يا قصيدة عمري اللي تكتبيني كل يوم حرف من نغمة هواك .

بارت ٧

يوم ثاني جلست العايله وقرروا يروحون يركبون دببات وايناس كانت نايمه دخلت عليها مها وقالت : ايناس ايناس جلست ايناس وش صاير !! مها :الكل بيروحون يركبون دببات بتجين ؟؟
ايناس : لا مالي خلق بروح اركب بحر بعدين
مها : تمام انا بروح باي راحت مها بحماس ايناس سالت نفسها تركي بيروح ؟ تركي كان جالس بالاسطبل ويفكر بإيناس وقال داخله : انا لازم اعترف لها لالا تعوذ من الشيطان ياتركي وهو يكلم نفسه دخل عليه خالد وقال: بتروح الدببات ؟؟ تركي لا موجوي ازعاج وفوضى بجلس هنا روحوا انتوا استانسوا دخلت مها وسلمت على تركي وخالد وقالت لتركي : تركي بتروح معنا تركي: لا مالي خلق مها : حتى اختي ايناس ماراح تروح تركي فرح وقال : منجد !! مها : اي راحت مها وخالد وبعدها تركي قال اكيد انها بتجي الاسطبل الحين تركي ركب بحر وتمشى فيه وبعد نص ساعه دخلت ايناس الاسطبل ومالقت تركي ايناس لفت وجهها ولقت تركي ينتظرها وهو على ظهر بحر وقال ايناس صباح الخير ايناس: صباح النور ابي بحر تركي ضحك ونزل من ظهر بحر وقال: ليش مارحتي معهم
ايناس : موجوي دببات وازعاج ضحك تركي وقال : حلو
وعند خالد ومها : خالد راح وركب الدباب وبعدها مها ناظرت وقال خالد تعالي ركبي معي مها : لا طبعا اعرف اركب لحالي سحبها خالد من يدها وركبها معه ضحكت وقالت : خالد شفيك .. خالد مارد وهو مستانس تاخر الوقت وخالد ومها بعدو عن الشاليه كثير مها : خالد احنا وين !! خالد : مدري شكلنا بعدنا وماحسينا مها عصبت وقالت : غبي انت !! ولا تستعبط ولا ايش وهي قريب تبكي وجالسه تدف خالد خالد مسك يدها بقوه وقال : يابنت روقي شوي قرب منها وهو شادها وناظر فيها ثواني وماحس على نفسه وباسها مها استحت وخالد قال : اسف ماحسيت مها ماردت وجلست على طرف الدباب وهي منزله راسها خالد قال بقولك شي مدامنا بحالنا رفعت راسها مها خالد : مها انا احبك ومن زمان بعد مها فرحت بس مابينت له وقالت ويعني ؟؟ خالد : تستعبطين يابنت وش ويعني !! اقولك احبك ماقدرت تمسك نفسها وماتت من الضحك خالد مسك يدها وسحبها لعنده وقال هاا تبين بوسه ثانيه ؟ مها وقفت وقال لا وهربت بسرعه وهي تضحك وقالت يلا نرجع خالد وهو يلحقها تعالي يابنت وين بتروحي صبر فتح خالد جواله وشاف انه مافيه نت ولا ارسال فقال لمها : شكلي بعيش معك للابد هنا مها: لا طبعا ماابي خالد : وهو يغمز لها ماتبيني ؟ مها : ضحكت وقالت : لا بس مابي اعيش هنا قال خالد : ماعندي مشكله مدام معك استحت مها وقالت يلا خلنا نحاول نرجع فتحت مها جوالها وحاولت تدق على ايناس ردت ايناس وقالت : هلا مها قالت لايناس كل الي صار وعلمتها على مكانهم خالد تضايق شوي لانه كان وده يجلس معها اكثر فرحت مها وقالت: يس ايناس بتجي الحين خالد جلس على الدباب وقال : ويعني ؟ خلها تجي مها : اذا ماتبي انا بروح عنك وانت اجلس هنا خالد: اذا عشانك عادي ماعندي مشكله ضحكت مها وعند ايناس وتركي شاف تركي ايناس وهي طالعه ومعاها مفتاح السياره لحقها تركي وقال : ايناس وين رايحه ؟؟ فهمته السالفه وقال بجي معك ايناس : ليش ؟ تركي ماراح اتركك بلحالك بهالليل فرحت انه يهتم فيها وقالت تمام ركبوا سيارة تركي وكانت ايناس تتامله طول الطريق وهو يناظر فيها دقت ايناس على مها بس جوالها مسكر خافت ايناس تركي : لا تحاتين بنلاقيهم حاول تركي يدق على خالد بس نفس الشي استسلموا تركي وايناس وقالت ايناس يعني ما راح نلقاهم تركي : لا تخافين أكيد دبروا نفسهم يعني ما راح يظلون كذا قاطعهم اتصال وتركي قال هذا خالد رفع تركي الجوال ورد على خالد قال : الوو خالد قال: أبشرك يا تركي حنا رجعنا تركي: ها وش تقول كيف خالد قال ما أدري صراحة مشينا على الخط وما شفنا نفسنا إلى الشاليه قدامنا تركي قال الله يغربل بليسك يا خالد احنا جالسين ندوركم قفل تركي من خالد وقال لي ايناس أبشرك تراهم رجعوا الشاليه ايناس :وناسه وأخيرا الحمد لله تركي كان مستأنس انه ايناس جنبه و انه كل لحظة تجمعهم مع بعض فقال تركي ايناس ايش رأيك نروح ناخذ لنا قهوة ونتمشى شوي ايناس : ما عندي مشكلة تركي فرح  اخذ لهم قهوة وبعدها شوي بعد ساعة تقريبا وهم جالسين يتمشون تركي قال ايش رأيك ننزل البحر؟ ايناس قالت تمام نزلوا ايناس وتركي على البحر وسال تركي سؤال ايناس سؤال مباشر السؤال هذا صدم ايناس قال تركي : ايناس بسألك ايناس :هلا تركي:  لو خطبتك توافقين ايناس : ها ايش تقول أنت كيف يعني لو خطبتني تركي: أنتي تعرفين إني احبك بس مو جوي المكالمات ولا الحب الي من من بعيد لبعيد أنا احبك وأبيك بالحلال لو تقدمت لك توافقين ايناس وقفت وما ردت عليه وقالت وهي مستحية أبي ارجع السيارة يا تركي رجعت ايناس سيارة تركي وتركي كان واقف ضحك ومشى وصلوا ايناس وتركي الشاليه نزلت ايناس بدون ما تقول لي تركي ولا كلمه راحت ايناس قالت لمها على كل الي صار لها مها فرحت وقالت الله حماس ومها قالت لي ايناس على كل اللي صار لها وقالت انه خالد اعترف لها بحبه ايناس فرحت لاختها مها كثير قالت الله شكلنا بنتزوج مع بعض ضحكت مش ايناس ومها ..
وبعد تقريبا ثلاث ايام قرروا العائلة أنهم يطلعون من الشاليه وكل واحد يرجع على بيته لانه كان في جمعة حريم بالليل عشان المعاريس توهم راجعين من شهر العسل ايناس ومها أول ما وصلوا بيتهم ايناس كانت زعلانة ما راح تشوف تركي نفس كل يوم وما راح تروح الإسطبل نفس كذا ومها بعد كانت زعلانة م راح تشوف خالد نفس كل يوم لأنهم تعودوا أسبوع كامل جالسين في الشاليه وكل يوم لازم يشوفون بعض ناموا ايناس ومها كل وحده بغرفتها وباليوم الثاني صحوا ايناس ومها على صوت أمهم تصحيهم وتقول لهم يلا يا بنات تأخرنا قوموا تجهزوا عشان جمعة الحريم اليوم راح يوصلون المعاريس وفي جمعة كبيرة في بيت جدكم قامت ايناس وما كان لها خلق ومها كانت متحمسة شوي بس كانت بنفس الوقت مو مرة متحمسة تجهزوا ايناس ومها
لبس مها وايناس ⬇