بعد اسبوع وبدأت المدارس
يوم الأحد الصبح "٦:٣٠"
في بيت ابو خالد
ام خالد وهي تصحي بعهد و سعود و احمد
عهد تصحت وهي متحمسه للمدرسه بتقابل صديقاتها
عهد نزلت بحماس وتغني بصوت عالي :هات اييدك ففوق كتتافيي ونلفف الدنييا لففف لفف وتخذللك حضن دافيييي
ابو خالد يضحك عليها
العيال مصروعين من صوتها
احمد بنرفزه :اوووه بس عاد من زين صوتتس اسكتي في حد يغني على هل الصبح!
سعود:خلاص اسكتي صوتس ازعاججج
عهد تغني بصوت عالي تقهرهم
ام خالد تضحك:بس يا عهد يلا تعالي افطري وانتم شعليكم منها خليها تغني
خالد:خليها تغني بس مب تعلي صوتها!
جلست معهم على السفره وتهز كتفها عند خالد:وشش عليي انا مننن الناسس وشش على الناس منييي
خالد ابتسم بخفه وضربها :افف خلاص افطري عشان نمشي بسرعه
افطرو واخلصو وطلعو للمدرسه والبنات طلعو دوامتهم
في بيت ابو ناصر
جلسو العيال يفطرون وساره متحمسه لتقابل صديقاتها
ساره:يلااا اخلصووو
عبدالله :وش فيتس تصارخين انتي !
ناصر:شكلها متحمسه للمدرسه والله لو انها روحه لديره ماتحمستي كذا
ساره :اي مره واخلصو عشان واحد فيكم يوصلني
عبدالله :انا عندي اختبار بطلع الحين ماقدر اوديتس
ناصر:وانا بعد
منصور :وانا بعد خلي مشعل يوصلتس
مشعل ناظره :وليه وش شايفني عاطل ليه ما تودون اختكم
ساره:اي صح مشعل أكثر واحد يوديني مدرسه
ابو ناصر:بسس خلاص روح ناصر
ناصر :ابشر ويلا تجهزي بقوم اشغل السياره
ساره بسرعه تلبس العبايه وتطلع لناصر
ودها ناصر للمدرسه
في بيت ابو تركي
ابو تركي بصوت عالي :اخلصوو يا تركي يا فيصل يلا عندي داومم
تركي نزل بسرعه وفيصل وراه ومشو للمدرسه
فيصل مب مجهز نفسه جلس ياكل سياره صمون جبن
ابو تركي عصب:انت ورا مااكلت بالبيت ليه تاكل بالسياره
فيصل الي مختبص :يوه يبه راحت علي نومه
ابو تركي:اخر مره اشوفك تتأخر عن المدرسه شوف الحين الساعه ٧:٠٠ بدا الطابور
فيصل :ابشر ابشر
وصلو المدرسه وابو تركي راح لدوامه
بدا الطابور عند مدرسة البنات
عهد نزلت وحصلت ساره ركضت ركضت حضنتها
عهد:وشلونتس ياكلبه
ساره:الحمدلله انتي وشلونتس
عهد:زين زينه الحمدلله يلا ندخل الطابور
ساره:ايوههه الحين تشوفنا استاذه عبير وماتدخلنا
عهد:تخسي والله امشي
ساره:غثيثه مره استاذه
عهد ضحكت :اي يلا يلا ندخل
دخلو الطابور والحمدلله مالقو استاذه عبير
عهد شافت صديقاتها وصرخت :يوو بنات اشتقت لكممم
حضنوها البنات وجلسوا يسوالفون الا وحده من البنات تلف وتلقى استاذه عبير وينقلب وجهها
رهف:وش فيتس يا ريماس
ريماس تاشر على استاذه والبنات لفو ولقو استاذه عبير واقفه وراهم ومعها عصا
استاذه عبير بعصبيه:وجع يوجعتس انتي وياها الطابور شغال وانتم جالسين تسوالفوننن قومو يلااا صفو هنا على الجدار
صفو البنات يضحكون
استاذه :وجع انتي وياها يعني مايفيد معكم الكلام بس يخلص الطابور اوريكم شغلكمم
خلص الطابور الصباحي وطلعوا البنات فوق باقى البنات بالساحه
استاذه عبير جتهم:ههه اشوفكم مخلفات يعني تتكلمون وهم بعد مخلفات يلا انتي وياها على مكتب الوكيلة تكتبون تعهد
عهد بصوت عالي:اييي خلاص عاد مب كيفتس تودينا وتوقفينا على كيفتس
استاذه ناظرت في عهد:هااا ياقليلة الدب شكلتس ماتربيتي اوريتس هين !
راحت استاذه تنادي الوكيله
عهد والبنات هربوو لفوق
دخلو الصف بهدؤ وماكنا صاير شي
استاذه الرياضيات :وين كنتي انتي وياها ليه متأخرين عن الطابور
عهد:تخلفنا وصعدنا فوق
استاذه :ماشي بس اخر مره تتأخرون بحصتي
عهد بصوت همس:روحي زينن!
خلصو الحصه الاولى والثانيه والثالثه وجت الفرصه
نزلو تحت وجلسوا بمكان المعتاد
بدو يسوالفون جت ساره
ساره :سلام بنات
البنات :عليكم السلام
ساره:اشوفكم بالطابور استاذه عبير معصبه عليكم وخلتكم تصفو على جدار ليه وش في؟
رهف قالت لها السالفه كلها
ساره ضحكت :كفو عليكم والله انها قليلة ادب يع مسويه قويه
عهد:يع سخيفههه
ساره:الا صح عهد شلون رديتي عليها هذي الابله محد يقدر يرد عليها
عهد:تخسي والله رديت عليها وكسرت عينها يع شايفه نفسها
ساره:المهم يلا انا بروح اتفسح باي
البنات :باي
رهف :عهد عهد شوفي بنت عمتس تخزتس
عهد تناظره وترد لها النضارات
ريماس :بنت عمتس حيل شايفه نفسها
عهد:مرههه
خلصو الفرصه وطلعو فوق
دخلو البنات الصف وكانت استاذة لغتي
دخلت عليهم الاستاذه :السلام عليكم
البنات قامو:وعليكم السلام ورحمة الله وبركاته
استاذه حطت يدها على خشمها :افف يابنات الله يقرفكم ايش هاذي الرائحه انتم بنات عيب اهتمو بنفسكم شوي
عهد بين البنات :والله انتي الي ريحتس خايسه
وعد:شوفيها حامل قال وشو قال قلون تراتس حامل ومبين وش هالكذب
رهف:اي والله حتى كذب ماتعرف تكذب
ريماس بهمس:بسس يا بنات استاذه تناظرنا
استاذه :قومي ياعهد وقولي لي وش تتذكرين الدروس الي اخذنانها الترم الاول
عهد قامت وقالت ببرود:مااتذكر شي ممكن اجلس
استاذه :وليه ان شاء الله
عهد:كذا
استاذه:شلون كذا ردك بارد احترمي نفسك انا استأذتك
عهد :وانا ماقلت شي
استاذه انقهرت من عهد وبرودها :اطلعي برا! مب حافظه شي
عهد خبطت الكتاب على الطاوله وطلعت برا بكل برود الفصل كله منصدم
استاذه:شوفو انا بطلع لبرا اسمع اصوت انقصكم درجات يا ياسمين تعالي اقفي عليهم واكتبي اسامي البنات الي يتكلمو
ياسمين وقفت وقالت :ابشري
طلعت الاستاذه مع عهد للوكليه
ياسمين حقيره مره وتكتب اي بنت تتكلم حتى لو صديقاتها
وبلشو البنات يتكلمو وياسمين تكتب وتصارخ عليهم
رهف:بنات خلينا نرمي عليها ورقق
وعد:يلا
البنات يرمون على ياسمين ورق والفصل كله يضحك ويرمون كلهم وياسمين متقروشه مب عارفه وش تسوي
عند الوكيله
الوكيله خبطت الطاوله وقامت عصبيه :مايصير كذا ياعهد انتي اسلوبك مع المعلمات غلط كيف كذا تردين عليهم ترا أكثر من مره طلبت ولي أمرك وقلت خلاص اكيد بتعقل بس لا طلعت غلطانه!!
عهد تناظر ببرود جدااً
استاذه :انا مااستحملها انقليها فصل ثانيي
عهد:مب كيفتس
الوكيله :بسس يا عهد وترا ادري انتي الي وقفتك استاذه عبير وهربتي منها
استاذه لغتي:انا بمشي لحصتي وانتي تفهمي معها ودقي على ولي أمرها
الوكيله :بدق على اهلك
دقت على ابو خالد يجي المدرسه
سكرت وابو خالد منصدم من عهد هذي أكثر من مره جيت المدرسه بسببها
>>>>>>>>>
بحاول انزل اكثر💗💗
