رواية عشقت مجنونة الجزء الثالث للكاتبة آية يونس الفصل الثالث
قال لها عيناكي جميله، قالت ربما لأنها لا تري غيرك
خرجت رحمه من الحمام بعدما ارتدت ملابسها
لتردف بحب: انا خلاص جهزت يا احمد، سلام عشان اروح الشغل...
احمد بإستغراب وهو ينظر لها بغضب: نعم! تروحي فين يا روح امك!
رحمة بخضة: مالك يا احمد، هروح الشغل ما انا اللي كنت بتشتغل في الشركه وبديرها في غيابك...
نظر لها احمد بصدمه كبيرة وغضب كبير، ثواني وحاول القيام من مكانه بغضب شديد ليصفعها ولكن دون جدوي لأن جسده كله مجبس...
اتجهت رحمه إليه بخوف شديد عليه لتسنده بضعف وخوف عليه، ولكن عندما اقتربت منه في أقل من ثانيه أمسك احمد شعرها بيده السليمه بغضب شديد وجذبها إليه...
احمد بغضب وهو يشد شعرها لتصرخ رحمه بألم وخوف منه فلم يتصرف معها هكذا منذ أن أعترفا لبعضهما بحبهما...
احمد بغضب وهو يجذب شعرها: سمعييينييي كدااا عملتي إيييه في غيااابي!
رحمه بتألم وخوف: و، والله العظيم ما عملت حاجه غلط يا احمد، والله الشركه كانت هتنهار والصفقات هتروح منها لولا اني اتصرفت ولحقتها...
احمد بغضب شديد وصوت عالي: ما تنهااار ما تروووح في ستين الف داااهيه تنزلي تشتتتغلييي لييية يا رحممممة لييية.
رحمه وهي تبتعد عنه بغضب وألم: انت إيييه يا احمد حرااام عليييك هتفضل كدا لحد امتيي، دا بدل ما تشكرني اني لحقت الشركه وهي كانت خلاص في وضع الإفلاس وانت في غيبوبة، دا بدل ما تشكرني إني لحقتها تعمل كدااا فيااا، لحد امتي هتفضل قاسي ومعندكش قلب لحد امتييي...
احمد بغضب شديد: لو مسميه غيرتي وخوفي عليكي من نظرات الموظفين والناس قسوة وإني معنديش قلب فأيوة يا رحمه انا هفضل قاسي ومعندش قلب طول حياتي، وأقسم بالله انا لو كنت بتحرك أو واقف على رجلي حتى كنتي انتي هتبقي متجبسه دلوقتي من اللي هعمله فيكي...
رحمه ببكاء وغضب: نظرات الموظفين أو غيرهم انا عارفه اتصرف كويس معاهم وكنت بصد أي حد مفكرني اني هتكلم معاه نص كلمه حتي، لكن من الواضح أن حضرتك معندكش ثقه فيا يا احمد باشا لدرجه توصلك انك عادي ممكن تضربني وتقتلني حتى عشان نزلت اشتغل مكانك...
احمد بغضب: متغيريش الموضوع يا رحمه. انتي عارفه كويس اني بثق فيكي وفي فرق كبير بين الثقه والخوف، انا خايف عليكي حتى من نفسي يا رحمه فما بالك بقي وانتي بتقوليلي نازله اشتغل، نظر إليها بغضب ليتابع بإستغراب وغضب، وبعدين ليه مكلمتيش فارس اخويا أو اسلام ابن عمي هم اللي يلحقو الشركه، ليييه انتييي تنزلي الشغل يا رحمه...
رحمه بغضب ودموع جعلت عيونها حمراء للغاية. : انا معرفش غيريك في حياتي يا احمد، انت وإياد كل دنيتي وحياتي انا معرفش غيريكم، وبعدين انت معرفتنيش على اهلك قبل كدا ولا اعرف مين اسلام أو فارس دول هكلم ازاي ناس معرفهاش!
أنت تقرأ
رواية عشقت مجنونة الجزء الثالث
Ficción Generalرواية عشقت مجنونة الجزء الثالث للكاتبة آية يونس كاملة عندما يصبح جنوني جزءاً من حياتك عندها فقط يجب أن يخضع غروروك وعنادك... ماذا سيحدث عندما يصبح التحدي والجنون غريزة بين العاشق وحبيبته !
