتمسكينها علي
لولوه بضحكه : لا ابدد
وكان ذا كله تحت مسمع فيصل الي تنح على صوت هناي الناعم
وتحرك بيطق الباب ينادي لولوه وكان الباب مفتوح وشاف وحده جالسه على كرسي مبتسمه وكان شعرها اسود طويل وملامحها فاتنه وعرف على طول انها طول انها هناي لانها كانت جالسه على الكرسي ووقف فيصل كان بيتامل بس غض البصر ورجع السياره
عند لولوه
لولوه : يوهه نسيت فيصل
هناي : لا اجلسيي خليك
لولوه : عشان يذبحني
وكملت بروح الحين وبشوفك بالكشته تفهمين ! مو تسحبين ازعل عليك
هناي : لا ابد اول وحده انا
❗️ "37"
—- الكشـتـه —-
فرشوا الارض وحاطوا القهوه والحلويات
وكانوا مقسمين الرجال والصوب الثاني الحريم وبينهم السيارات كاحاجز
وكان الكل متواجد وكان الكل منبسط على وجود هناي اخيرا
سلمى ام خالد : اقول مين محلي الجلسه كذا طلعتي انتي
هناي بخجله : كلكم محلينها
عبير آم عبدالعزيز: لا والله ماحلت الا بوجودك
وضحكوا كلهم متفقين انه هناي محليه الجلسه بجيتها اخيرا تطمنوا عليها
وعد : احلا كشته من الحين اقولكم
اصايل : اكيد هناي موجوده بتصك على كل الكشتات الي راحت
الجوري : ايي
هناي : بنات خلااص استحيتت
شهد : حبيبتي اول مره اشوف يوسف يرتاح لوحده توها يشوفها !
هناي : حتى انا ارتحت له
شهد : يويو تعال انا ماما مو هي !
يوسف بكلام مكسر: هن هن
الجوري : هن هن ذي هناي والله تبرا من امه
شهد : اوريك اجل ماتبغاني
هناي اهي ضامه يوسف واهو مايبغا يتركها : خلاص خلاص من اليوم ورايح هو لي
يوسف : هن هن
وجلسوا كلهم يضحكون
أنت تقرأ
تسعدني بالحكي وترجع تغيب
Actionتسعدني بالحكي وترجع تغيب كأنك تجازيني بثمن فرحتي ! موعد التنزيل انستا ma.098o
