الخطوة الأولى ..

البارت العاشر

الكاتبه حنين العباس

الانستا. _f.f.a20

جود الحسين.

بعد معانات طويلة مع فاطمة واهلها تم زواجنا كان هادء ومابي اي تكلف فقط طلبنا من الله تعالى البركة ورضا ال البيت محمد صلوات الله عليهم.

كانت فاطمة جميلة جدا بالچادر الايراني وكأنها من حباة الؤلؤ هذهِ جميلتي علويتي صديقتي السرمدية

اعجز عن وصف حبي وجمال عفتها وهيبتها بالحجاب والحياء والالتزام في وقتنا الحاضر ممكن يراه الناس مبالغ او يهاجمونها بالمنافقه لكنها كالنسمه لاتشعر ولاترد وتتعب نفسها فقط هادئه ومريحه حتى للي يهاجمونها كانت علوية مميزة بهذا وقتنا.

چنه كاعدين واجه علي رضا هوه وزوجتة

سلام عليكم

الكل وعليكم السلام

يابه اليوم اريد ابشركم

كول بوية

وهوه كال زينب حامل والكل فرح كان الفرح بداخل قلوبنا طاغي والدتي بجت وكالت مبارك يمه احلى بشارة والله

الله يسهل عليج بنيتي

الله يخليج النا خاله

الله يرزق جود وفاطمة

اللهم امين

وانشغلنا بالكعده وسوالف وعلي رضا كال نروح لبغداد ونستقر هناك لبين ماتصير زينب بشهر ثامن يجون والاهل ماعارضوا كل شي يردو ع قناعتنا وحريتنا ومايفرضون علينا شي

........................................................................

كوني اينما تجدين نفسك
نافعه ومفيدة للأسلام
وقادرة على الخدمة

واداة المسؤولية
فهو تكليف ووضيفه

زينب

بعد زواج صرنا فترة بغداد وفترة بكربلا ايام الي نقضيها بكربلا ارتاح هواها يختلف احساس انه وجودي وقربي يم ال البيت يخليني دائما مطمئنة
وجو العائلة واللمة رائع شعور مفتقدته صار هواية
قنعت انا وعلي رضا حنين تجي يمنه بغداد وهم تتوضف عند علي بصيدلية وافقت ماطولت اشهر وتزوجت ايام الي بغداد فا بالبيت وصيدلية ومرات ازور اهلي او عمتي لان اهلي دائما مسافرين ومايتواجدون. حياتي هادئه ولطيفه ومرتاحه
تبشرت بالحمل والكل فرح النا وقرر علي نبقى بغداد رغم غصه بداخلي اريد كربلا بيوم كاعدين انا وعلي رضا بعد الغده اجت مكالمة لعلي
رحت اجيب الجهاز طلع جود الحسين

تفضل حبيبي هذا جود

بعد فترة سد الاتصال. گالي

حنين راح تنفصل عن زوجها

خلص يعني ماتغير رأيها

حبيبتي هي تلث شهور وهوه ماعبرها ولا احترمنا
وهي اتخذت القرار الصح.

الله يوفقها الحياة كدامها وهوه الخسرها

حضري نفسج الصبح اخذج لعمتج وانا اروح لكربلا

ان شاء الله.

......................................................................

وطِرتُ بأحلامي الجميلة للسما..

ومالذة الأحلام الا جنونها..

زينب

حياتي هادئة ايامي حلوة وي جود الحسين مستقرة الحمد لله
اهله ناس طيبين ويحبوني.

چنه كاعدين واتصلت حنونه على  جود وگال رايح اجيب حنين. كل مره من تريد تجي هوه يجيبها زوجها دائما يتعذر وهي كلش من تشتاق تتصل يجي عليها لو جود يتصل بيها حتى يجي عليها لان هي تستحي. اجت بس هالمره غيير. هالمره الحزن والضياع والفقد مبين ماخفته ولا تصنعت ولا شوت شي مجرد سلمت وكالت انا اريد انفصل عن مرتضى بابا
الكل نصدم وسكتنا لعله تهدء.
حد الليل رحت الها احجي وياها

حنونه تجين تاكلين وياي

لا حبيبه اكلي عافية

اجي يمج لو لا

سوتلي مكان يمها وكالت تعالي

اي حنونه صار هالمرة

فاطمة خلص انا ومرتضى بعد مانتقبل بعض

شصاير اكو سبب

اكو اسباب فاطمة
انا ببداية حياتي اتحملت وسكتت عن هواية امور بس لما توصل انه اكون مجرد آله اله ولأهله ليقضو حوائجهم لما اصير روبوت تحت ايدهم اسعى لرضاهم واكون زوجة صالحه وهم يستغلون هالشي وياذوني ويجرحوني لاني لسه ماحملت وهوه ابنهم كله عقد ومشاكل وامراض ومتحمله
لما مقصر بحقي.  شلون تردين اسكت اكثر من هيج. تعبت شنو معقولة اخلص العمر وي هيج انسان.

اهدي يروحي لكلشي اله حل مامعقولة تتخذون الطلاق اول الحلول ميصير.

لو اكو حل ميخالف انطوني حل وارجع اله

كله خير حبيبه يلا ارتاحي

وهيج قضت ثلث اشهر ولا اجه ولا تواصل وياها ومن سولف ويا جود كاله اختك مايعجبها حياتي وحبي الاهلي تريد اكطع بيهم.

جانت صدمه لجود الحسين. بس سكت ومابلغ حنين

وكاله مالها حقوق لان هي تريد الطلاك.

وهنا صدمه ثانية وجان لازم تعرف حنين.

كعد وسولف وياها

وانا بصالة اسمع كلامها المخنوك وبجيها دخلت عليهم وگلت

كافي كافي جود راح تروح من ايدنا وعمو وعمه رح يكعدون

اباوع لجود الحسين صار عصبي ومايتناقش خله وطلع من البيت كله وبقيت الوب علي