تسعدني بالحكي وترجع تغيب

بارت 2

❗️ "10

بين الحريم كلهم جالسين مبسوطين
ام هزاع :  شهد فين زوجس علامه ليكون انفصلتوا
ام تركي الي تنرفزت من تحارش ام هزاع : عــ
شهد قاطعت امها : اي صح بما اننا كلنا متجمعين اليوم حبيت اقولكم خبر حلو
استغربت ام تركي وباقي الحريم كان ذابحهم الفضول
ام هزاع: وش
شهد والابتسامه شاقه وجهها: اليوم بتتم جميع اجراءات الخلع

ام تركي انفجعت
ام محمد : خلع وش
شهد : بخلغ شعيب اخيرا !!
ام عبدالعزيز : اي والله زين سويتي
ام وعد : مو انفصال وخلع بعد كفو
—
شهد الي شافت امها مصدومه
شهد بهمس لامها : ماما شفيك ليكون ماتبيني اخلعه بعد !
ام تركي : الي تقولينه صدق !! كيفف
شهد : وانا ادرس بالرياض اخذت محامي وسويت كل الإجراءات، شرايك فيني بس
ام تركي : والله خير سويتي ، بس ابوكـ....
شهد : بينبسط ماعليك
ابتسمت ام تركي
.
فجاة دخلت سميره جارت ام محمد وفز الكل محد يطيقهااا
شهد بتصريفه: يلا بروح للبنات
ام تركي : خلي يوسف عندي

❗️ "11"
—————
عند البنات

شهد : قلت لهم اخيرا
ليان : اخيرا الفكه
شهد : بصير"  مطلقه " يويلي
ريما : اهم شي تفتكين من المتعاطي ذا
ليان : الا صدق ماقلتي كيف صار كل ذا وكيف اتخذتي الاجراءات
شهد : بقولوكم كل شييي اصبروا على رزقكم ، بنتظر هنوي (هناي )

_____
"قبل  ( اربع سنين )
شعيب : اسمع ياابو تركي انا ماني جايك مني والطريق ابي بنتك عشان استر عليها
ابو تركي : بنتي ماسوت الشين عشان تستر عليها
شعيب : لما تنفضح ذاك الحين قول كذا
ابو تركي : شهد لمحمد واهم يعرفون
شعيب : بس مهوب عذر اشوفهم مع بعض ، قله حيه مايندري وش كانوا يسوون
ابو تركي : احترم نفسك بنتي واعرفها ماتسوي الحرام
شعيب : بلغتكم وكيفك يا تزوجني بنتك يا يسود وجهك

" " كانوا محمد وشهد حب الطفوله ""
وكل من شافهم قال انهم لبعض
بس بعد ماتغطت شهد عن محمد ماصاروا يتواصلون الا بسلام واشياء ماتتعدى الشرع
____

❗️ "12"

بيوم ..
محمد شاف شهد طالعه من بيتهم
محمد : السلام عليكم كيفك
شهد بصوت بالكاد ينسمع : الحمدلله
محمد : دوم ، فين رايحه
شهد : بيتنا
محمد : بذا الليل بروحتس ! تعالي بوصلس
شهد : محمد اخاف
محمد : وليش شمسوين؟ يعني عيب تركبين معي وعادي تروحين بروحس ، يلا الحقيني

وصار محمد يمشي بطيء وشهد تلحقه ببعد مسافه
بعد دقايق
شهد : يمهههه
محمد انفجع ولف لها بسرعه : شفيس
شهد : في شي لمسني
محمد ولف يشوف الارض يدور
شهد تبكي : مااقدر امشي
محمد : وريني رجلس
وورته
محمد : ذا قرصة شي مهب هين !
وشال شماغه وربطه على رجلها وشهد تبكي

فجأة صوت من الخلف : وش تسوون يااولاد ال*** !

"13"❗️

الساعه 12:00 سواد الليل