في الجلسه عند البنات وابو تركي
الجو هدوء صار الليل وصار برد الجو وصارت الجلسه احلى بكثير مع هالبرد والنار شبينها وكانت جواهر صوتها حلو با الاغاني
عهد:بالله يا جواهر غني لنا صوتتس يجنن
ساره:اي ماشاء الله تبارك الله صوتتس حلو غني لنا اغاني راشد الماجد
ابو تركي استغرب اول مره يعرف جواهر تغني:جواهر! اول مره اعرفتس تغنين صوتتس حلو؟ يلا غني لنا
جواهر انحرجت لان تحسب صوتها مو ذاك الزود :لا لا ماحب اغني مين قاله!
خلود:الا الا كنتي تغنين لنا عادي لا تستحين هذا عمنا
ابو تركي ضحك:الحين انتي تستحين مني
جواهر:اممم طيب خلاص بغني وش تبون
عهد وساره بوقت واحد :راشد الماجد، خالد عبدالرحمن
ناظرو ببعض وقالت عهد:لاا والله انا قلت اول، جواهر غني خالد عبدالرحمن
ساره :انا قلت اول ياكذابه انا ابغى راشد الماجد
الكل يضحك عليهم
عهد:هيي انا اكبر منتس احتراميني وخلي جواهر تغني خلودي
ساره :لا والله مو بكيفتس انا ابي رشودي
ابو تركي يمثل العصبيه :هيي انتي وياها وشو خلودي و رشودي ماتستحن
ساره قمطت:لا عادي عمي دلع دلع هذا
وسكتت
عهد:خلودي افضل مغني
ساره وعهد ردو يتهوشون:لا والله رشود افضل منه انتي ماعندتس ذوق انتي وين عايشه
جواهر:باسسسس انتي وياها جعلتس مافيتس صوت انتي وهي وانا استغفر الله مارح اغني ويلا انطمو
ابو تركي وخلود يضحكون على هواشهم
في المستشفى في غرفة سعود
دخلت عليهم الممرضه وقالت :السلام عليكم خلص وقت زيارتكم
الجد:وعليكم السلام تمام حنا طالعين اصلاً
ابو ناصر :يلا معسلامه يا ولدي يا سعود وانتبه لنفسك أن شاء الله يوم يومين وتطلع
سعود هز راسه وهو ضايق علشان بيروحون
الجد جاء وباس راسه وقال:بحفظ الرحمن يا ولدي
طلعو الكل، اتجهو يجيبون عشاء حق البنات وصلو البيت
نزلو ودخلو
البنات تغطو انا شافو جو
الجد:ماشاء الله سلام عليكم وش ذي الجلسه الي تشرح الصدر
البنات والعم حمد:وعليكم السلام ورحمة الله
ابو تركي:حياكم
الجد والجده تقدمو للجلسه
العيال جو
عبدالله جاء وقال:الله وش هالجلسه الكيوت
ناصر ضحك وضرب ضهر عبدالله :ههههههه الله يأخذ نفسك وانا استغر الله وش الذبه هاذييي ههههه
الجد عصب :وجع أن شاء الله انت وهو جعلك مالك حس
العيال خافو وسكتو
ام تركي:ها اشوفك يا حمد قاعد مع البنات
ابو تركي :والله فجأه طبو علي فالمجلس قالو لي يبون يسوون جلسه ويبوني معهم وانا مارديتهم وجلسة والله يا انها جلسه توسع الصدر، يا بنات كل يوم سوو كذا بس حنا
عهد:ابشر بعزك بس انت تجلس معنا واحلى جلسه لعيونك
ابو تركي :تبشرين بالجنه كفو هاذي بنت اخوي
ابو خالد:وحنا مالنا رب
الكل ضحك على ابو خالد
عهد:يبه عمي حمد فلاوي اما انت تقعد على الجوال وما تعطينا وجه
ابو خالد جاب نعاله و رما على عهد وضحكو الكل
عهد تضحك وجت تحط النعال تحت رجول ابو خالد وقالت:تمون يا ابو خالد
مشعل الي كان جنب عمه ابو خالد ويضحك معهم بس كان بقلبه نيران تشتعل بقلبه ليه عهد تتكلم بصوت عالي قدام العيال
ابو خالد ضحك وحضن عهد
الكل جلس بر في الجلسه الي مسوينها البنات
ودخلوا البنات والأمهات داخل البيت
ساره الي بتموت قهر:ليه ليه جو خربو الجلسه وقعدو العيال فيها يقهرون!!
عهد:المهم ان استنانسه مع الجو الرهيب
جواهر:صدق والله عمي حلو سوالفه
سيلين جت :سلام بنات اشوفكم مسوين جلسه بدوني
خلود:والله انتي الي رحتي معهم والله يا انها فاتتتس الجلسه نار و فصفص وحلى و شاي وقهوه وكل شي
سيلين انقهرت:افف طب ليه ماسويتوها بوقت ثاني صدق انكم خاينين
سهام جت :سلام صبايا
بنات :عليكم السلام
عهد بين نفسها:(يع هاذي متى تتغير تتمايع وتقلد كلامها:سلام صبايا 😂)
سهام:جلستكم حلوه مره كان قلتو لنا نجلس معكم او اجلتهوها كان سهرنا معكم
عهد:والله مااجلها عشانتس حنا حبينا نجلس مع عمي
سهام سفهتها وراحت تجلس على جوال
في بيت اول مره نزوه *بيت ابو مسفر *
ابو مسفر جالس على تلفزيون وتذكر ان احمد ولد تركي بيخطب لبنته وناد بنته
ابو مسفر :يا مريم تعالي وانا ابوتس
مريم جت من المطبخ ويدها فيها عجين
مريم :هلا يبه شبغيت
ابو مسفر :روحي اغسلي يدتس وتعالي بتكلم معتس
مريم :تامر يبه
راحت تغسل يدها وجت ركض
مريم جلست:هلا يبه تامر شي
ابو مسفر :يا بنتي انتي تدرين اني ادري بمصلحتس صح؟
مريم :اي؟
ابو مسفر :في حد خطبس من جمعتنا
مريم توسعت عيونها
ابو مسفر :يابنتي مارح اقول الجماعه شي الا بموافقتس
ابي منتس موافقه أو لا توافقين
مريم الي استحت وقالت: الشور شورك يبه
ابو مسفر ابتسم :يعني افهم منتس انتس موافقه
مريم :اي يبه
ابو مسفر فرح:على بركة الله
مريم استحت وجت ام مسفر قالت:على خير ان شاء الله شفيكم الابتسامة شاقه وجهك ابو مسفر
ابو مسفر غمز لها
ام مسفر فهمت:اي وان شاء الله وافقت
ابو مسفر :اي الحمد لله
ام مسفر فرحت و زرغطتت
ابو مسفر :بقول لتس يا مريم عن الرجال اول شي هو مطوع ويخاف ربه مو عبالتس ان متشدد با دين لا هو حيل حنون وطيب
مريم :تمام يا يبه وقامت تركض
ابو مسفر وأم مسفر ضحكو
مسفر:سلام عليكم
الكل:وعليكم السلام
مسفر:شفيها مريم ليه تركض فيها شي؟
ام مسفر: لا مافيها شي بس استحت لان جاين لها خطاب
مسفر انصدم :اح صدق ليه ماقلتو لي من الي خاطبها؟
ابو مسفر :احمد ولد تركي
مسفر فرح:احمد والله حياهم الله ولله احمد كفو وينشد في الضهر
ابو مسفر:اي والله وعائلتهم معروفه بالديره
*تعريف بسييط*عائلة ابو مسفر *
ابو مسفر "زيد" :شخص حنون جداً ومايعصب على عياله وكريم وصديق ابو خالد
ام مسفر"هيام" :شخصيه عصبيه شوي ومحافظه على بيتها وعيالها جداً اذا حد غلط على عيالها ترد له بعشر وحنونه
مسفر:شخص مؤدب وياحفظ على صلاته ويخاف على اخته عزابي المهنه موظف بنك العمر 30
مريم:شخصيه محترمه جداً جميله وتدخل القلب بسرعه بس انها تاخذ حقها اذا حد غلط عليها وقويه العمر28
في الغرفه الجد والجده
الجده جالسه تخيط وترتب
والجد يقرأ قرآن
فجأه يدق ابو مسفر على ابو خالد
ابو خالد بأس القران وحطه على جنب و رد على ابو مسفر
ابو مسفر :سلام عليكم يا تركي
ابو خالد:وعليكم السلام ورحمة الله وبركاته هلا بزيد اخبارك
ابو مسفر: الحمدلله بخير انت اخبارك
ابو خالد :ولله الحمدلله تمام شلون الاهل
ابو مسفر :تمام بخير
ابو خالد :الحمد لله
ابو مسفر:حبيت ارد لك خبر عن خطبت احمد لبنتي مريم
ابو خالد :عسى خير ان شاء الله
ابو مسفر:بنتي وافقت وإن شاء الله متى مابغيتو تعالو واخطبو
ابو خالد فرح:صدق عل بركه والله يتمم لهم على خير
ابو مسفر:امين يارب العالمين يلا مابطول عليك ورد لي خبر
ابو خالد:تمام معسلامه
سكر ابو خالد وهو الفرحه مو شايلتو
°°°°°°°°°°°°°°°°°°°
°°°°°°°°°°°°°°°°°°°
أن شاء الله عجبكم هذا البارت 💗💗😇
