المغتصبه والحنون

بارت٢٨

.السلام عليكم

بَلّغوا اُمي بأن الفُقد لهَا أماتَا
كُل نبض كُل شيء كان فِداهَا
بَلّغوا الحُبْ بَلغوا جُلّ الرعايَا
بَعدها العُمر باتَ وَقِيعُ الدَنايَا
بَلّغوها أنني لَم استَطع لُقياهَا
ولَها جَفْ دَمع العَينِ اشتيَاقَا
اشتياقاً، مزّق القَلبُ شَظايَا
مَنْ مِثلُها مَنْ يُلمْلِم لي بَقايَا
بَلّغوها لأنها إحدى الوصَايَا
إحسان أوصى بهِ رَب البَرايَا.

غابت شموس السعد منذ رحيلها
وغدت عيوني لا ترى أفراحا
ودعتها عند المغيب بحسرة
وبقت جنائز أدمعي ألاما
يا جنة مات الزمان بفقدها
وبكى البكاء على ثرى مثواها
يا قبر رفقا إن ضممت ضلوعها
فالله أوصانا بها إحسانا
قد غاب عني الكرى في يوم ذكراها
وتبدل النور الجلي ظلاما
قد غلقت شرفات روحي بابها
وتأبط الحزن المقيم دمايا
اليتم جدولني على أحزانها
فسكنت جوف البر والإحسانا
يا رب اجمعني بها في جن
فيها النبي وصحبه جيرانا.

يا يمه كلن يناظر لي بحيره
من يوم رحتي وأنا اللي ما تواسيت
يوم كنتي عندي كني أمير ديره
كلن يناديني يقول لي تعال هيت
ويوم رحتي يمه وكني في جزيره
و حيدا فيها عن الناس تواريت
يا كم تعلم من معاني غزيره
يا منهل التعليم منك تربيت
وأبيت ليلي وعيوني سهيره
كم من ليالي نايما ما تعشيت.
شعر عن الام المتوفية عراقي
بَلّغوا اُمي أن الفُقد لهَا أماتَا
كُل نبض كُل شيء كان فِداهَا
بَلّغوا الحُبْ بَلغوا جُلّ الرعايَا
بَعدها العُمر باتَ وَقِيعُ الدَنايَا
بَلّغوها أنني لَم استَطع لُقياهَا
ولَها جَفْ دَمع العَينِ إشتيَاقَا
اشتياقاً، مزّق القَلبُ شَظايَا
مَنْ مِثلُها مَنْ يُلمْلِم لي بَقايَا
بَلّغوها لأنها إحدى الوصَايَا
إحسان أوصى بهِ رَب البَرايَا.
أمي ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني.

ادهم؛ تندمت لان بستها ماجان لازم اسوي هيج اني وعدت رهف ما اتقرب الاي بنيه بقيت افكر برهف وليش عافتني وتخلت عن حب طفوله يلي بنيناه سويه صعدت لغرفتي وطلعت صورها وصرت اتكلم وي الصور اوووف رهوفتي والله ما اكدر اتخيلج بحضن غيري بنيتي رهف حبيبج تعبان وانتي تركتي ورحتي رههف ليش حفرتي اسمج بگلبي ورحتي
ريماس؛ جن وكت العصر و اني وحنونه بالمطبخ وخالتي وادهم بالصاله شو وشفت ادهم صعد للغرفه
نفس الروتين مرت الايام واجا وقت الامتحانات وجان باقيلها اربع ايام وكتها اني وحنونه گلعدات بالحديقه على الثيل وفارشين الكتب ونقره
ادهم؛ نزلت من غرفتي بسرعه ماما وين ريماس
ام ادهم؛ خيرك يمه ريماس بالحديقه
ادهم؛ ريماس ريماس
ريماس؛ كمزت ادهم يناديني هااا
ادهم؛ امشي بسرعه غيري ملابسج وانزلي
ريماس؛ بسسس ليش وين ماخذني
ادهم؛ ريماس امشي امج بالمستشفى
ريماس؛ لما گلي امج بالمستشفى ما كدرت اوكف على رجليني حيلي كله نهد شبيها ادهم شبيها
ادهم؛ امشي اركضي بسرعه
حنان؛ اني اجيبهم رحت ركض للغرفه مالتهم طلعت بشت ريماس وشال ونزلت
ام ادهم؛ لا لا حبيبتي لا تبچين ماعليها غير العافيه
حنان؛ هااج رموسه
ريماس؛ لبستهم على السريع وادهم اخذني المستشفى
دخلت رجليني بالكوه اشيلهم شفت عز واكف ومنزل راسه عزز عززوز شبيها ماما عزوز
عز؛ مااما بغرفت الطوارء والدكتور يمها
ريماس؛ عزز شصاير الها
عز؛ يلي اعرفه ماما عدهم فتحات بالقلب ومگلتلنا وابويه يعرف بس محجوي
ادهم؛ ريماس راحت لاخوها واني سلمت على ابو عز وخطيه عمتي طلع عندها فتحات بالقلب
ريماس؛ بقينا ساعتين ننتضر وطلع الدكتور
ابو عز؛ هاا دكتور
الدكتور؛ سوينه يلي علينه وحالين وضعها مستقر بس ما اضمنلكم يبقا مستقر لان الفتحات يلي بقلبها هوايه حتى العمليه محتفيد وصعبه
ابو عز؛ لا حول الله زين نكدر ندخل نشوفها
الدكتور؛ هسه لا بس من تصحه ايي
ريماس؛ بقينا بس نبچي اني وعز
ادهم؛ لا عزز لاتبچي نشالله مبيها غير العافيه ادعيله
عز؛ نشالله
ريماس؛ يومها بقينا بالمستشفى وثاني يوم اجتي خالتي ام ادهم بقت بقت شويه وراحت للعصر امي صحت دخل ابويه وعز واني بقيت بالباب ابچي ما كدرت ادخل متكده بس اشوف امي بهيج حاله اموت
ادهم؛ جنت رايح اجيب ادويه من الصيدليه ولكيت ريماس واكفه يم لغرفه وحدهي وتبچي هاا ريماس
ريماس؛ بشهگه وبجي امي صحت
ادهم؛ ايي ياالله ليش واكفه بالباب ادخلي شوفيها
ريماس؛ والله ما اكدر بس اشوفها اموت والله اموت
ادهم؛ اشش اشش لاتبچين هاج كلينكس امسحي دموعج وتعالي ندخل اني وياج
ريماس؛ مسحت دموعي ادهم والله ما اكدر اموت
ادهم؛ اشش لا تعالي هطيه امج خليها تشوفج
ريماس؛ تما دخلنا اني وادهم شفت امي مخليلها جهاز تنفس وبالكوه مفتحه عيونها وعليها اجهزه بچيت
ادهم؛ بهمس ريماس امسحي دموعج خطيه امج لاتبجين كدامهل
ريماس؛ مسحت ادموعي ورحت بست ايد امي وراسها حبيبتي ماما ماعليج غير العافيه بيه ولابيج مامااا ممسكت نفسي وبچيت
عز؛ لما شفت دموع بچت ما تحملت وبچيت
ريماس؛ حبيبتي ماما كعدنا لليل يم امي وشوي واجوي عمي ومرته وخالتي دخلو سلمو كمت حضنت عمي لان ابويه ما يحس بينه ولا يحن علينا وميبين مشاعره كدامنه حضنت عمي وبچيت جان عمي يمسح على راسي ويكولي لا بنيتي لاتبچين هسه جميوم وتصير زينه خلاني اهدء وكعد يسولف وياليه
ادهم؛ دخل عم دموع وياه ثنين نسوان سلمو وشفت دموع كامت وحضنت عمها وبجت بس ماشفتها ولا مره حضنت ابوها استغربت
ابو عز؛ يله يابه مايصير نبقا كولنه هنا عز خليني اني ابقا
ابو عز؛ لااا ليوم روح وباجر نرجع لهنا اني وياك
ريماس؛ بابا عادي ابقا
ابو عز؛ خالتج هنا وزوجت عمج ميحتاج روحي وي زوجج انتي من لبارحه هنا
ريماس؛ فدووه بابا حباب نزلت ادموعي لما رفض ابقا
ادهم؛ انكسر خاطري عليها بس صدك ميصير نبقا كولنه هنا وهيه من البارحه موجوده هنا ومنامت واني وياها
لا ريماس ليوم نرجع نرتاح وباجر اني ارجعج لهنا
ريماس؛بچي لييش خلوني ابقا يم اميي شبيكم ويايه
ادهم؛ ريماس مايصير هوايه ناس يم المريض وهم اكو مرضه بالمستشفى غير امج هم يتاذون تمام هسه يله روح
ريماس؛ نزلت راسي ودموعي يجرن بحسره اييي
بوست عزوز وكلتله دير بالك على نفسك
ادهم؛ اخذتها ورجعت للبيت وكل الطريق تبجي من المستشفى للبيت
ام ادهم؛ هاا يمه شلون صارت ام عز
ريماس؛ رحت دخلت وحضنت خالتي ماا ادريي ما ادري
ادهم؛ والله اليوم نفس ما شفتيها البارحه
ام ادهم؛ لا لا حبيبتي لاتبجين هسه صير زينه وترجع للبيت
حنان؛ من شفت رموسه تبچي بچيت وياها
ام ادهم؛ يااا وانتي ليش تبچين حنان يمه
حنان؛ كافي رموسه تعبتي نفسج
ريماس؛ مسحت دموعي وصعدت للغرفه غيرت ملابسي وكعدت افكر باامي
ادهم؛شفتها صعدت للغرفه كلت ما الحكها خليها تبچي حتى ترتاح احسن ما تخنك نفسها وبقيت بالصاله
حنان؛ مسحت دموعي ورحت سويت عشه وجهزته وخليته على طاوله الاكل
ام ادهم؛ وليدي روح غير ملابسك وشوف رموسه خل تجي تتعشه خطيه
ادهم؛ ايي صار صعدت للغرفه وشفت ريماس كاعده على السرير وصافنه وجها اصفر وعيونها حمر من البچي دخلت غيرت ملابسي وكعدت يمها اا ريماس تعالي ننزل نتعشه
ريماس؛ ما اريد
ادهم؛ ريماس ترا انتي من امس ماماكله شي تعالي يله
ريماس؛ والله ما اريد ما اشتهي والله
ادهم؛ شفتها تحجي ولغصه بصوتها وكفت كدامها كومي ريماس
ريماس؛ ليشش والله مابيه حيل
ادهم؛ بس كومي
ريماس؛ وكفت
ادهم؛ وكفت وحضنتها وكلتلها ابچي لا تكبتين على نفسج
ريماس؛ حضني وكلي ابچي وكتها بچيت بچيت بحرگه ادهم امي امي ماريدها تعوفني فدوه بقيت ابچي لحدما اختنكت وكمت اكح فاا تركني وانطاني مي كعدت على السرير وراسي يوجعني ودايخه
ادهم؛ نامي ريماس اكيد انتي تعبانه
ريماس؛ تمددت وغطاني وجان يمسح على راسي لحد ماغفيت
ادهم؛ نامت وتمددت يمها وامسح على شعرها شوي ونزلت اتعشه
ام ادهم؛ هاا يمه وين مريتك
ادهم؛ نامت
ام ادهم؛ خطيه ونوب بدون عشه ايي يمه شلونها امها
ادهم؛ والله ما ادري شنو اكولج بس حالتها ميؤس منها عايشه على الجهزه
حنان؛ ماما تعالو تعشو
ام ادهم؛ تعال وليدي تعشه
ادهم؛ تعشيت وكعدت شويه وي امي وحنان ترخصت وصعدت للغرفه لان تعبان كلش دخلت وسديت الباب تمددت يم ريماس وجان وجها اخدودها حمر خليت ايدي على كصتها نار ومشتعله حرارتها مرتفعه نزلت جبتلها حبوب وندهتها وبل كوه كعدت انطيتها الحبوب وشربتها المي ورجعت نامت بقيت صاحي وكل شوي امسح وجها بمي حتى تخف حرارتها تقريبا لساعه1لليل خفت حرارتها ونمت كعدت على صوت تلفون يرن جوه مخدت ريماس سحبته عز يتصل تلى ريماس ستغربت لساعه 5لفجر اااححم الوو
عز؛ الوو
ادهم؛ هاا عز خوما اكو شي شبي صوتك
عز؛ خويه خويه امي توفت
ادهم؛ انا لله وانا اليه لراجعون عز اهدء
عز؛ خويه جيب ريماس
ادهم؛ تمام سديت التصال وجنت حاير شنو اسوي طلعت من لغرفه ورحت لغرفت امي دكيت الباب مره مرتين
ام ادهم؛ ياا تفضل
ادهم؛ اااا صباح الخير
ام ادهم؛ صباح النور هاا يمه شكو يا ستار من الفجر
ادهم؛ كعدت يم امي وكمشت ايدها امي ااا ام ريماس توفت
ام ادهم؛ ياا داده عزه الله يرحمها عمت عيني عليج ريماس يااا
ادهم؛ الله يرحمه امي عز اتصل بيه وكالو يردون ريماس بس يمه ما اكدر اخذها هسه لازم اروح المستشفى
ام ادهم؛ اييي شلون هسه والله ماادري شسوي
ادهم؛ لا تكولين خليني اشوف شلون واني اكوللها
ام ادهم؛ اييي
ادهم؛ خليها نايمه لحد متكعد بوحدهي
ام ادهم؛ هايهيه يمه روح
ادهم؛طلعت ورحت لغرفتي غيرت ملابسي وباوعت لريماس تكسر الخاطر هيه شافت امها بس مخليلها جهاز تنفس وبالكوه وكفت على حيله شتسوي لو درت امها راحت بعد ماترجع بستها من راسها وطلعت رحت المستشفى لكيت ابو عز واخوانه ثنيناتهم وعز منهار وكاعد بالكاع يبچي ولنسوان ثنيناتهم يبجن ويعيطن كعدت يم عز واحاول اهدئه واقوي للصبح جابو تابوت واخذو ام ريماس للبيت واني رجعت للبيت اجيب ريماس تقريبا الساعه 10لصبح دخلت لكيت امي وحنونه وريماس يتريكون
ريماس؛ كعدت لصبح لساعه 9دايخه كولش وخالتي ام ادهم يمي بالغرفه تقرا عليه قران وتمسح على شعري وراها نزلنا نتريك ودخل ادهم وجها اصفر وو مااعرف شلون اوصف ملامحه متوتر مرتبك خايف ما اعرف هيج شي
ادهم؛ اااا ريماس كملي ريوك والحكيني للغرفه
ريماس؛ حاضر
ادهم؛ صعدت للغرفه وبقيت افكر شلون اكوللها
....