بعد صلاة العشاء في بيت ابو فاضل
جالسه في جلسة الحديقه وتطالع القمر بسرحان
رن جوالها وطلعها من سرحانها
كان رقم غريب: اوف ياذي الارقام
ردت بس ما تكلمت
: الوو
ساره: هلا
: السلام عليكم
ساره: عليكم السلام مين معي؟
: انا الي تهاوشت معك في المول اليوم
انصدمت ساره: انت كيف جبت رقمي ووش تبي!!
مازن بحرج وتوتر: ااا اسف ياختي بس انا صراحه سمعتك تقولين الرقم لصديقتك وحبيت اعتذر علا الي صار بالمول
كانت بترد بس شافت احمد طالع من الباب الخلفي للبيت ويترنح قامت بفجعه وصرخت لما طاح مغمى عليه وطيحت الجوال وراحت له
وصلت عنده رفعت راسه لحضنها وهي طايحه عن راسه علا ركبها: احمد احمد وش فيك احمد اصحى تكفى احممممد
قامت وراحت تجري للداخل
كانو داخلين من بوابة بيت ابو فاضل الا يشوفون ساره تجري جايه من الباب الخلفي وتبكي ماانتبهت لهم ودخلت البيت
نوال بخوف : وش بها ساره
وراحت هي الثانيه ورا ساره ولحقتها بشاير شوي الا يطلعون فاضل وابوه وثامر وساره كانت تبي تطلع بس رجعتها نوال لانو فارس برا راح فارس وابوه واتجهو لمكان راحو فاضل وابو فاضل
انصدم فارس وهو شوف فاضل يصحي باحمد
فاضل بخوف: احمد اصحى احمد وش فيك
ابو فاضل: فاضل روح شغل السياره وحنا بنجيبه
قام فاضل وراح
فارس:وش في احمد وش صارله
ابو فاضل:مو وقت الكلام يفارس تعال ساعدني
قرب فارس وابوه وساعدو ابو فاضل
وسندو احمد الي بدا يفتح عيونه ويسكرها من المويا الي رشها ثامر علا وجهه عشان يصحا وراحو به للسياره
بالداخل ساره تبكي وبشاير ضامتها
وام فاضل تبكي ونوال ساندتها وافنان بعد: يربي احفض لي ولدي ياربي تحفضه يربي
راحت ساره لامها: يمه اهدي هو بس اغمى عليه انا شفته ان شاءلله مابه شي
ام فاضل: انا ملاحضه عليه التعب من الصباح والله اني ملاحضه يارب استودعتك ولدي يارب
ضمتها ساره: خلاص يمه خلاص
بعد مده كلهن جالسات علا نار محد دق وطمنهم لنهم راحو كلهم ام فاضل: وحده فيكم تدق عليهم وتطمنا
ساره: انا بدق
تلفتت تبي جوالها بس مالقته تذكرت الا وهي طيحته بالحديقه
قامت وراحت برا شافته طايح نزلت واخذته حست في احد يراقبها
رفعت راسها الا وتشوف فارس واقف وساند ضهره علا جدار البيت ويطالع فيها بسرحان استوعبت وراحت جري للداخل وتقول براسها (وش به ذا غريبه ما راح معهم المستشفى مو مهم خل ادق علا فاضل )
وفتحت جوالها الا وتشوف اربع مكالمات من نفس الرقم الي دق عليها وهي بالحديقه الي قال انه الي تهاوشت معه طنشت
ودقت علا فاضل..
بالمستشفى دخلو احمد علا غرفه الطوارئ ودخل معاه ابوه وبقيو فاضل وثامر وعمهم برا.
وبعد نص ساعه خرج ابو فاضل وقامو له بسرعه
فاضل: يبه وش قالو وش فيه احمد
ابو فاضل: باقي عنده الدكتور يقول بيسوي له تحاليل واشعه وبعدين
بيشوفون وش الي فيه
ابو فارس: لا تخافون ان شاءلله مافي شي خطير
الكل: ان شاءلله
انتضرو لين بعد تقريبا ساعه واخيرا خرج الدكتور
الدكتور: مين منكم ابو احمد يتفضل معي المكتب
جا ابو فاضل بيمشي مسكه فاضل: يبه كلنا نبي نعرف وش فيه احمد
ابو فاضل بتزفيره: خلاص تعالو
لحقو الدكتور علا مكتبه ولما دخلو طالع فيهم الدكتور قال ابو فاضل: كلنا اهله ونبي نعرف وش فيه احمد وحنا سوا
زفر الدكتور: تفضل اجلس ياعمي
جلس ابو فاضل
