بيت اول مره نزورا "بيت ام سعود" العمه"
تحديداً الرياض"
ام سعود تجهز الاغراض وتحطهم في السيارة وسعود يلبس ملابسه و سيلين ترتب مكياجها سهام قاعده على تلفون
ام سعود: يلا ياعيالي بنمشي
سعود: يلا يمه بروح السياره وانتم طفو كل شي كهربا واطلعو
سيلين: ماما من بيجي الديره
ام سعود: بيجون كلهم بس انا اوريكم انا اخر وحده تعرف انكم تجون مااخليكم مبسوطين
سهام بوقحه: مامي بيجي مشعل
ام سعود: اي بيجون كل عيال عمك
سهام: الله الحين بشوف مشعل
سيلين بين نفسه: بشوف ناصر اكيد مشتاق لي
طلعو البنات السياره و انطلقو لديره
»»»»»»»»
وصل ابو ناصر وابو خالد بنفس الوقت
نزلو من السيارات
وسلمو على بعض
ابو ناصر: السلام عليكم كيفكم من زمان عنكم والله
ابو خالد: وعليكم السلام ورحمة اي والله
ام خالد وام ناصر سلمو على بعض والبنات سلمو على بعض
دخلو داخل البيت
الجد: يا مرحبا نور المكان تفضلو تفضلو
ابو ناصر وابو خالد: السلام عليكم
الكل: وعليكم السلام
عبدالله: والله نورتو المكان صار البيت في روح وطاقه
الكل سلام عالبعض وجلسو بالمجلس وسوالف تشرح الصدر
عند البنات
ساره: بنات مره اشتقت لكم
جواهر: وانا بعد اشتقت للبيت
خلود: متى بيجون عمه وعيالها
جواهر تدقها: اممنن عشان عمتي ولا سعود
خلود بعصبيه: تخسين احب ابنها روحي زين
جواهر: زين زين هدي ماقلنا شي ههه
جت عهد: بنات احس البيت ملل
ساره: امداك تطفشين تونا جينا
عهد: لا بس مو زي قبل كنا نسوي فعاليات الحين احس محد طايق الثاني ونفسيه
ساره: صدزه انتي ملل
ساره جتها الضحكه تذكرت بنت عمته سهام بتحي وعهد بتتهاوش معها بتصير احلى فعاليات
عهد: شفيك ساره اشوف تضحكين بصمت ضحكينا معك
ساره وقفت ضحك: ها ولا شي هههههه
جواهر فهمت: هههههه ساره
ساره قامت تضحك بصوت عالي
خلود وعهد مستغربين
خلود مستغربه: شفيك انتي و ويها في شي
جواهر مو قادره توقف ضحك وساره متت ضحك
جواهر برجفه ضحك: هه كنا نضحك عليك يا عهد
عهد عصبت لان ماتحب حد يضحك عليها: وليش ان شاءلله تضحكين علي
ساره: انتي تقولين تبين فعاليات صح
عهد: اي؟
ساره: وانا تذكرت سهام بنت عمتي بتجي وبتصير احلى فعاليات انتي و هي هههههه
عهد: لا والله هذا الي تضحكون علي ماشي والله لا اخليكم تضحكون من قلب
خلود بضحك: لا لا مو قادره دايماً اكشن كل عطله
سهام و عهد 😭😭
عهد: اشوفها مره ثانيه تتدلع عند عيال عمي والله لا امزر شوشتها
ساره: كفو بنت العم
جواهر: لا عهد مانبي مشاكل ابي مره بس نجي الديره بدون ازعاج ومشاكل
خلود: صدزه جواهر عهد ترى اقول لمي عليك بس كافي
عهد تهاوش البنات وتسب وتلعن سهام ودلعها
ومشعل كان مار وسمع عهد و ابتسم وقال: قريباً بتصيري حلالي واكسر عنادك..
ومشى مشعل لمجلس الحريم
مشعل دخل: سلام عليكم
الكل: وعليكم السلام
الجده: يامرحبا بحفيدي تعال تعال جنبي
مشعل: هلا فيك جده لف لام خالد وسلم عليها
ام خالد: هلا مشعل شلونك وشلون دوامك معك
مشعل: حمدالله كل شي تمام
راح قعد جنب الجده و طق سوالف مع جدته
»
وصلو ابو تركي وام سعود
تقابلو عند الباب
ابو تركي: هلا ب اخيتي اخبارك
ام سعود: هلا بعضيدي الحمدلله تمام بخير
سلمو على بعض ودخلو داخل
ابو تركي: السلام عليكم
فزو يسلمون على اخوهم
وام سعود سلمت ودخلت داخل هي وبناتها
ام سعود: سلام عليكم يمه
الكل: وعليكم السلام
الجده: يامرحبا ببنتي تفضلي
مشعل قام وسلم على عمته وطلع ولحقتا سهام
سهام بصوت انوثه: مشعل
مشعل منصدم من سهام وجراته
مشعل: هلا من
سهام: شفيك لف علي انا سهام بنت عمتك
مشعل: اسف ماعرفتك
سهام: ماعلي مع الايام بتعرفني اخبارك مشعل
مشعل: تمام اعتذر منك بس بمشي
راح مشعل وسهام الابتسامه شاقه وجهه
راحت للبنات
دخلت
سهام: هاي صبايا
عهد تنرفزت: الواحد يقول السلام عليكم وشو هاي
سهام بدلع: شفيك عهد كليتيني بس قلت هاي عادي ترى
جواهر تقلب عيونها على عهد عشان تسكت
جواهر: اهلين اهلين سهام اخبارك تعالي ليش واقفا اقعدي
سهام جت جنب عهد
عهد قامت وراحت بعيد
سهام: شفيك عهد مريضه قمتي عشان ماتعديني والله انك احلى بنت خال
عهد عصبت: هيي تراني مافيني شي شوفي ترى الي فيني مكفيني
سهام: وي شفيك
خلود: بس عهد وانتي سهام اول شي عهد مافيها شي وثانياً رجاً لا تتدخلين. بعهد مانبي مشاكل
سهام انقهرت
جواهر: الا بسالك سهام وين سيلين جت ولا بالرياض
سهام: الا موجوده بس عند الحريم
جواهر: امشو نروح نسلم على عمتي
قامو البنات الا عهد
»»»»»»
عند العيال
ناصر"منصور "مشعل" سعود"خالد"عبدالله
ناصر: شلونكم عيال عمي
خالد: والله بخير
سعود: حمدالله
عبدالله عيال شرايكم نلعب بلوت اكسر راسكم
العيال كلهم وافقو الا منصور
ناصر: خلاص انا ومشعل و عبدالله وخالد وبعدها سعود الدور الثاني
سعود: تمام
بدو يلعبون ومشعل يفوز عليهم كل مره
عند الشياب
الجد: اسمعو بكرا بأذن الله راح اسوي عزيمه كبيره وبعزم الديره
ابو تركي: ليه يبه
الجد: عشان رجعتكم لديره
ابو ناصر: يبه ماكان له داعي
الجد بمزح: الا له داعي بعدين مو لكم حق احفادي بس
الكل يضحك على مزح الجد
ابو خالد: هههه الله يسعدك يا الغالي
عبدعزيز: اجل من الحين نبلش التجهيز العزيمه
الجد: اي علم الحريم يبلشون من الحين
راح عبدعزيز يعلم الحريم
»»»»»»
اشوفكن با بارت الجاي💗💗
