بيت ابو فاضل الساعه 4العصر
جالسين بالمجلس ويسولفون سوالف هادئه
وام فاضل ساكته وسرحانه التفت لها ابو فاضل وقال
: ام فاضل وش فيك سرحانه
ام فاضل نزلت راسهاوبصوت خافت متبي احمد يحس بها : خايفه على احمد يقولون انه مرضنه حميد بس والله اني خايفه ماقالو لك متا بيسوي العمليه
تنهد ابو فاضل وقال: لا تخافين هم قالو مرضه حميد بيتعالج وموعد العمليه بعد اسبوعين ان شاءلله
ام فاضل: يارب انك تشفي ولدي وتقومه بسلامه ياحي ياقيوم
ابو فاضل: امين يارب العالمين
ام فاضل: الا ماقلت لي منهم الي ساكنين بالبيت الي بااخر الشارع
ابو فاضل: والله ناس كانو ساكنين بحاره ثانيه ونقلو لهنى رجال وزوجته وولدهم قابلتهم بالمسجد الضهر وتعرفنا عليهم عاد ترا من الواجب تروحين تزورينهم وتتعرفين عليهم صرنا جيران الحين
ام فاضل: بشوف وتفق مع الحريم ونروح لهم زياره بس لازم نعطيهم خبر
ابو فاضل: شوفو ايات يوم بتروحون وقولي لي اقول للرجال يقول لاهله
ام فاضل: زين زين ان شاءلله
قام ابو فاضل والعيال وطلعو يشوفون اشغالهم
جت ساره وجلست جمب امها: يمه سالتي ابوي عن الي ساكنين جديد بحارتنا
ام فاضل: اي سالته وش تبين
: يمه ماقاللك عندهم بنات ولا
ام فاضل: هههههههه وش عرفه عندهم ولا ما عندهم وعشان تطمنين يقول رجال وزوجته وولدهم
ساره وافنان بنفس الوقت: يمه نبي صديقات جدد
طالعو بعض قالت ساره: حتا لو عندهم بنات بيكونون بعمري مو بعمرك
قالت افنان: وليه مايكونون بعمري انا
وبدو يتهاوشون وامهم تسكتهم لاكن لاحياة لمن تنادي ههههه__.
بيت ابو فارس _
جالسه بغرفتها هي واختها بشاير تساعدها بحل الاختبارات وتعلمها وتشرح لها تحاول تلهي نفسها وما تفكر باحمد بس غصب عنها
بشاير: نوال اذا تعبتي خلاص معنا وقت نكمل حل الواجبات بما انو بكرا بدايه الويكند
نوال: اوكي علا كيفك بس لاتجلسين تطقطقين مع صحباتك وتنسين مثاكرتك فاهمه
بشاير: يوووه نوال والله عارفه تحسسيني اني طفلة السبع سنوات ترا كبرت وصرت افهم
نوال ضحكت وطقتها علا راسها: هههههههه حتا لو صرتي كبيره لازم اهتم فيك وفي دراستك
بشاير: طيب لو تزوجتي مين بيضل معنا
نوال: بيشو ترا بدري علا هالكلام انا ما بتزوج واخليك واخلي ابوي وفارس حتا لو صار ان شاءلله بكون قريبه
بشاير حبت تصارحها بالي بقلبه وقالت: نوال انتي تحبين احمد صدق ولا مجرد اعجاب
نوال بحزم: بشاير مو اتفقنا ماتجيبين سيرة هالموضوع
بشاير : نوال انا اختك وصديقتك واذا ماصارحتيني وفضفضنا لبعض لمين بنفضفض شوفي علاقة ساره وافنان دايما يتكلمون مع بعض ويفضفضون
انتي ينوال مو بس اختي انتي امي وصديقتي وكل شي بنسبه لي ونا مابي غير راحتك كنت عارفه بحبك لاحمد من زمان بس مو ملاحضه انه يناضرك وكنك ةمظه من خواته ماابيك تنجرحين من كلامي ولا تقولين اني صغيره علا فهم الاشياء انا مابيك تعلقين نفسك بوهم فكري بكلامي زين
وانتي ادرا بمصلحتك
اخذت كتبها وطلعت
وخلت نوال بدوامه افكار هائله طول ما بشاير تتكلم وهي منزله راسها معها حق احمد ماهو حق سوالف حب احمد انسان هادي وراقي بتعامل ودايما ماكانو يشوفون بعض زي الاخوان وهم صغار بس هي تبدلت مشاعرها ماتدري هل هو حب او مجرد اعجاب
بس خلاص قرر تحط حد لمشاعرها وتحدد موقفها وتكرس حياتها لاختها ولبوها واخوها تحس انهم امانتها بعد امها الله يرحمها ماتت قبل خمس سنين يوم كانت بشاير بعمر 10 سنوات
تنهدت ومسحت دمعه عابره ماتدري وش مصدرها: اااخ يمه اشتقت لك والله اني بحاجتك كلهم يضنون اني تخطيت موتك بس والله اني فاقدتك حيييل
ياقبر طمني عسى امي بخير ؟
قلها تجيني زايره في منامي
___________"
اليوم الثاني ضهر يوم الجمعه بيت ابو فاضل
ساره بغرفتها قفلت مصحفها وقامت اخذت جوالها وطلعت تشوف امها بالمطبخ كانت تسوي القهوه
لانو الغدا يجيبوه العيال من برا
رجعو من المسجد والبنات حطو الغدا وجلسو ياكلون
ابو فاضل: فاضل كيف الوضيفه شايفها زينه يبوك
فاضل: اي الحمدلله يبه زينه والراتب حقها زين بعد
ابوه: اييه وولد عمك معك بنفس الفرع ولا
فاضل: اي يبه حنا بنفس الفرع
ابوه: عاد مابعد الوضيفه الا نزوجكم وش رايك
فاضل لما انها ابوه كلامه علا طول فكر بنوال بنت عمه بس نفض الفكره من باله فورا لانه ما يايد زواج الاقارب ابدا
(بالعكس ان اشوف زواج الاقارب عادي جدا هاذا كرأي شخصي فقط اسفه للمقاطعه وقراءه ممتعه ☺️ )
فاضل: يبه موكنه بدري علا هالكلام
ابوه: لا يبوك انت كبرت وصرت جاهز وضيفه وصار معك وشقتك جاهزه بالدور الثاني وحنا نبي نشوف عيالك ولا يام فاضل
ام فاضل: ابوك صادق يولدي نبي نشوف عيالك قبل لا ياخذ الله وداعته انت اشر بس وانا اروح واخطب لك
تنهد فاضل وطالع اخوه احمد الي صار هادي جدا : ان شاءلله يالغاليه بعد مايقوم احمد بسلامه افكر وارد لك خبر
طالعه احمد وبتسم له بهدوء
ام فاضل: ان شاءلله الله يحفضكم ويوفقكم يعيالي
الكل: امين
وخلاص يومهم كالعاده بروتين حلو راحت ام فاضل وجاراتها وزارو ام مازن وتعرفو عليها
والبنات تجمعو مع بنات عمهم بما انه ويكند وانتها ذاك اليوم علا خير
خلص البارت الثامن اتمنا ينال اعجابكم حبايبي لا تنسو الفوت وتعليق حلو زيكم اشوفكم على خير ومع السلامه ♥.
