استمتعوا يحلوين
تجاهلوا الاخطاء الاملائية
.............
سهيت ، مرتني دروبٍ حزينه
ومر الشوق في ساعة غيابك
خذيت اللي خذيته في عجوله
ومشيت بدرب يأخذني لبابك
..............
خرج من خيمته قبل صلاه الفجر بدقايق ، توجه لدلو صغير وبدا يتوضى فيه
انتهى ومسح وجهه اللي صار احمر من البرد
التفت لما سمع صوت خيل واستغرب ، قرب من باب خيمته وناظر ابو متعب اللي يجر الخيل معه و وراهم جمال اللي مكشر وضام نفسه بجاكيت ابوه
ابتسم صقر وبسرعه اختفى ابتسامته جاهل سببها :- الله حيه بو متعب
ابتسم له ابو متعب ومد لجام الخيل لجمال اللي اخذها ويناظر صقر بتركيز
قرب ابو متعب وحاوط يده كتف صقر ومشى معه مبتعد عن ولده :- يبوك بروح كم يوم للشمال ولا اقدر اخلي جمال لحاله هناك ولا يروح معي ومالي غيرك
همهم صقر وطبطب على كف ابو متعب اللي على كتفه :- تبشر يبوي روح وانت متطمن جمال بعيوني ولا هو بجايه شي من ديرتك
تنهد ابو متعب براحه وناظر جمال الواقف يلعب مع الخيل :- ما أمن عليه الا عندك يلا يبوك بروح وبوصي جمال ما يثقل عليك هالولد ما يمسك لسانه
ابتسم صقر لكلام ابو متعب وناظر جمال اللي لما قرب منه ابوه توسعت ابتسامته وبدا يتكلم معه قبل ما يكشر ويناظر صقر ويقلب عيونه
قرب من ابو متعب لما ناداه وسلم عليها بعدها ركب خيله وناظر جمال :- انتبه لنفسك جمال ولا تكلم احد ما تعرفه
تأفف جمال وضرب الخيل اللي بدت تمشي :- زين يالشايب انت لا تتاخر عشان ما اكلم احد
ابتسم ابو متعب وضرب بكاحله الخيل وبدت تركض لجهتهم
تنحنح جمال وناظر صقر بطرف عينه :- لحد ما يجي ابوي اسحب كلامي انت مو شايب
كتم ابتسامته صقر ومشى لخيمته يصحي هلال :- الحين مو شايب مصلحه يعني
ابتسم جمال وضحك لما سمع شهقة هلال بسبب صقر اللي كب المويه عليه :- قم الصلاه يلاا وعندنا ضيف
تمدد هلال وناظر جمال اللي واقف قدام الخيمه :- الله حيه جمال يالله صباح خير شعندك ؟
تكتف جمال وكشر :- الخير بوجهك ومالك دخل
ناظرهم صقر باستغراب :- انتم ما كنت امس اصحاب ؟
ناظروه بنفس الوقت بعصبيه وتكلم هلال :- لا اكيد مو صاحبه امس كلمته عشان عمو ابو متعب ولا من يحب هالشين المريض
توسعت عيون جمال وقرب من هلال المنسدح بس مسكه صقر من يده وسحبه معه :- خلك منه يلا نصلي
سبه جمال بصوت خفيف وسحب يده من صقر لما استوعب انه طول وهو ماسكها ومشى قدامه بخطوات سريعه :- والله ان ما علمته هالزق يتكلم معي زين ما يلوم الا نفسه اوريه انا
