-
الجزء الـأول
-
الجزء الأول
— — —
في الحـاره -
في وسط ضجيج الأطفال و لعبهم
متساند على جدار البيت و مقفل أذانيه
سلميان و هو يضرب نمر على كتفه: نمر..قم ألعب معنا
نمر و هو مقفل أذانيه : ما ابي .. سليمان ما ابي ..خلاص
جلس سليمان جنب نمر : طيب .. ليش ما تبغى تلعب ؟ .. ليش مقفل أذنك ؟
نمر : ابوي صارخ بأذني .. أذني تعورني
سليمان : عادي .. حتى انا .. ابوي يصارخ بأذني
نمر : بأستمرار ؟
سكت سليمان ثواني يفكر : لا ..
نمر : يضربك و يضرب اخوانك ؟
سليمان بأستغراب: طبعًا لا .. و انت ليش تسأل ؟
نمر : بس اتأكد اذا الكل نفس ابوي ولا ..
سليمان : خلاص نمر تعال العب معنا ..قبل لا يأذن الظهر
قام نمر يلعب مع الأطفال كوره
إلى ما سمعوا أذان الظهر
كل واحد توجهه لبيته
دخل نمر البيت و هو يتلفت يمين و شمال
ام نمر : وش فيك يا نمر تتلفت ؟
نمر بهمس : ابوي هنا ؟
ام نمر : لا .. ابوك طلع من ساعه تقريبًا عند ابوك بدر .. وش فيك ؟
جلس نمر عند أمه في الصاله
كان البيت قديم
فيه حوش صغير
و الصاله قدام المطبخ
و ثلاث غرف
و مجلس صغير
جدران البيت كانت ممشخه
و فيها بعض الكسور الصغيره
و الابواب صبغتها متقشره
-
جلس نمر عند أمه بالصاله
نمر : انا خايف من ابوي .. لأنه قال اطلع عند الباب و لا تتحرك .. بس انا رحت العب شوي مع العيال كوره .. لأني طفشت ..
ام نمر و هي تمسح على راس نمر بحنيه: لا تشيل هم يا نمر .. العب مع الأطفال و انبسط .. ابوك .. دايم كذا .. يهاوش و يضربكم .. وش الجديد يا ولدي ..
نمر : بس انا تعبت من ذا الحاله ..
ام نمر : ما يصير نقول كذا يا نمر .. أنت رجال .. لازم تصبر و تسكت .. مهما كان .. هذا ابوك .. ابوك يا نمر
نمر : وين فزاع ما صحى للأن ؟
ام نمر : روح قوم اخوك و خواتك .. الظهر أذن
