💙🖤 -- Soulmate -- 🖤💙 ( ✅ )

🍁 -- 04 -- 🍁

🖤💙 ...Soulmate...💙🖤

"මුකුත් නෑ අංකල්... කරදරයක් උනා නම් සොරි..."

මම එන්න හැරුනා... සමහර විට... කටින් වචනයක් නොකිව්වත්... ඒ අංකල් මට හිතෙන් බනිනවා ඇති... මේ තරම් වෙලාවක් එයාලගෙ කාලෙ නාස්ති කරපු හින්දා... ඒත්... මගෙ හිතට නම් ලොකු දුකක් නෑ... මම දැන් දන්නවා... දඟකාර ඇස් හැම උදේකම කොලේජ් එකට එනවා කියලා... ඉතින් මට පුලුවන්... ඕනම වෙලාවක ඇවිල්ලා එයාව බලන්න... ඈත ඉදන් උනත් මොකද... පස්සේ දවසක පුලුවන්නේ... හිමින් සැරේ එයත් එක්ක කතා කරන්න...

"මේ ළමයෝ..."

දඟකාර ඇස් ගැන හිතන ගමන්ම... අඩියක් දෙකක් ඇවිදගෙන යද්දී... පිටිපස්සෙන් ඇහුන ගාර්ඩ් අංකල්ගේ කටහඩ නිසා... මම එතනම නැවතිලා ආයිත් හැරිලා ගාර්ඩ් අංකල් දිහා බැලුවා...

"ඕනෙ නම් මම ඒ ළමයට එන්න කියන්නම්..."

ඒ වෙලාවෙදි මගෙ මූණ මොන වගේ තිබුනද දන්නෙ නෑ... සමහරවිට ගාඩ් අංකල්ට මගෙ මූණ දැක්කම මං පව් කියලා හිතෙන්න ඇති... ටික වෙලාවක් මගෙ මූණ දිහාම බලාගෙන ඉදපු ගාඩ් අංකල්... ඕනෙ නම් දඟකාර ඇස්ට ගේට් එක ලඟට එන්න කියන්නම් කිව්වා...

"එ..යාට... මෙතනට...??"

"ඔව්... පණිවිඩයක් කියන්න තියනවානම් මෙතනට එන්න කියන්නම්..."

එක තප්පරේකට මගෙ හිත ඇතුලේ මල් යායක් පිපෙන්න ගත්තා... ඒත්... ඒ මල් යායම... ඊළඟ තප්පරේදිම පර වෙලා ගියා... දඟකාර ඇස් මම කවුද කියලා දන්නේ නෑනේ... පාරෙදි අහම්බෙන් ඇගේ හැපුනට... එයාට මගෙ මූණ මතකවත් නැතුව ඇති... එයාව මෙතනට ගෙන්නලා... මම එයාට මොනවා කියන්නද... එයා මගෙන් අහයි මම කවුද කියලා... ගාඩ් අංකල්ලා දෙන්නත් මෙතනට වෙලා බලන් ඉන්නවා... වැඩි වෙලා කතා කර කර ඉන්න වෙලාවකුත් නෑනේ... මාව හරියට එයාට අඳුන්වලා දෙන්නෙවත් කොහොමද... මට ඕනෙ එයත් එක්ක නිවීසැනසිල්ලේ පාඩුවේ කතා කරන්න... එයාට මගෙ හීන ගැන කියන්න... එයාගෙ විස්තර අහගන්න...