أَكو نُقطة بسواد العِين
بهاي النُقطة خَليتك
.
.
.
.
.
.
.
.
غيم: يامَـدمر؟
جِساس: راجس غير انتِ تردينه!!
غيم: اي اسمه راجس لعد المدمر منو؟
جِساس: لقب انا وجماعتي نصيحله
غيم: نروح هسه؟!!!!
جِساس: اي تردين ترحين هيج؟
غيم: باوعت لنفسي متروسه مي والدشداشه ناكعه....لاا هاا دقيقه ابدل
جِساس: انا بالصاله من تكملين تعالي
غيم: ان شاء الله
غيم: حنين وينج تعالي
.
.
.
.
.
.
حنين: هاا يمه
غيم: اريد ملابس
حنين: الكنتور وراج واخذي
غيم: انطيني وحطيلي فدشي يوخر هاي الجروح
حنين: لا والله تعالي
غيم: حطتلي مال جروح وانطتني تشيرت وستره وبنطرون ومشطت شعري
حنين: يله روحي ....تعالي تعالي
غيم: ها
حنين: ليش راجعتله برجليج؟
غيم: مادري احس گلبي يريده وعقلي ينكره
حنين: مال راشدي الطخج بالحايط ليشوفج مايكول ذبت لحم على رجلها
غيم: لا تذكريني حبابه لا اطكها بجيه لباجر
حنين: لا يمه اسكتي اسكتي كلمن يموت بساعته وهذا قدر.
غيم: بس اني جنت اكدر اكله وخر بس مالحكت كله من وراي
حنين: شفتي؟ القاتل شفتي؟
غيم: اي واعرفه
حنين: لعد لسانچ ابلعي ولا تكولين لأحد
غيم: ليش
حنين: جِساس اذا عرف الج ايد بهاي الشغلات يحطج ويكطعج فـسكتي
غيم: دولو
حنين: استلمم روحي شحجس وياج عذبتوني اليوم انتو
غيم: اهووو راح تذلينه ست حنين
حنين: اذلج ستين مره
غيم: انطيني بوسه وببايييي
حنين: تحسرج الزهره يابعد اسمي
.
.
.
.
.
.
آنـا؟
غيم: وطوينه صفحة جديده من الحياة صعب يكون عندك وجهين واصعب من كل هذا تمثيل الفرح والأبتهاج . اقرب شخص الك دَيدمر بسببك وتحاول تبعد نفسك حتى ماتسبب الأذهَ والحزن لأحبابك ، تعرف سبب معاناتك بس ماتكدر تنتقم من اي احد ، تاخذ طريقك لشخص ماتعرف نوايهُ الحقيقه تحاول تكون قوي بس الحياة تغلبك تتجهِ لطريق الفرح السعاده بعيدا عن ارادة قلبچ بس الحياة توكف بنص هذا الطريق شعور الذنب من يدخل لقلبچ ياخذ ركن بي ويضل يروح ويرجع للأسف انـا چتالة رچلي منين اجيب الثار؟ هالكلمه فكرت بيها طول ليله الراحت بس لو اخدنه الموضوع بعين الـأعتبار اركـان سبب كل هذا فتره زمنيه ماكدرت افتح حلكي واكله ..حبيبي ابتعد منه.. اركـان جان منتضرني اشوفه حتى يثبت نفسه وكأنه يكول تردين تفرحين وانا موجود؟ شعور الندم والخذلان الضرب والحزن والدموع راح ترجعلي محمد؟ الأجابه لا ...بكل مره اخسر شخص ارجع لگلبي واطوي صفحة جديده واحاول افقد الذاكره ..شنو يصير لو ربي اعطى للأنسان قدرة النسيان؟ من الممكن يكون التخطي اسهل لاكن كل شي يعطي ربي بي الف سبب حتى نتعلم من اخطاءنا ونواجه صعوبات الحياة ....
غيم: تحركت من مكاني بعد طول تفكير ومشيت اول خطوه بحياتي ماجنت ادري بعد هالخطوه راح اتغير.
جِساس: خلصتي؟
غيم: اي يله نروح
جِساس: يا اهل البيت ماشين
سرمد: هاي زيارتك مامحسوبه
جِساس: ان شاء الله على الجايات
سرمد - حنين: الله ومحمد وعلي وياكم
.
.
.
.
غيم: وانسد الباب ورانا وبديت حياتي الثانيه ...اول مرا من 17 سنه اتخذ قرار من قرارات گلبي عادتي وطبيعتي قرارات عقلي هي الأصح شنو راح يصير لو اتخذت قرار گلبي؟...قاطع تفكيري كلام جِساس.
جِساس: منين تعرفين راجس؟ صديقه واعرفه من شغل للبيت مايطلع من هذا المربع
غيم(بداخلي): لعد منو خطفني ابوي؟!
غيم: لا هاا عرفته صدفه واريد من عنده شيي(اريده يقتنع واني نفسي ممقتنعه)
جِساس: استغفر الله..دكولي راح اكلج مثلا
غيم: هاي شنوو كوه ماريد اكول
جساس: هههههه غصب
غيم: كطعت الحديث ودرت على جهة الجامه ...لي اعرفه طريقنا طويل واكره التفكير اكطع حبل افكاري بالنوم.
.
.
.
.
فزيت على صوت فتحت باب السياره وطول راجس واكف كبالي البيت نفسه لي نحبست بي رجعتله برجليه الألم والتعذيب راح ينعاد لو راح نبدي صفحة جديده؟ شنو قصته منو هوا وليش ساعدني ياريت لو اعرف انكطع حبل افكاري بصوته
راجس: ورجعت حبيبة گلبي
يتبع ....
الكاتبة ابـتـهاج
تتوقعون شنو راح يصير بالبارت الجاي؟
🚫: هلااوو غـيماتِ انا الكاتبة ابتهاج ياسر ذكرت بقناتي تلي انو من الأربعاء راح ابدي انشر بارتين بارت واحد لأن عرس غيم يوم 28 وبطلتنا حبت نخلص الروايه قبل العرس ان شاء الله خير راح اخلي رابط قناتي تلي اول تعليق ...اعتذر كلش منكم البارت گصير بس تمشية حال مؤقته😂❤️.
أنت تقرأ
غَـيِمَ عَـقُـاربْ الـسـاعـة
Mystery / Thrillerهل يمكنك تحمل الالم لـ اوقات طويلة هل يمكنك ان تتظاهر بالسعادة كما تظاهرت انا؟ هل يمكنك ان تعيش بوسط عائلة تكرهك كما فعلت؟ هل يمكنك العيش مع ام لم تهتم يوم لـ امرك كما فعلت انا؟ انا غيمةً كنت رقيقة بـ يوم لكن كل شيء تحول الى جحيم عندما بلغت ... لم...
