انسحب رغم تمسكه في محمد الي حاول ويفك يد عماد
من يده بس عماد حالف ما يترك يده ف انجبر يمشي وراهم أو وراء سلطان بتحديد الي كان يجر عماد من يده
مسوين زي قطار وهذا خلى كل المدرسه تطالعهم بستغرب
طلع سلطان لساحه الخارجية وسحبهم حتى راحو وراء المدرسة ومافي احد موجود هناك غير شلته
ومجرد ما شافوا سلطان والي معه حتى تهلهل وجه فهد الي ركض ولف يدينه على عماد "اشتقت لك، للأسف أمس ما امداني اعزمك لكن نعوضها اليوم "
وخر عماد يده عنه وقرب أكثر لمحمد الي بدوره دف عماد عنه "تكلمه كائنه يسمعك، تراه اصمم " تكلم سالم
وفهد طنشه وراح يدور شيء يكتب فيه ل عماد بس عماد سبقه وطلع جواله وكتب فيه (ليه سحبتوني لهنا ؟ )
صفر فهد وهو يطالع بجوال عماد الي كان آخر إصدار
وتوه ينتبه عليه، أو خل نقول انه بعد ما شاف بيته صار يدقق على أشيائه مثل ملابسه شنطته وحتى جزمته والي كانت إثبات أكبر له على أن عماد ولد عز، وكمان كيف أنه حاطه بجيبه وداخل المدرسه عادي
(حركات ما تخاف ينسحب جوالك؟ ) نفى عماد برأسه ورجع يكتب له بسرعه وده يتركون بحال سبيله عشان يكمل موضوعه مع محمد (لا عندي إذن ما رح ينسحب،وش كنتم تبوني فيه؟ )
رفع فهد عينه لسلطان "وش كنت تبي بالولد؟" رفع سلطان علبة دخان وطلع وحده منها وولعها "مو أنت كنت تبي تكلمه عشان غدنا اليوم؟ " ابتسم فهد ورجع لف يده حول كتف عماد لما تذكر كلامه أمس، سحب جوال عماد وبدأ يكتب (كنت بقول لك اننا نطلع ناكل برا وكذا بعد المدرسة )
كشر عماد وكتب (معليش بس انا بطلع مع محمد مقدر )
قلب فهد عينه وطالع ب محمد الي بدوره تجمد مكانه بس حاول ما يبين خوفه (ما عليك لعيونك نخذ الرخمه ذا معنا ) عقد عماد حواجبه ل إصراره، هذا ما يفهم (لا ما ابغى اطلع معكم )
تعكرة ملامح فهد و بأن الغضب عليه ، كيف يرفضه كذا حتى أنه ما سوى له شيء أو إذاه! ، قرب فهد من عماد ومسك يده الملفوفه بشاش بكل قوته بغرض انه يخوف عماد الي بدوره حط يده بيد فهد وسحبه جهته واستغل تفاجئه في انه يلوي يده ويدفه بعيد عنه
وحركته خلت سالم و الوليد يصفرون له وسلطان يرفع حواجبه بسخرية على فهد الي كان فتح فمه ب تفاجئ من الي صار
بينما عماد راح يتحسس يده الي صارت توجعه أكثر
ثم تنهد و تحرك جهة محمد ومسك يده يسحبه عشان يرجعون الفصل، "تحرك خطوه معاه والله إن إكسر يدك الثنتين مو بس يد وحده " تكلم فهد وهو يطالع محمد
الي ارتجفت كل أطرافه من حس بنظرات فهد عليه و تهديده الي يعرف انه بينفذه بالحرف
فشد على يده و وقف مكانه بعجز، اما فهد اخذ له نفس وتحرك يسحب جوال عماد الي استنكر فعلته لكنه ضن انه يبي يكلمه بس لا لأن فهد فتح كفر جواله وسحب بطاقته الصرافة، ثم بدأ يكتب له
ما تحرك عماد من مكانه رغم أنه عرف وش كان يبي منه فهد وسلطان، اخذ له نفس عميق لما شاف إن فهد طول بالكتابه ف راح له وسحب الجوال و قفلة بدون ما يطالع لكلام فهد وتحرك راجع لداخل المدرسه
وهو يسحب محمد وراه بس بنص الطريق وقف وكتب (وش رأيك نروح نشتري شيء خفيف لنا قبل تخلص الفسحه؟ ) كانت تعابير وجه محمد ما تنوصف توه انسرق ويقول نروح نشتري؟ مجنون هو (لا انا برجع الفصل ) تحرك محمد للفصل وعماد راح وراه ومجرد ما جلس كرسيه جلس عماد جنبه (ليه؟،خل نشتري شيء ناكله، ما عليك بشتري على حسابي )
سحب محمد الجوال وكتب وباين عليه انه معصب (ما تفهم انت! انقلع خلاص انا ما ابيك ولا ابي مشاكلك، الي فيني مكفيني ما ابي اتورط مع سلطان وفهد ) أعطى الجوال عماد وودفه بيده عشان يبعد بس عماد طنشه (حتى إنا ما ابي مشاكلهم، أنا أبي بس اصادقك )
ما رد عليه محمد، فقام وطلع من الفصل وهنا محمد رجع لف الشماغ حول رأسه وسند نفسه على الكرسي
وأخذ نفس عميق يبي يصفي أفكاره بس ما امداه إلا ويجي عماد و بيده عصير و كندر ويحطها جنبه (لا تصير نفسيه تراني ما اكل احد ) تنهد محمد وفتح العصير يشرب منه
.
طلعت من المدرسة متجه للبيت، وحاط شنطتي فوق رأسي من الشمس والحر، لا إله إلا الله من حراها لازم لي ب مضله أو قبوع ما ينفع كذا بحترق
قربت من البيت وانا ودي ما اقابل الكلب بس والله صعب
فقد الأمل، إحنا أساساً نطلع بنفس الوقت مستحيل ما أشوف خشته، قربة بس ما كانت سيارته موجوده فحمد ربي ورحت جبت أركان من عندهم بدون اي مشكله
.
خرج فهد من المدرسة وعلى سيارته متحمس "اقول وش تبون تاكلون؟" عاد جته الردود المختلفة
"مندي "
"كبسه"
"لحم "
طالعهم وهو يضحك "ناخذ لحم، خل نعبي بطونا دامه ببلاش" اتفقوا معاه وراحو لأقرب مطعم وطلبوا أفضل شيء عندهم و مع كمية سلطه ولبن يعني دلعوا أنفسهم صح
لكن عماد كان مجهز لهم مفاجأة كبيرة
.
.
.
السلام عليكم ورحمة الله وبركاته
كيفكم ؟
استمتعوا
ولا تنسون أهلنا بفلسطين من الدعاء والمساعدات والمقاطعه
اللهم انصر إخواننا فب فلسطين وحرر اسراهم واشف جراحهم وتقبل شهدائهم
وثبت اقدامهم والف جمعهم ووحد صفهم وقو عزائمهم وكثر عدتهم واشدد ازرهم ودبر أمرهم
ومددهم بنصر من عندك ياعزيز يا قدير يارب العالمين
سؤال
سبب هدوء عماد مع فهد وتصرفاته
ليه متعب يتعامل مع عماد بقسوة
وش ممكن تكون مفاجأة عماد لفهد
وصلوا ٥٠ كومنت
وح ينزل الفصل ٨
وبس
