الكــــــــــــــــاتبة يـــاقوت ⚖️
نوال: هيا نوضي يا افنان بسرعة الحوش يبي تنفيض والجنان البرا يبي تسيق بسرعة نوضي
افنان: بس اليوم الجمعة خليني نرقد شوي تو نديره بعدين
نوال: اني بنمشي لى اهلى و تسنيم و انسام بنرفعهم معاي و نروح غدوا نلقا الحوش مضموم فاهمه ولا تعرفي شني عقابك
افنان: بنقعد بروحي باهي ارفعيني معاك
نوال: مستحيله نرفعك اصلا اشكري ربك اني مخلياتك معانا
افنان: باهي خلي انسام او تسنيم معاي
نوال: لا، باش ديريهم سبلة وتقولي مخلونيش نضم نوضي تحركي
افنان: بخوف باهي اني نايضة
نوال: ودير لغدي لى عمك فاهمه، ومشت
افنان: في خاطرها علاش خليتوني يا امي و يا بابا علاش ما متش معاكم علاش خليتوني في لعذاب هذا اني تعبت مافيش حد يحن عليه
اسامة: هيا يا نوال كان بنرفعك مزال بنمشي لسوق بسرعة
انسام: بابا جيبلى معاك شكلاطة
اسامة: حاضر يا حبيبت بابا نجيبلك شن تبي
تسنيم: حتى اني نبي بابا
اسامة: حتى انتي تو نجيبلك قداش عندي اميرة اني
نوال: هيا اني جاهزة انت ارفع حط هذم في سيارة و اني هاني جايه
اسامة: و افنان وينها
نوال: بتقعد تضم الحوش
اسامة: كيف بتخلها بروحها في الحوش انتي بتمشي و اني بنمشي لصحراء كيف تقعد بروحها شني يقولو علينا ناس بعدين
نوال: منقدش نرفعها معاي خواتي ملتمات وبعدين مش حا يتريحو بوجودها اصلا هو يوم ماعنده ماصايرلها
اسامة: لالا ميجيش خلى تسنيم معاها ع اقل
نوال: بس يا ا....
اسامة: لا بس لا شيء يا تقعد تسنيم يا تقعدو كل
نوال: في خاطرها غير امت بنفتك منها و خلاص، باهي خلى تسنيم تقعد
تسنيم: هي بنقعد مع افنان بتجيبلنا بابا شكلاطه
اسامة: اي
غيداء: نبي فنان
نوال: لا انتي صغيرة هلبا منقدش نخليك بتمشي مع ماما هي
اسامة: هيا اطلعي
امل: جيداء درتي دار خوك ساويتيها بيروح تعبان اكيد
جيداء: اي ساويتها من صبح بس خيره تأخر
امل: على جيه معادش هلبا ويوصل
جيداء: صحه ليه خويا قري برا وكمل وخدم برا عاش حياته وليه اسبوع تو مسافر جو
امل: حتى انتي تو تكملي برا وتخدمي برا غير خلى يجي وقت
جيداء: اصلا من حد توفى بابا مراد خوي معادش يحب ليبيا هلبا
امل: الله يرحمه ويغفرله ، هذا حال دنيا وتو يتعود المرا هذي بنزوجه وكان هو معنداش وحده في راسه، اني بنشوفله بنية ناس
جيداء: بس بعد اميره مراد كره سريب بنوت
امل: لا كرها لا شيء موضوع هذا ليه سنين وسكر
جيداء: ان شاء الله
امل: شفتي الجنان برا
جيداء: اي لقيت ميكا ضماته ومشطبه الامور كله
افنان: انتي تعالى هني قعمزي وتفرجي و اني بنضم الحوش باهي تسنومه حبيبتي
تسنيم: باهي
افنان: نضم الصالة قبل وبعدها غرفة صغار و بعدها غرفة ضيوف وبعدها مطبخ وتقعد غرفة عمي وعمتي نوال بس هي متحبش اني نمس حاجه في غرفتهم، احسن نفوتها مش ناقصني عياط وتكشيخ
تسنيم: بابا جي
اسامة: وين افنان
افنان: نضم في صالة
اسامة: بنقلك اني مش قاعد للغدي بنمشي مش لازم ديري وهذا جبتهولك انتي وتسنيم باش متقعدوش بلا عشيء وبلا فطور غدوا
افنان: حاضر
اسامة: اني بنطلع ردي بالك على روحك وعلى تسنيم باهي يا افنان
افنان: ان شاء الله، يعني بتبات البرا عمي
اسامة: اي، وخلي هاتف مفتوح باش نطمن عليكم وسكري بابا بمفتاح وماتفتحي لحد باهي
افنان: وهي خايفه حاضر
زهرة: شني يا نوال تسنيم وينها
نوال: خليتها مع افنان اسامة قال خلها تقعد معاها او ارفعيهم كل خليتها تقعد معاها
زهرة: حرام عليك يا بنيتي لبنية يتيمه ومعندها حد جبتاها معاك تقعد بروحها تندري على دنيا
نوال: ماعنده ماصايرلها قداش مرة تقعد بروحه
زهرة: لديري فيه غلط يا نوال غلط ربي يمهل ولايهمل
نوال: شندرتلها اني يا امي اصلا تشكر ربي انا مخلينها عندنا في الحوش ونوكلو فاها
زهرة: بس هذا حقها بعدين هي بنت سلفك و مفروض زي بنيتك ديراها مش خدامه عندك
نوال: خيرك امي كأنك تلزي فيه
زهرة: ربي يهديك يا بنيتي
مراد: الو
امل: وين وصلت يا مراد
مراد: كيف طلعت من مطار يا امي
امل: باهي يا وليدي توصل بخير، اسمع بنقلك
مراد: تفضلى يام
امل: تقدر تدهم على حوش خالك تقله يجي عندنا يتعشى
مراد: تعرفيني امي مانحبش نمشيله
امل: يا وليدي غير برا بعدين مش على خاطره هو، اني نبي نشوف افنان ليه هلبا ماشفتها وهما ميخلوش فاها تطلع غير شوفهم سلم وليدي
مراد: حاضر امي
امل: وقلى شني يصير معاك سلم وليدي
مراد: ان شاء الله وسكر الخط، كان ناقصني نشوف شكلات لزيه اني
رهف: ولله ما تتحشم مرت عمك هذي كيف تمشي وتخليك بروحك و دنيا قريب ليل وعمك خيره شكلها تكر فيه من وذانه
افنان: تعبت يا رهف تعبت عايشه حياتي زي الخدامه لا نطلع لا شيء وحتى جامعة معادش خلوني نكمل و مليت من الحوش
رهف: حاسه بيك يا قلبي انتي هو نبي نجيبك يوم عندي تهدرزي بس تعرفي اخر مره مرت عمك كيف تصرفت
افنان: عارفه وحتى لو جيتي انتي عندي هي مش حا تخلينا نهدرزو مع بعض و اني خاطري نشكيلك لاني تعبت و اني ندس في قلبي
رهف: باهي خوالك وين علاش متكلميهمش يجو ياخذوك
