هل يوجد اسوء من ان تشعر بالشفقة على نفسك بسبب نفسك.؟
_
غيمَ: درت وجهي اريد اعرف مصدر الصوت طلع نفس شخص (اركان) ويحجي بأسلوب مستفز
اركان: عيني شلة الكاوليهه شنو القصة؟؟
غيمَ: تقدمت للطاوله صرت بعد كم متر بيني وبينه وحجيت بهمس بأذنه " مو كل الناس مثلك يا ساقــ** "
اركان: ردت اكمشها واسحلها بس ماكدرت حسام وعبدالله صافنين عليه وهمين احنه بالمطعم وعيوني صارت حمر ... ابتعدت عني وضلت تتمشى بثقة .... من ذيج اللحظه حلفت اطلع حليب امها من خشمها
غيمَ: مشيت بثقة .. وابتعدت عنهم شوي شوي رجليه مجاي تحملني احس عيوني غوشت كمت اضرب بـ راسي واصيح بـ صمت شنوو سويت اني ..؟! نعااال هذا لو عقل لج غيمَ اصحي ..... يا حسين ساعدني شسويت اني تذكرت عيون الرجال شلون جانت حمر جنهن طماطه عروق كصته طالعه من عصبيه ماسمع الا صوت من برا
حسام: مي نريد مي عيني
غيمَ: صوته عالي شنوو هاي واني بغرفة الاكل سمعته دخيل ابو فاضل رحت انطيته مي سحبني من ياخه التيشيرت وكال
...
حسام: وحق الخلقج راح تندمين على سويتي وحجيتي !.
غيمَ: سحبت روحي عنه وباوعت عليه نضره مال وحده ماتهتم لهم ... ورحت واني دكات گلبي صارت بأذني الكعب انكسر واني دامشي وكعت بنص صالة الطعام .... اجاني سرمد يركض
سرمد: اسم الله خيرج غيمَ تعالي كومي
غيمَ: كوه سندت روحي على سرمد صعدني لفوك كعدت بغرفة السكن ضليت اضرب صفنات وافكر شراح يصير و قاطع صفناتي ......
سرمد: هاج مي غيومه راح انزل اخذ مكانج جوا اذا تردين شي بس صيحي تمام؟
غيمَ: تمام عيوني
من طلع خذت نفس وكلت اويلي عليج حنين خوش رجل عندج تعتمدين عليه ....
فتحت دگم قميصي رحت توضيت لبست ايزار الصلاة .... خربب بيه صليت المغرب والعصر كلهن قضاء بعدين صليت ركعتين لأبو فاضل وضليت اضرب صفنات واكول
" ياكاشف الگرب عن وجه اخيكَ الحسين اكشف الگرب عني بحق اخيكَ الحسين "
ضليت اكولها وابجي فجأه.... دخلت عليه حنين شعرها مخربط وتتنفس بصعوبه وملامحها كلها خوف اخذت نفس وصيحت بصوت عالي
حنين: لج غيمه الحككييي زهراءءءء اجتتت ....
يتبع ....
الكاتبة ابـتـهاج
تتوقعون شنو راح يصير بالبارت الجاي؟
أنت تقرأ
غَـيِمَ عَـقُـاربْ الـسـاعـة
Mystery / Thrillerهل يمكنك تحمل الالم لـ اوقات طويلة هل يمكنك ان تتظاهر بالسعادة كما تظاهرت انا؟ هل يمكنك ان تعيش بوسط عائلة تكرهك كما فعلت؟ هل يمكنك العيش مع ام لم تهتم يوم لـ امرك كما فعلت انا؟ انا غيمةً كنت رقيقة بـ يوم لكن كل شيء تحول الى جحيم عندما بلغت ... لم...
