عند البنات قاعدين مجلس لحالهم
سيلين: بنات خلينا نتعرف على بعض اكثر
جواهر:اي عشان تكون بينا صادقاء
نوف:والله نتشرف نتعرف عليكم اكثر
ساره:نوف انتي صف كم
نوف:ههه لا انا جامعه
ساره:اسف بس عبالي تدرسين مدرسه
نوف:لا عادي
عهد:بنات في ازعاج صح تسمعون
خلود:اي في بس من؟
عهد: انا بطلع اشوف
سهام:وانا بعد بجي معك اشوف
عهد:لا انتي ارتاحي بشوف واجي
سهام:شفيك بعدين انا طلعه اجيب شي مره وحده اشوف من
عهد الي راحت تشوف من. وسهام لحقتها
عند الشباب متحمسين مع العب
عبدالله :يلا يلا ناصر العبب
ناصر:ابشر بي
ركض ركض واحد من الديره وصدم مشعل بقوه
مشعل هنا عصب
مشعل بعصبيه:عفواً انت ماتشوف ارض الله واسعه مالقيت الا تجي هنا
واحد من الديره:اسف ماشفتك
مشعل:طول و بعرض وماشفتني
العيال تجمعو يشوفون شسالفه
ناصر:شصاير؟ مشعل شفيك
الي صدم مشعل:انا اسف ماشفت وامسحها بوجهي
عبدالله :خلاص يا شباب ماصار الا الخير يلا نكمل
مشعل :مابي انا بروح المجلس
راح مشعل ومعصب من الي الولد
عند عهد الي تناظر و منصدمه من عصبيت مشعل الي تخوف
سهام جنب عهد :الله يجنن مشعل وهو معصب
عهد تناظرها بطرف عين و تمشي من عندها
سهام:شفيها هذي شكلها غيرنا مني
سهام راحت المجلس
عند البنات دخلت عهد
جواهر:ها وشو الصوت
عهد: العيال يلعبون كوره وتهاوشو
سيلين:بسم الله من الي تهاوش
عهد كانت بتقول الا سهام تنطق
سهام: تهاوش مشعل مع واحد من الشباب الديره الله يقطعه الي صدم مشعل عور حبيبي مشعل
الكل منصدم من جرات سهام وقحتها
عهد تنزفزت وكانت تبي تصفقها بس مسكت نفسها عشان في بنات
سيلين:اها عادي تصير هوشات العيال يمزحون
جواهر منصدمه :اي اي تصير مو مشكله
خلود: ها بنات شرايكم نروح عند الحريم
البنات:تمام، ماشي، اوكي
عند مشعل دخل المجلس
وقعد بازوايا شافه ابو ناصر جاء عندا
ابو ناصر:شفيك مشعل ليه ضايق
مشعل:مافيني شي بس جاني النوم وتعبان
ابو ناصر:سلامتك بس يروحون المعازيم نام
مشعل هز راسه بدون يتكلم
ابو ناصر قام من مشعل و راح يكمل سوالف
راحو المعازيم
عند الحريم
وبدأت السهره و الحش
ساره جابت الفصفص والشاي
جواهر:جت بوقتها فصفص وشاي وحش
ام خالد:استغفري ربك مايجوز الحش بالناس
جواهر:استغفر الله يمه بس نسوالف
ام ناصر: هههه يا حبكم للحش
ساره: بنات ماشفت ام صيته شلون لبسه
عهد:هههههه لبسه شجار وجايه العزيمه ههههههه
سيلين:هههههههه ماشفت بعد بنتها شلون لبسها ملابسه من سوق الحراج لبسه نمري هههه
جواهر :بموتت الام وبنتها هههههه
الجده تضحك معهم بقوه والأمهات بعد
عهد:انتم ماشفتو مرزوقه كأنها رجال شلون صوتها خشن
خلود:اي والله انا عبالي ولد متنكر على هيئة بنت
سهام:ايعع صوتها خشن حشى مو بنت
ساره:عهد ضحكتيني لما جت سلمت عليك وانتي منخرشه منها وجهك مانسيته
عهد:والله انخرشت هههه
جواهر:يمه من الي كانت لابسه ازرق
ام خالد:هذي بنت عم ابوك ام يوسف
جواهر:اول مره اشوفها
الجده:ايي ام يوسف هذي تكون جارتنا من زمان بس نقلت
ام سعود:هذيك الي ماعندها عيال بس بنات
الجده:اي اي
ام ناصر:قعدتكم حلوه وماتتطوف بس انا جاني النوم و بقوم انام وتصبحون على خير
الجده:كلنا بنام اصلاً
ام سعود:انا بنام بعد
ام خالد :تصبحون على خير وانتم يا بنات خلصو ولمو الصحون وغسلو و نامو
راحو الحريم ينامون وبقى البنات
سهام:انا بقوم انام خايفه تخرب بشرتي
سيلين:وانا بعد
جواهر:بغسل الصحون وبجي انام على طولل
خلود:تمام انا انشف الصحون
عهد:انا بقعد على تلفون شوي واتمشى شوي با حوش وبجي
جواهر :لا تتاخرين
عهد هزت راسها و طلعت للحوش وعليها غطاء
عند العيال نفس البنات يبغون ينامون
عبدالله :انا بنامممم لاحد يطلع صوت
سعود:كلنا اصلاً بنام يلا تصبحون على خير
ناصر:اخخ احس اليوم طويل ويتعب
خالد:صدز مره
نامو العيال وبقى مشعل طلع للحوش
مشعل يتمشى وحاط سماعه
عهد تمشي وحاط سماعه
وتدندن مع كلمات الاغنيه
وتقعد على حجره
يمشي والا يلمح ظل بس ماجاء فضول
وقعد باالارض
عهد شافت ظل وخافت
عهد بين نفسها:يمه ليكون بسم الله الرحمن الرحيم
وقالت المعوذات خايفه تقوم ويشوفها البسم الله
وبقت مكانه
عند مشعل الي يشتته الظل مو قادر يركز وحب يشوف من وجاب معا عصا
وعهد تشجعت و مسكت عصا خشب
ومشت مشت والا تشوف حد وتضربه وتضرب
مشعل مو قادر يضرب الشخص الي يضربه
وعهد مو قادره تشوف وجه الشخص من الظالم
ومشعل وجه الضوء على عهد والا ينصدم
وقال:عهد؟.
عهد وقفت ضرب واكتفت باصمت
مشعل نزل العصا من يدها
وصد عنها وقال:وش جابك هنا
عهد:وانت شدخلك انا جايه اتمشى
مشعل:وانا بعد اتمشى
عهد:لا والله صدفه يعني مستحيل اكيد انك تراقبني
مشعل:من كل عقلك اراقبك انتي!
عهد:لا ابد صدقتك واضح من عيونك
مشعل:شوفي تعوذي من الشيطان وادخلي داخل وماصار شي
عهد الي دخلت داخل وقلبها يدق وراحت غرفتها و تفكر وتفكر لين ماجاء لها النوم ونامت
عند مشعل الي صعد غرفته و فكر في عهد وشلون بتصير زوجتها با مستقبل
وفكر ونام
>>>>>>>
نشوفكم بابارت الجاي💗✨
