روايــةة : أُغرمت برواياتى، بـقلمـ : أُم عــمࢪ ~

البارت السابع💙

♪⭐روايــةة : أُغـرمـہت بـہروآياتى 🖤🔐

♪⭐ بـہقلمـ : أُم  عــمࢪ 

~ 7 ~

🟣🟣🟣🟣🟣🟣🟣🟣🟣🟣

مرة الاسبوع وجا يوووم الجمعة،
صحيت م̷ـــِْن الصبااااح بنشاط فل،
  كبيت المعجون فالفرشة طقق  اتذكرت انو جدادتنا بيضت قبل كم اسبوع، بقيت بتسوك وانا ماشة بناحية الجداد،      لقيت 3 سيوسوات يجننو 😂🥺♥️♥️🐣🐣  وامهم قاعدة بعيدة منهم،  اهاا جريت للمطبخ وشلت م̷ـــِْن العيش اليابس  وجيت عشان اديهم للجدادات،  لقيت واحدة م̷ـــِْن السيوسوات  ماف ، التفت يمين وشمال وم لقيتو،  مشيت لقدام لقيتو بهنااااك وصل لباب الحوش وطلع منو بالفتحة البتكون تحت الباب. ، اهاا جريييت لباب الحوش فتحتو وبقيت بفتش فالسيوسيو لقيتو متخبي ورا الشجرة الجنب بيتنا،  قبضتو وبقيت بضحك. ، عاينت لبيت ناس عدن،  لقيت عمي فتحي (ابو عدن) *وكراشي*
واقفين قدام شاحنة فيها اربعة خرفان وشاحنة تانية فيها حجات الصيوان ، كنت عايزة اسلم على عمي فتحي بس اتذكرت منظري التفت عشان اجريي للبيت الا احس ليك بقرصة فى اصبع رجلي، صرخت والتفت وراي عشان اشوف القرصنى شنو لقيتها دي الجدادة نقرتنى 😂😭
قلت ليها:  ولدك دا ما خاطفاهو ليك،، التفت ع جهة ناس عمى فتحى. عشان اشوفهم لو سمعو صراخى ولٱ لا ، لقيت عمي فتحي بيتكلم مع سيد الشاحنة (الحمدلله م ركز🐸🤝 )

اما *كراشي*  فلقيتو بيعاين فينى ولما  انا شفتو عمل فيها روحو بيعاين بالجهة التانية ،  _________

خشيت للبيت وانا ميتة م̷ـــِْن الخجل. القاها م̷ـــِْن شعري المنكوش ولٱ الفرشة الفي خشمي ولا بجامتى المكرفسة،  غايتو الحمدلله 🐸🤝

__________________

لعند الضهر كدة امى ومآب جهزو ومشو،  اما انا فقلت ليهم  ضحي  حتجينى وحنمشي سوا،،،

__________

اهاا ساعة كدة وضحي جات وهى قااشرة،  لابسة ليها فستان باللون السماوي وطرحة بيضا فيه زخاريف بالورود على نفس لون الفستان💙 اما انا فلبست فستان لونو بنى خفيف وفيه نقشات باللون الابيض وحزامو لونو بنى محروق،  كان جابو لي اخوي م̷ـــِْن الخرطوم🤎🤎🤍🤍 ،

اهااا لبستو وعملت قلوس ولبست طرحة بيضا ،

بعدها اتعطرنا زييين وياا الحفلة جاكى زول 😎😎
__________

طلعنا م̷ـــِْن البيت وبقينا ماشين فالشارع كانو يا دنيا مافيك الا نحنا🐸🤝 وضحي دي اظنها افتكرت نفسها عارضة ازياء 😂🌚🤝
عموما لما خلاااص حصلنا بيت ناس عدن واصوات الزغاريت والدلوكة بدت تعلي 😍😍 واحد م̷ـــِْن الرجال نادانا وقال:ااا بنات تعالو غسلو الصوانى دي ووصلوها للنسوان

لاااا 😭💔 عكك الله اااى حاجة اااى حاجة الا غسيل الصوانى استعديت عشان اجري لقيت ضحي ماسكانى م̷ـــِْن يدي وفى دمعة فى طرف عينها: مافي مفر اصلا انا م̷ـــِْن البداية حسيت انو غسيل الصوانى حتكون علينا زي كل مرة

اهاا استسلمنا ومشينا بورا حوش ناس عدن وبقينا نغسل فى الصوانى،  ومع ريحة الكمونية  انا بطنى خلااااص  طمت 💔💔 يا ريت لْـۆ مشيت مع امى قبيل 🥲💔

بيجاي مندعكين فالغسيل وبهناك  البنات بيغنن والنساوين. بيزغردن 🙂💔

__________________

بعد نص ساعة خلصنا والوقت داك العروس والعريس طلعو للشارع والنساواين بوراهم بيدقو دلوكة وناس الحلة كلهم حوالينهم وبيزغرتو.

  اهاا انا وضحي انسحبنا للبيت استحمينا وغيرنا واى واحدة بتشتم جواها 👩‍🦯💔
بعد ما غيرنا طلعنا للشارع وبقينا نصفق ونرقص ونزغرت،
شوية كدة دخلنا جوا الصيوان  والعريس والعروس قعدو فى الكوشة

شغلو المنظومة وجابو اغنية {كملت بيك انا نص دينى💜°•°•°•°•^•°•°•°•°•°•^ گمـلت بيگ آنآ نصـ دينى 💜شـآن فى حيآتى نآ تسـعدينى💜 بآلخير دوآمـ حتگمـلينى 💜مـن سـگتگ مـآ تبعدينى💜فآلدنيآ جد مـآ تخزلينى💜 تگونى جد سـندى ودوآى💜 بتنفسـگ آنآ زي هہوآي💜مـسـتشـعرگ جوآى وحسـي💜وتگونى جد فرحة ســنيني💜گمـلت بيگ آنآ نصـ ديني💜°•°•°•°•^°•°•°•^}

انا بقيت بسمع فالاغنية ومبتسمة ، حسيت بحد بيراقب فينى،،  التفت وراي و لقيت .... !!!!!

يتبع..
__________________

ألا ليت النصيب يصيبه فيصيبنى،  فتصيبنا عدوي النصيب فنلتقي 🖤🥀