استمتعوا يحلويني
تجاهلوا الاخطاء الاملائية
................
ان جاك مني غير الطيب راجع سوايـاك
...............
....
الساعه 1:40 فجراً
صحى بعد نوم طويل يذكر انه دخل الفراش وبحضن راشد والساعه 5 المغرب والحين ما يعرف كم الساعه
تمدد وانتبه لنور خارج خيمه راشد ، جلس ومسك شماغ راشد المرمي ولفه على راسه وربطه باهمال مو مهتم لشعره الي نص رجع لورا والباقي على جبينه وعيونه المهم يخف الصداع شوي
وقف وهو يحس بدوخه بس كمل مشي لحد ما خرج من الخيمه وناظر صقر اللي جالس وبجنبه هلال ومقابلهم راشد وبينهم دلة قهوه ونار
قرب منهم وجلس متكي بيده على مركى بينه وبين راشد وناظرهم باستغراب :- جمال وينه؟
ابتسم هلال وتقدم من غريّم وباس يده ورجع لمكانه بجنب اخوه :- نايم بخيمتنا وتسلم يدينك الحلوه ذي على فعلتك فيهم
تنهد غريّم وهو عاقد حواجبه راسه بينفجر من الالم وهلال يذكره بالي صار ، ناظر راشد الي لمس كتفه :- تعبان غريّم ارجع ارقد
رفع عيونه يناظر صقر وابتسم له :- شفيك ساكت مضايقك انا ؟
ابتسم صقر بخفه و وقف متجه لخيمته :- بجيب لك دواء يهدي اعصابك لا تنفجر
تنهد غريّم وناظر راشد :- ارجع ارقد ولا اقوم اركض وش دخلك ؟
ابتسم هلال وكتم ضحكته لما التفت له راشد بغضب وصد عنهم ، ناظر غريّم ورفع شعرته عن عيونه وهو ملاحظ انزعاجه :- مالي دخل واللي تبيه بيصير
ناظره غريّم وقلب عيونه يصد عنه لدرجه جلسته غيرها وصار شبه معطي راشد ظهره
قرب منهم صقر ومد لراشد اعشاب مطحونه :- اخلطها بمويه وخله يشربها وهو بفراشه وبيرقد بسرعه
وقف غريّم يناظر صقر :- مابي ارقد واذا جونا الملاعين غزو ؟
وقف راشد ومسك كتوف غريّم يلفه له :- انت ارقد نحتاجك مصحصح وحنا هنا نراقب وفيه رجال بحدود ديارنا يلا غريّم
تأفف غريّم وناظرهم بغضب وصد عنهم متجه لخيمه راشد اللي لحقه بهدوء
تنحنح هلال وعدل جلسته يناظر صقر اللي يتصدد عنه بعد ما رجعهم من طريقهم للشمال :- شسمه صقر ما بتعلمني ؟
ناظره صقر وهو عاقد حواجبه مدعي الغضب :- وش اعلمك اترك منك العلوم وخلك ساكت
ابتسم هلال وتكتف وهو يهز راسه :- زين بقول لراشد اني شفتك تبوس جمال وقدامي بعد ما تستحي ولا تقول كنت اهديه لان محد غيرك يسوي كذا وبقوله يعلمني وش وضعك
