លាវ​ឆោម​ចន្ទ ລາວດວງເດືອນ 🌕✨️

ភាគទី៦ " បណ្ដេញដួងចន្ទ "

" ក្នុងតំណាក់ធំ "

" កាលបើអ្នកអង្គម្ចាស់ឌឿនយាងដល់តំណាក់ធំហើយទ្រង់ក៏ម្នីម្នាចូលទៅគាល់ម៉មផាដាវតាមការគួរសមដើម្បីកុំឲ្យចាស់ទុំអង្គុយចាំទ្រង់យូរកាលយូរវេលា។ លុះយាងចូលមកដល់ក្នុងតំណាក់ហើយអ្នកអង្គម្ចាស់ឃើញម៉មផាដាវគង់អានសៀវភៅដោយមានបាវបម្រើអង្គុយនៅក្បែរចាំអង្គុយច្របាច់ជើងឲ្យព្រះអង្គ។

~ អ្នកអ័ក្សជាស្ដ្រីបម្រើមានវ័យរាងចំណាស់ដែលបានទៅយាងអ្នកអង្គម្ចាស់មក គាត់ក៏បានអមដំណើរទ្រង់មកដល់តំណាក់ធំរួចក៏បានហៅបាវបម្រើដែនៅចាំបម្រើម៉មផាដាវឲ្យចេញទៅក្រៅដើម្បីឲ្យចៅហ្វានាយមានរឿងត្រូវពិភក្សាគ្នា "

អ្នកអ័ក្សៈ នួន! ~ហៅឈ្មោះស្រីបម្រើម៉មផាដាវចេញទៅ។

ភឹប!!!~ កាលបើនាងនួននិងអ្នកអ័ក្សចេញទៅអស់ហើយម៉មផាដាវបិទសៀវភៅយ៉ាងខ្លាំងលាន់ឮពេញតំណាក់រួចក៏សម្លឹងទៅអ្នកអង្គម្នាស់ឌឿនដោយកំហឹង រួចទ្រង់ទាញយកកូនផ្លិតពណ៌សមានក្បាច់ផ្កាឈូករ័ត្នយកមកបក់។

កាលបើឃើញអ្នកបម្រើចេញទៅក្រៅអស់ហើយអ្នកអង្គម្ចាស់ឌឿនយាងចូលទៅក្បែរម៉មផាដាវហើយទ្រង់ក៏គង់រាប់ស្មើនឹងការ៉ូនៃតំណាក់ធំ ចំណែកឯម៉មផាដាវគង់លើសាឡុងហើយបក់ផ្លិតយ៉ាងប្រងើយ។