أثكل شوية يگلبي
أدري بيك تريد تبچي
أبچي وحدك أنه ساكت .
____
"غيم"
اركان: يـابه شبي وجهج صار يضرب الوان اجيت احجي وياج بهدوء
غيم: لا مابيه شي احجي
اركان: زهراء سرقت بضاعتي خاسر عليها فوك المليارين ..ماكو اي خط تواصل يربطنا بيها بس انتِ لي مخبلني شلون لحد هسه ماجت عليج!
غيم: ولا راح تجي داكلك تكرهني تموت مني تجي تنقذني؟ كل عقلك؟!! ... هههههههه ضحكتني.
اركان: ادري تعرفين مكان .. زهراء البارحه اجت للمطعم سألت عنج .
غيم: بلعت ريكي خايفه لا حنين ومحمد يتورطون ... عادي واذا دائما تجي للمطعم مو اول مرا ..!!
.
.
.
.
.
.
اركان: غير كلتي كل شهر او سنه تجي للمطعم؟ صارلها 4 ايام طابه طالعه للمطعم
غيم: اختنكت من ريحة الجكاير يحجي ويسحب نفس من الجكاره .... مادري انتو غلطانين جبتوني لهنا لأن مافيدكم بشي ...
غيم: حسيت وجه اركان انگلب 180 درجه عيونه صارت حمر كمش شعري من ورا وضل يصيح
اركان: انا مو غلط انا صح وانتِ غلط انا صح وانتِ غلط
غيم: ضل يردد هاي الكلمات واني كمت احس رجفة گلبي نزلت دمعتي وضليت اصيح
اركان: انا الصح الوحيد الـ هنا كلكم غلط انا صح. هسه اشوفج انا صح وانتِ غلط
غيم: عيوني مغوشه اشوه راح جاب الواير الكهرباء ضليت اصيح وارجع لورا .. حباب لااا حباب ماريد ماريد يعورني اتسودن ..لزمني من شعري وحط الواير براسي اول ماحطه احس روحي طلعت ضليت اصيح مثل المخبله
اركان: انا صح كولي انا صح
غيم: انتَ صح واحنى غلط.. ضليت اردد وياه واحس روحي تطلع واصيح ..اول اسم اجا بالي العباس ..
غيم: ضليت اصيح يابو فاضل بجاه ضلع زهراء الحكني اني كلت هيج واحس صعقه كهربائيه هزت جسمي هز راسي لطخ بالحايط عيوني غوشت اشوف دم بالكاع .. هذا دمي؟..
الألم ليس في جسدي
انه في روحي.
__
.
.
.
"غيم"
ارفع راسي اشوف اركان واكف فوك راسي يضحك ويردد ..انا صح وانتو غلط.. الم فضيع براسي ماكدر اصيح وماكدر اكوم رجفة جسمي من استوعبت الدم هذا مني لحضه وحده ماحس يمتها غفيت
"حنين"
بعد غياب 4 ايام عن النوم واخيراً نمت وحلمت بزهراء كأن شايله غيم وتفتر بيها بين الناس وتصيح هاي بتي اسمعو ياناس هاي بتي وجن اجا رياچيل 3 اخذو غيم من زهراء وهيه ضلت تصيح فزيت مخروعه .... وضليت اردد بصوت علي بسم الله الرحمن الرحيم اعوذ بالله من الشيطان الرجيم ...
أنت تقرأ
غَـيِمَ عَـقُـاربْ الـسـاعـة
Mystery / Thrillerهل يمكنك تحمل الالم لـ اوقات طويلة هل يمكنك ان تتظاهر بالسعادة كما تظاهرت انا؟ هل يمكنك ان تعيش بوسط عائلة تكرهك كما فعلت؟ هل يمكنك العيش مع ام لم تهتم يوم لـ امرك كما فعلت انا؟ انا غيمةً كنت رقيقة بـ يوم لكن كل شيء تحول الى جحيم عندما بلغت ... لم...
