المغتصبه والحنون

بارت ٢٩

مساء الخير

ريماس؛ الحمدلله
ام ادهم؛ هاا يمه وين رايحه بعدج مكملتي اكل
ريماس؛ لا الحمدلله خاله شبعت رايحه اشوف ادهم شيريد
ام ادهم؛ ااا ايي روحي
ريماس؛ صعدت للغرفه ودكيت الباب
ادهم؛ ادخلي ريماس
ريماس؛ دخلت للغرفه وادهم قفل الباب
كولش استغربت
ادهم؛ جنت حاير من وين ابدء وشنو اكوللها
ريماس؛ تفضل كول موو قبل شويه ناديتني
ادهم؛ ايي ااا باعي ريماس رب العالمين كاتب كولشي بحياتنا تمام
ريماس؛ جنت حيل مستغربه شنووو وليش يحجي هيج يعنيي
ادهم؛ اووف اخذت نفس باعي ريماس كولنا على طريق الموت امج توفت
ريماس؛ خيييررر ادهم شدتحجي ترا ميضحك نزلت دموعي واني اصلان مومستوعبه كلامه
ادهم؛ جريتها وحضنتها
ريماس؛ ادههم امي متتركني والله هيه كلتلي تحبني وتبقا ويايه
ادهم؛ ايي
ريماس؛ شنوو ايي بعد عني اخذني الامي ادهم اخذني الامي
ادهم؛ ريماس اهدئي
ريماس؛ شهدء تاخذني الامي لو هسه اطلع واني اروحلها
ادهم؛ ريماااس باعيلي لازم تفهميني
ريماس؛ صرت اضرب نفسي واكوله شفهم شفهم اخذني الامي اخذذنييي بعدها ماا اتذكر شنو صار
ادهم؛ فقدت الوعي ريماس ريماس بابا،ريماس لفيت الشال على راسها واخذتها ونزلت
ام ادهم؛ هاا يمه اسم الله عززه بعيني
ادهم؛ حنان جيبيلي عبايه الف ريماس بيها
حنان؛ حاضر رحت ركض وجبتله عبايه ولف ريماس وطلع وطلعت امي وياه وراحو للمستشفى
ادهم؛ دخلتها للطوارء وعلكولها مغذي
ام ادهم؛ وليدي شكلتلها
ادهم؛ والله ما اعرف حيلها انهد من كلتلها امج توفت
ام ادهم؛ حقها والله حقها طفله وبعدهي مشبعت من عطر امها الله يساعدها
ادهم؛ بقت ساعتين غايبه عن الوعي
ريماس؛ فتحت عيوني  وشفت ادهم كلتله ادهم فدوه اريد امي ادهم حباب
ادهم؛ كعدت كامت تبجي وتريد امها ريماس اهدئي
ريماس؛ اخذني الامي
ام ادهم؛ لا يبعد روحي هسه ياخذج بس اثبتي لاتنشلع من ايدج الكانونه
ادهم؛ خلص المغذي واخذتها هيه وامي لبيت ابوها
ريماس؛ نهد حيلي لما شفت الناس ملتمه بيتنا ما طحت على الارض ماكدرت اكوم
ادهم؛ نزلت من ااسياره وكعدت على الارض عنتها ودخلتها للمطبخ هيه وامي ورحت للستقبال لكيت عمي ابو عز واخوته وعز منهار يبچي وما تنوصف حالته ام ادهم؛ دخلنا للصاله خالات ريماس يبچن ويعيطن ونسوان عمامها
ريماس؛ شفت مرت عمي اقرب وحده الي اكثر من خالاتي صحتلها عمه اااا
ام حمزه؛ هااا يبعد روحي رحتلها وحضنتها
ريماس؛ عمه عمه امي وين عمي اريد امي امي ماما
ام حمزه؛ ياا بعد حيلي كله رحت فدوه الج ولمج لايروحي تعالي اكعدي
ريماس؛ مااااا ماريد اكعد اريد امي بعدت عنها ودخلت لغرفت امي وقفلت الباب كعدت على الارض ابچي مو مستوعبه امي تتركني زحفت للكنتور وطلعت شال امي وتمددت على الارض وكعدت اشم بي اوووووف اووووف اوووف ماما ياا حبيبتي امي ادري يچذبون عليه انتي متركيني ايي ماما متتركني اووووف ماما فدوه بس اريد انام بحضنچ ماما ياا نور عيوني ياحيلي يا ذهب الكون فدووه تعاليلي اخذيني وياج حبيبتي
ام ادهم؛ دخلت ريماس للغرفه وقفلت الباب ونحاول اني ومرت عمها نفتح الباب ماكو مينفتح خفت لسوي بنفسها شي لو يرجع يغمه عليها اتصلت على ادهم وكلتله
ادهم؛ زين هسه اجي  سديت الاتصال ورحت لعز لان اعرف مراح تفتحلي بس لعز اكيد اي كلتله ريماس بلغرفه اخيتك روح شوفها وخطيه بالكوه  يوكف دهلنا للصاله
عز؛ دكيت الباب ريماس رموستي
ريماس؛ سمعت صوت عز كمزت فتحت الباب شفته واكف كدامي عزززوزز حضنته
عز؛ اووووف اوووف يبعد حيل اخوج
ادهم؛ فتحت الباب لعز وحضنته وكعدو على الارض يبچون ماتحملت نزلت دموعي على حالهم  طلعت للسياره ورحت اخذت حنونه
حنان؛ اجاني ادهم حتى ياخذني لبيت ريماس اخذت ويايه ملابس سود الامي وريماس اخذتلها من عندي لان ماعدها ملابس سود بعدهي عروسه
رحنا ودخلت للبيت كومه نسوان رحت اخذت الملابس وديتهم بغرفت ريماس وامي بدلت ملابسها نزلت وشفت عز حاضن رموسه وكاعدين على الارض ويبچون اوووف يكسرون الاخاطر
شوي ودخل ادهم ياخذ عز حتى ياخذون ام عز للنجف
ريماس نهارت وكلت اريد امي هسه اريد امي عزز اريد امي لاتعوفني يمهاااا تكسر الخاطر كمشتها وطلعو حضنتها وبچيت انا وياها ما تحملت
ريماس؛ حنونه ااا امي فدوه ناديلي عزز خلي يجي ويجيب امي فدووه
حنان؛ ريماس بقت تبچي لحدما سكتت ودموعها تجري وكامشه شال امها عنتها بالكوه واخذتها لغرفتها وخليتها تغير ملابسها ولبستها اسود مددت على السرير ورجعت من جديد خاله لشال على وجها وتبجي اااوووفف بقيت يمها ومنزلت
ادهم؛ طلعت عز ومجان يكدر يلزم التابوت مايكدر يوكف على حيله اصلان شالو وطلعو للنجف خالات ريماس راحو وابو عز وعز واني وخوال ريماس
حنان؛ تقريبا لساعه4العصر ريماس غفت نزلت لگيت امي ومرت عم ريماس ام حمزه ومرت جيرانهم سوو عشه نسوان خوال ريماس موجودات وبالستقبال زلم هوايه ساعدت امي شويه وكلتلي ارجعي يم ريماس خاف يصيرلها شي صعدت للغرفه وهيه نايمه ودموعها على خدها وحاضنه شال امها تكسر الخاطر وتون وهيه نايمه اووووف ما تحملت بچيت.... اا
ادهم؛ وصلنا للنجف وحال عز  ونين ونوح وصلنا لعصر وجهزو كولشي واجت لدفنه والله لحال عز يخلي الحجر يبجي يضرب بنفسه جان يريد يدخل للگبر ورا امه لزمته واحاول اغطي عيونه حتى ميشوفها تندفن بعده زغير 18سنه شيتحمل يشوف واحد يندفن نوب امه لزمته ودفنو وجان يحلف بيه اهده حتى يروح الامه 
عز؛ ادهم بداعت امك هدني اريد انام يم امي هدني
ادهم؛ خويه شهدك بس اهدء دفنو ولدفان كمل هديته راح للگبر يحفر بي بادينه رجعت لزمته اخذته اني واحد من خوله ورجعنا للكوت دخلنا الساعه10باليل
حنان؛ للمغرب كعدت ريماس ورجعت تبچي وبس تكول امي امي ماتكول شي ثاني ماما حاولت تخليها تاكل بس بقت تضرب بنفسها امي نزلت واني بقيت يم رموسه للساعه10باليل رجعو جنت واكفه فوك بالطابق الثاني عز صعد ودخل غرفت ريماس حضنها وكامو يبچون ما تحملت وبچيت لمهم عز بقا يم ريماس واني وامي بغرفه بالطابق الثالث وخالات ريماس هم بغرفه يم عرفتنا وادهم بالستقبال باليوم الثاني امي كعدتني الساعه 6
الفجر وادهم رجعني للبيت لان بدت امتحانان اخر الاسنه غيرت ملابسي ورحت امتحنت  ورجعت لبيتنا غيرت ملابسي ورجعت مشي لبيت
ريماس جانو يجهزون للغده مالت الفاتحه وبالشارع نصبو لخيمه تقريبا لساعه8اجتي الناس وشفت عز نزل وجها اصفر وملامحه ذبلانه بالكوه واكف راح للستقبال واني صعدت لريماس لكيتها كاعده وكامشه شال امها وتبچي ولج اوووف رموسه شوي واجني خالات ريماس يردن ينزلنها تكعد بالستقبال لان لزلم كعدو بالخيمه ما كبلت وكعدت تصيح ما سكتت لحدما اجتها ام حمزه حضنتها وكلت لخالاتها يعوفنها اذا تريد هيه تنزل واذا لا يعني لا تركنها ونزلن وام حمزه كلتلي ابقا يمها وما اتركها طلعت وكعدت يم ريماس بچيت وياها وحضنتها شويه وخلت راسها بحضني وهيا تبچي
ادهم؛ نصبو الخيمه وكامت تجي الناس وعز لحيل ما ضل بي
حنان؛ مرت الفاتحه ثلاث ايام وريماس كل شويه تفقد وادهم ياخذها للمستشفى خلصت لثلاث ايام الفاتحه ورجعت اني وامي للبيت ورموسه بقت واخذوها يم بيت عمها رجعنا وبيوم السبعه رحنا لبيت ابو عز لصبح امي دخلت يم خالاتها وادهم يم الزلم واني رحت يم ريماس دخلت انصدمت لما شفتها ملامح منتهيه عيونها حمر وبخدودها سواجي مكان لدموع حافر وجها مدده ولاحس بس تتنفس ودموعها تجري
.......
بقيت يمها وتغدو الناس ومر اليوم باليل خليت ريماس تغير ملابسها واخذتها لبيتهم دخلتها لغرفتها بالكوه تمشي شوي وادهم ناداني اني وامي وطعنا للبيت وريماس بقت
ادهم؛ مر اليوم ماشفت ريماس جنت طول الوقت وي عز واشتغل وي الشباب
ام ادهم؛ اكولك يمه شوكت ترجع مريتك
ادهم؛ مووو هسه خليها بعد يومين وروح
مرت اليومين
ورحت واخذت امي ويايه دكيت الباب طلعلي حمزه اسلام عليكم
حمزه؛ وعليك السلام ورحمة الله وبركاته
ادهم؛ شلونك خويه
حمزه؛ الحمدلله تفضلو
ادهم؛ دخلت اني وامي ااا حمزه عمي موجود
حمزه؛ ايي موجود بالغرفه هسه انادي
ادهم؛ خوش اجا عمي وسلمت عليه وكلتله اذا يقبل نريد ناخذ ريماس
ابو عز؛ ايي ابني زوجتك اخذها
ادهم؛ جانت عمت ريماس موجوده راحت هيه وامي لغرفت ريماس
ام ادهم؛ دخلت للغرفه يمه ضلمه  ياا يمه ليش ضلما الغرفه
عمت ريماس؛ هيه تكول طفو لضوه ما ريده
ام ادهم؛ شعلت الضوه وشفت ريماس نايمه على السرير تقربت يمها لوجه اصفر ندهتها يمه حبيبتي رموسه اكعدي
ريماس؛ كعدت وخالتي ام ادهم واكفه يمي هاا خاله سلمت عليها
ام ادهم؛ ايي شلونج بنيتي
ريماس؛ الحمدلله
ام ادهم؛ ايي اجيت اخذج وياي
ريماس؛ جان مابيه حيل وجسمي كوله يوجعني وعيوني توجعني كلتلها هسه
ام ادهم؛ ايي هسه وياي يله كومي كومي صاير عضام معصعصه
عمت ريماس؛ ايي هسه زوجها يتزوج عليها اذا عصعصت
ام ادهم؛ شحده غير اكسره بالعصى
ريماس؛ جانت خالتي تريد ضحكني باب طريقه ما كسرت بخاطرها وكمت وياها غيرت ملابسي ونزلت بالگوه امشي
ادهم؛ شوي وشفت ريماس نزلت نصدمت من شفتها متغيره ملامحها باهته ضعفانه ولعيون حمر ولوجه شاحب ولا قطرت دم وبالكوه تمشي اخذتها ورجعت للبيت
حنان؛ دخلت رموسه سلمت عليها وبوستها
ريماس؛ دخلت للبيت كعدت وياهم بالصاله بالگوه مفتحه عيوني
ام ادهم؛ يمه ادهم اخذ مريتك ترتاح بغرفتها
ادهم؛ ايي كمت ومديت يدي  الها
ريماس؛ صعدت وكعدت على السرير وادهم كدامي على الكنب قررت اكلمه ادهم اريد احجي وياك
ادهم؛ ايي تفضلي
ريماس؛ اااا ما تحس انتها كولشي
ادهم؛ شنو يعني
ريماس؛ اااا انته تزوجتني لسبب بسبب شي ماصار والحمدلله هسه خلاص لازم ينتهي هذا الزواج لان ما اكدر ابقا امي توفت وخلاص وعزوز وابوه بقو وما اكدر اتركهم وحدهم وانته كلت سنه وننهي بس خلاص لازم ينتهي قبل السنه
ادهم؛ ماجنت متوقع كلامها وحرت شنو اكوللها ماريد انهي هذا الزواج قبل لان اجنت احب رهف بس هسه رهف تزوجت وسافرت ومسئلت عليه حتى اااا تردين تنهين لزواج
ريماس؛ ااايي
ادهم؛ بس اني اريد هذا الزواج
ريماس؛ صدمني لما كال اريد هذا الزواج ااا بس لبيناتنه هصلان مو زواج هوه زواج بس كدام الناس
ادهم؛ واني اريده زواج حقيقي
ريماس؛ نزلت راسي بس اني ما اكدر
ادهم؛ ليش
ريماس؛ ما اكدر عز وابويه وحدهم وامي تركتنا متحملت بلحضتها وبچيت
ادهم؛ كعدت بصفها ايي عادي كل يوم اوديج يمهم
ما اعرف ليش جنت متمسك بهذا الزواج ما حسيته حب بس تعلق ولذالك مجنت اقبل ننهي لزواج
ريماس؛ تمام دزني كل يوم الهم حليناها بس اني ما اكدر هسه اصير زوجتك اني ما مستعده عمري وطاقتي ماتسمحلي بهل وقت
ادهم؛ ايي واني رتح انتضرج لحدما يجي ليوم وتصيرين زوجتي عادي انتضر
ريماس؛ نزلت راسي وتركته وطلعت من الغرفه رحت لغرفت رباب فتحتها وكعدت بيها كعدت ابچي لان حيل تعبت ومشتاقه ل ماما
ادهم؛ تركتني وطلعت من لغرفه بقيت افكر ليش اني متمسك بيها ليش ماريدها تتركني ماعندي مشاعر تجاها وما تقربتلها ولامره بس لما بستها جان مجرد لحضه اشتهيتها ونتهت ليش متمسك ليش يا ادهم ليش اخذني لتفكير ساعه
ريماس؛ غفيت واني ابچي ومحسيت على نفسي
حنان؛ للعصر وصعدت لغرفت ادهم دكيت الباب
ادهم؛ تفضل
حنان؛ ادهم ريماس وين
ادهم؛ نزلت من كم ساعه
حنان؛ ما شفتها
ادهم؛ يمكن يم امي روحي شوفيها
حنان؛ بس اني جنت يم امي هيه منزلت من صعدتو سويه
ادهم؛ شنووو
حنان؛ والله
ادهم؛ طلعت من لغرفه ودورت اني وحنونه عليها اخر شي فتحت باب غرفت رباب شفتها نايمه على الارض 
حنان؛ يمه لحمدلله
ادهم؛ شلتها واخذتها للغرفه صايره خفيفه خليتها على السرير وجانت كامشه بايدها شال غطيتها وتمدد بصفها ملامحها ذبلانه عيونها حمر وبخدودها طابع ها سواجي مكان لدموع  مخطوط على وجها بقيت حاير شبيه ليش متمسك بزواج ليش واني ما احبها ليش بس كلت خلاص هذا الزواج ما انهي وحتصير زوجتي  سحبتها وحضنتها صرت احس بنفاسها  تطشر على نحري غفيت وهيه بحضني
...