بيت ابو فاضل
الصباح بغرفتها تتجهز للمدرسه لبست وسرحت شعرها وتركته علا اكتافها براحه
ولبست عبايتها وحطت الطرحه علا اكتافها.وخرجت
دخلت الصاله شافت اخوانها وافنان مسكه كتف احمد: ليه محد قلي انو احمد تعب امس وكاني مو موجوده بهالبيت
احمد: خلاص هذاني قدامك بخير
ام فاضل: انتي لي ما تدررين عن احوال البيت وتجين تقولين لي محد قلي
افنان:انا جيت بدري ونمت علا طول وش يدريني
ساره: ترا بتهدرون لين نتاخر كلنا
جا فاضل: يلا امشو انا بوديكم بدال ابوي اليوم وبما انو احمد مصر يداوم اليوم ياخذ ثامر لمدرسته علا طريقه يلا يبنات
قامو حبو راس امهم وابوهم وخرجو كلن لمدرسته
مدرسة ساره
جالسه مع صديقتها لين
ساره: اليوم بروح المول تجين؟
لين: اكيد بس ليه
: صديقتي روعه الي قد قلتلك عنها قبل جت من جازان وتواعدنا اليوم في المول
: اها اجل خلاص جايه من زمان ودي اشوفها من اول ماتعرفت عليك وانتو سوا بس ماقد شفتها
: لانها كانت تدرس بمدرسه ثانيه غير الي كنا فيها
: اها
ساره: يلا خل نروح نشوف البنات
لين: يلاا
العصر.
ساره جاهزه بتروح المول بس مامعها الي يوديها اخوانها طالعين وماتبي تتعب ابوها فادقت علا لين
: هلا ساره
ساره: هلا لين باقي بتجين المول؟
لين: ايوا اكيد
: اجل مريني معك اوكيه
: خلاص تم متا
: الحين
: يلا جايه اجهزي
: جاهزه من زمان بس مامعي من بوديني العيال طالعين السواق الي بيودي ولت
: اي السواق الحين جايه سلام
: سلام
قفلت وراحت لامها
ساره: يمه انا رايحه الحين لين بتمرني
ام فاضل: خلاص انتبهي لنفسك وسلمي علا روعه وترا عمك ابو فارس بيجي عند ابوك كلعاده اليوم
ساره وهي تحب راس امها: ابشري يمه وخلاص اجل برجع بدري
ام فاضل: بحفض الرحمن يمه
طلعت تستنا لين لما جت راحو للمول______'
مكان ثاني: انا بروح المول تجي معي
: مالي خلق للمولات ولطيشك انت تبي الهيئاه تقفطك تتغزل وترقم وانا معك
: يبن الحلال نتسلا ونضيع وقت
: اهتم بجامعتك افضل يا نهار
: ياذي الجامعه ياخي حضك وانت ما دخلت جامعه والله ليتني ما دخلت ومريح راسي زيك المهم انا ترا رايح وبخليك بالاستراحه لحالك
: الله يعيني علا خبالك لو اخليك لحالك بتجيب العيد
وقام مع رفيق عمره نهار
نهار وهو يخبط علا كتف مازن: حيو مازن والله الي مايخلي صديقه
مازن وهو يدفه: اقول امش بس امش
وراحو _____'
بالمول
وصلو البنات ودقت ساره على روعه
ردت
روعه: هلا ساره
ساره: هلا وينك تراحنا بالمول
: الحين بوصل بس انتي ومين؟
: انا وصديقتي لين تبي تتعرف عليك
: اها اوك الحين بجيكم
ساره: ترا حنا باول كوفي بالمول علا يمينك بالدور الثاني اول طاوله بتحديد
روعه: هههههههه بتحديد بعد يلا الحين جايه
ساره: اوكي
قفلت وطلبت كوفي هي ولين وينتضرو روعه باي لحضه
وهي تنتضر طلبها دخلو اثنين وطلبو نفس طلبها هي ولين
تاخر طلبها فا كلمت العامل: لو سمحت وين طلبي
العامل: طلبك جاهز ياانسه
وراح يجيبه ومده لها
جت بتاخذه
: لحضه لحضه
العامل:خير اخوي
: ذا طلبنا ليه تعطيها
عقدت حواجبها: لا هاذا طلبي انا طلبته قبل
: هه تستهبلين تو طلبته وانتي واقفه زي عمود الكهرباء
ولعت ساره من الوقح ذا وفار دمها: هيييه احترم نفسك مافي عمود كهرباء وانت واقف هنا وبعد ذا طلبنا وباخذه(وجهت كلامها للعامل ) لو سمحت هاتي
مده العامل وقبل تخذه اخذه الولد
: هه مفكره اني بقول خذيه خلاص بارده مبرده
جا صاحبه: مازن خلاص عطها واطلب غيره
ساره: لحضه انت وشوله شايف نفسك وتتنفخ شوف لميت خلق الله علينا انت ووجهك عطني طلبي ولا تطولها
تدخل العامل: لو سمحت انت يخوي متا طلبت
: من شوي
العامل: الاخت طالبه قبلك بدقايق طلبك الحين نجيبه
ساره: سمعت هات الطلب بسرعه
جت لين: ساره وش فيه
ساره: مافي شي خلاص
حط مازن الكوفي واخذ طلبه وهو متفشل
وساره اخذت طلبها ومشت بعصبيه
